Իշխանության և կրքի մատանիներ. որ մատին կրել զարդը

168.am-ը գրում է .

Որպեսզի զարգացնեք կամ ուժեղացնեք Ձեր մեջ որոշակի որակներ, որոշ աստղագետների կարծիքով՝ ուղղակի պետք է կրել մատանի որոշակի մատի վրա: Մեզանից շատերը երազում են փառքի և իշխանության մասին, իսկ ինչ-որ մեկը ցանկանում է գրավել որոշակի անձի բարեհաճությունը: Այս ամենը հնարավոր է դառնում մատանիների օգնությամբ:

Հիմա մեծ նշանակություն է տրվում այն բանին, թե ինչ նյութից է պատրաստված մատանին և ինչ քարերով է այն զարդարված: Շատերը մատանի են ընտրում այնպիսի քարերով, որոնք իրենցն են` ըստ Կենդանակերպի նշանի: Դա թույլ է տալիս մատանին օգտագործել ոչ միայն՝ որպես զարդ, այլ նաև՝ որպես թալիսման կյանքի որոշակի բնագավառներում:

Ոչ պակաս կարևոր փաստ է այն, թե որ մատին են կրում մատանին: Որոշակի ձևով կրելով մատանին՝ այն օգնում է նաև ցուցադրել հասարակությանը Ձեր մտադրությունների մասին: Մեր մատներից յուրաքանչյուրը նշանակում է որոշակի ցանկություններ, նպատակներ և սովորություններ: Դրա համար նախքան մատանի կրելն արժե մտածել, թե ինչ եք Դուք ուզում կյանքից:

Խիստ որոշակի ձեռքի և մատների վրա մատանու կրելու ավանդույթը գալիս է հինավուրց ժամանակներից: Այս զարդերի զետեղումից կարելի էր հասկանալ, թե որ սոցիալական խավին է պատկանում այն կրող մարդը: Անցելով դարերի միջով` մատանիների կրման խիստ ավանդույթը փոխվել է և հասել է մեզ այլ տեսքով: Մեր ժամանակներում շատերը չեն մտածում, թե որ մատին կրեն այդ զարդը, այլ ուղղակի կրում են այնպես, որ հարմար լինի:

Սակայն, թերևս, արժե դիտարկել նախնիների փորձը: Շատ մեծ մարդիկ նպատակաուղղված էին մատանին կրում այս կամ այն մատին: Աստղագուշակները կարծում են, որ յուրաքանչյուր մատի հովանավորում է որոշակի մոլորակ, դրա համար մատանու օգնությամբ մենք կարող ենք ձեռք բերել չբավարարող ինչ-որ որակ, կամ հակառակը՝ փոքրացնել անցանկալի էմոցիաները:

Ամենաազդեցիկ մատներն են ցուցամատը և մատնեմատը: Համարվում է, որ կրելով մատանին ցուցամատին՝ մարդը ձեռք է բերում իշխանություն ուրիշ մարդկանց նկատմամբ: Ցուցամատը գտնվում է Յուպիտերի հովանավորության ներքո, իսկ այդ մոլորակն օժտված է հզոր էներգետիկայով. ուժով: Եթե Դուք ցանկանում եք ձեռք բերել լիդերական որակներ, լողալ փառքի մեջ, կամ ավելի ինքնավստահ դառնալ,

ապա կրեք մատանին ցուցամատին: Այս դեպքում նշանակություն չունի, թե որ ձեռքի ցուցամատին կկրեք այն:

Հարկավոր է նշել, որ կրելով մատանին ցուցամատին՝ Դուք դրանով հայտարարում եք Ձեր մասին աշխարհին և հասարակությանը, դրա համար այն պետք է ունենա հարուստ և ճոխ տեսք: Այդպիսի հատկություններ մատանուն կարող են տալ շափյուղան և նռնաքարը: Այս քարերը կարող են ուժեղացնել մատանու ազդեցությունը, քանի որ նույնպես գտնվում են Յուպիտերի հովանու ներքո:

Իսկ եթե Ձեզ չի բավարարում սերը, կամ ցանկանում եք կենդանացնել հանգած զգացմունքները, մատանին ահրաժեշտ է կրել մատնեմատին: Այդ մատին մատանի կարող են կրել ոչ միայն այն մարդիկ, ովքեր ամուսնացած են: Հին ժամանակներում մատանիները կրում էին այդ կերպ` ներդաշնակության հասնելու համար: Մատնեմատին մատանին կրելու ավանդույթը սկիզբ է առել Հին Եգիպտոսում: Համարվում էր, որ մատնեմատի մեջ է գտնվում անոթ, որն ուղղակիորեն կապված է սրտի հետ:

Մատնեմատի հովանավոր մոլորակն Արեգակն է: Այն ընդունակ է առաջացնելու կիրք, եթե դա անհրաժեշտ է, և ջերմացնել հոգին և սիրտը բարդ իրավիճակներում:

Դուք կարող եք ինքներդ ընտրել և ակտիվացնել Ձեզ անհրաժեշտ վիճակը և էմոցիան: Օրինակ, եթե Դուք որոշել եք դառնալ ավելի կրքոտ, Ձեզ անհրաժեշտ է մատանի` զարդարված ալմաստով: Իսկ եթե Դուք ցանկանում եք ավելի հանգիստ և ռոմանտիկ տրամադրություն, ապա Ձեզ դրանում կօգնի սաթով զարդարված մատանին:

Պատրաստեց Անի Գաբուզյանը