Մեկնարկել է «Արմմոնո» 24-րդ միջազգային թատերական փառատոնը

CULTURE 15 April, 2026 23:34

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ապրիլի 14-ից մայիսի 1-ը Երևանում, Գյումրիում և Աբովյանում՝ ՀՀ ԿԳՄՍ նախարարության աջակցությամբ, Երևանի քաղաքապետարանի հովանավորությամբ կանցկացվի «Արմմոնո» 24-րդ միջազգային թատերական փառատոնը: Այս տարի փառատոնի մասնակից երկրներն են Իսպանիան, Իտալիան, Սերբիան, Ռումինիան, Իրանը, Ռուսաստանը և Վրաստանը: Կուցադրվի 22 մոնոներկայացում, 8-ը՝ միջազգային ծրագրում։

Փառատոնի ընթացքում կցուցադրվեն նաև մոնոներկայացումներ՝ ՀՀ մարզերից։ Փառատոնի ծրագրում ներառված են բազմատեսակ մոնոներկայացումներ` մոնոդրամա, մոնոդոկ, մոնոպար: Մոնոներկայացումները կցուցադրվեն «Արմմոնո-Տրիումֆ», «Արմմոնո-Դեբյուտ», «Արմմոնո-Դանս», «Արմմոնո-Fairy Tail» խորագրերի շրջանակում։ «Արմմոնո» փառատոնի մեկնարկը կտրվի ապրիլի 14-ին՝ ժամը 18։00-ին, Փոքր թատրոնում (ք. Երևան, Աբովյան 11). կցուցադրվի Ֆիլիպ Ռիստովսկու «Նիժինսկի» մոնոներկայացումը։ Փառատոնի օրերին Երևան կժամանեն միջազգային հեղինակավոր փառատոների տնօրեններ, փորձագետներ, որոնք կանցկացնեն վարպետության դասեր։

Միջազգային ծրագրում հանդես կգան Գեորգի Գասվիանին «Խոստովանություն. Ես Սերգեյ Փարաջանովն եմ» (Վրաստան), Վիտալի Յարոշ «Պարալիմպիկ» (ՌԴ), Անդրեյ Յակովլևը «Փրկել կամեր-յունկեր Պուշկինին» (ՌԴ), Խոսե Անտոնիո Լուսիան «Կարիճ կամ արարողություն (Իսպանիա), Ռադե Կոստիչը «Չապլին․ իմ պատերազմը» (Սերբիա), Դորսա Միրզայի «Պրոմեթևս» (Իրան), Քրիստիան Իզզո «Պուլչինելլա`ծառա առանց տիրոջ» (Իտալիա): Տեղական ծրագրում հանդես կգան Աղասի Մելքոնյանը «Թղթե մարդը», Ալլա Սահակյանը «Լույսի ծածկագիրը», Լիլիա Մուկուչյանը «Կոնտրաբաս», Կարինե Խոդիկյանը «Ինքնաթիռների և մարդկանց մասին», Բաբկեն Զաքարյանը «ՆԵԵսենին», Սամվել Էլբակյանը «Կոմիտաս», Անահիտ Ղազարյանը «Պարուհին» մոնոներկայացումներով:

Փառատոնի ծրագրում ներկայացված են բեմադրություններ, որոնք վերաիմաստավորում են մեծ արվեստագետների ճակատագրերն ու ստեղծագործական ճանապարհը՝ նոր բեմական ընթերցմամբ։ Աշխարհում ընդունված և ճանաչված արդի թատերական ժանրերից՝ մոնոներկայացումը, հարազատ և սիրելի է հայ հանդիսատեսի համար: Մեծ է փառատոնի կարևորությունն ու նշանակությունը հայաստանյան մշակույթի զարգացման և թատերարվեստի մոնոժանրի խթանման, ինչպես նաև միջազգային ասպարեզում հայ թատերական արվեստը ճանաչելի դարձնելու գործում:

Հետևեք մեզ՝ այստեղ