Պատմության ամենահանճարեղ 10 «ծույլիկները». Ֆոտոշարք

PHOTO 20 February, 2016 12:18

Blog.1in.am-ը գրում է.

Դպրոցում ցուցաբերած երեխայի ցածր առաջադիմությունը դեռևս հուսահատվելու պատճառ չէ, քանի որ ոչ բոլոր հանճարեղ մարդիկ կարող էին հպարտանալ իրենց դպրոցական հաջողություններով: bigpicture.ru կայքը ներկայացնում է 10 «ծույլիկների», որոնք հետագայում դարձել են համաշխարհային պատմության ամենապայծառ ուղեղները:

1.Հանճարեղ Վոլտերի հայրը ցանկացել է, որպեսզի որդին իրավաբան դառնա և չգիտես, թե ինչու նրան ճիզվիտների քոլեջ է տվել, որտեղ ապագա հանճարը սուվորել էր «լատիներեն և այլ հիմարություններ»: Երիտասարդ Վոլտերը այնքան էլ լավ չէր սովորում, բացի այդ իրավաբանի ապագան էլ նրան այնքան էլ չէր գրավում: Հիասթափված հայրը մի անգամ նրա և եղբոր մասին ասել է հետևյալը. «Ես մեծացրել եմ երկու հիմարների: Մի հիմարը արձակում է, իսկ մյուսը՝ բանաստեղծությունում»:

2.Դպրոցում վատ է սովորել նաև Իսահակ Նյուտոնը: Նա խելքի է եկել միայն այն ժամանակ, երբ նրան ծեծել է համադասարանցին: Քանի որ Նյուտոնը հիվանդոտ և թույլ երեխա էր, որոշել էր ցույց տալ, որ կարող է բոլորից լավ սովորել:

3.Օտտո ֆոն Բիսմարկը դպրոցում վատ է սովորել: Ընդունվելով Գյոթինգենի Գեորգ Ավգուստի համալսարան, Գերմանիայի ապագա կանցլերը ուսումնառության փոխարեն նախընտրում էր ընկերների հետ զվարճանալը, մի խոսքով՝ այդ ժամանակների տիպիկ ոսկե երիտասարդության ներկայացուցիչ: Բիսմարկը նույնիսկ մասնակցել է 27 մենամարտերի:

4.Նապոլեոնը դպրոցական առարկաներից միայն մաթեմատիկան է կարողացել սովորել:

5.Լյուդվիգ վան Բեթհովենը ամբողջ կյանքում ուղղագրական սխալներով է գրել, իսկ թվաբանությունը այդպես էլ չի կարողացել յուրացնել:

6.Հարաբերականության տեսության ստեղծող Ալբերտ Էնշտեյնի ծնողները առանձնակի հույսեր չէին կապում նրա հետ և հույս ունեին միայն, որ Ալբերտը հետագայում կկարողանա ընդունվել որևէ պարզ աշխատանքի:

7.Ալեքսանդր Պուշկինը բառացիորեն լալիս էր թվաբանության դասերին, իսկ լիցեյի ուսումնառության ավարտին նա վերջից երկրորդն էր իր առաջադիմությամբ:

8.Վլադիմիր Մայակովսկին դպրոցում առանձնակի սեր չէր տածում դեպի գրականությունը և անգամ չի կարողացել մինչև վերջ կարդալ «Աննա Կարենինան»:

9.Դպրոցում հանճարեղ ռուս կոնստրուկտոր Սերգեյ Կորոլյովը երեքից բարձր գնահատական հազվադեպ է ստացել:

10.Անտոն Չեխովը մի անգամ գիմնազիայում մնացել է նույն դասարանում: Սակայն «Նամակ գիտուն հարևանիս» պատմվածքը նա «Ստրեկոզա» ամսագրում տպագրել է, երբ սովորում էր համալսարանի առաջին կուրսում: