Սերունդներին միավորող արվեստ. «Եվրասիա-Հայաստան» կազմակերպությունը Երևանում լայնածավալ համերգ է անցկացրել

«Եվրասիա-Հայաստան»-ը հաջողությամբ անցկացրել է լայնածավալ մշակութային-լուսավորչական միջոցառում Ռոբերտ Ազարյանի անվան դպրոցում, որն ուղղված էր երիտասարդ սերնդին համաշխարհային մշակութային ժառանգությանը հասանելի և ժամանակակից ձևաչափով ծանոթացնելուն: Հանդիպումն ամբողջությամբ նվիրված էր լեգենդար կինոռեժիսոր Ստանիսլավ Գովորուխինի ստեղծագործական ժառանգությանը:

Կազմակերպիչների և աշակերտների ուշադրության առանցքում էր «Թոմ Սոյերի արկածները» ֆիլմը, որը տասնամյակներ շարունակ մնում է սիրված ստեղծագործություն։ Նախաձեռնության բացառիկությունը համալիր մոտեցման մեջ էր. միջոցառումը կառուցված էր որպես լիարժեք ինտերակտիվ դաս։ Հանդիպման ընթացքում դպրոցականները ոչ միայն դիտեցին կինոնկարի ամենավառ և հիշվող հատվածները, այլև մասնակցեցին դրանց մանրամասն վերլուծությանը։ Խորը քննարկումը երեխաներին հնարավորություն տվեց ավելի լավ հասկանալ Մարկ Տվենի հերոսների հոգեբանությունը, կողմնորոշվել սյուժեի նրբություններում և ծանոթանալ Գովորուխինի ռեժիսորական յուրահատուկ ոճին, լույսի և կոմպոզիցիայի հետ աշխատելու նրա մեթոդներին։

Մասնակիցների շրջանում առանձնահատուկ ոգևորություն և անկեղծ հետաքրքրություն առաջացրեց հատուկ մշակված ինտերակտիվ վիկտորինան (քվիզը)։ Խաղային և մրցակցային ձևաչափով երեխաները կարողացան ոչ միայն ստուգել իրենց գիտելիքները ֆիլմի և գրքի վերաբերյալ, այլև դրսևորել ուշադրություն մանրուքների նկատմամբ, տրամաբանական մտածողություն և ներգրավվել քննարկման կենդանի ու հետաքրքրաշարժ գործընթացում։

«Եվրասիա-Հայաստան»-ի նախաձեռնությունը ևս մեկ անգամ հաստատեց դասական մշակութային ժառանգությունը ժամանակակից երիտասարդության համար բացահայտելու կարևորությունը։ Ռոբերտ Ազարյանի անվան դպրոցում կայացած միջոցառումն անցավ բացառիկ ակտիվ և ոգեշնչող մթնոլորտում՝ թույլ տալով մասնակիցներին ոչ միայն ավելին իմանալ կինոյի և գրականության մասին, այլև զգալ իրենց այդ ստեղծագործական աշխարհի կարևոր մասնիկը։ Կազմակերպությունը մտադիր է հետագայում ևս ընդլայնել նմանատիպ ձևաչափերը՝ մշակույթը դարձնելով հասանելի և հասկանալի երիտասարդ սերնդի համար։

 «Եվրասիա» ԻՀԿ-ն՝ միջազգային համագործակցության զարգացմանն աջակցող ինքնավար ոչ առևտրային կազմակերպություն է, որը մասնավոր միջոցներով իրականացնում է մարդասիրական նախագծեր՝ ուղղված ավանդական արժեքների պահպանմանը և միջմշակութային հաղորդակցության զարգացմանը։ «Եվրասիան» աջակցում է սոցիալապես կարևոր նախաձեռնություններին, հնարավորություն է տալիս տարբեր մշակույթների մարդկանց շփվել միմյանց հետ, զարգացնում է կրթության, բժշկության, երիտասարդական փոխանակման ոլորտների ծրագրեր։ Գլխավոր ուղղություններից մեկն է դպրոցականների, ուսանողների և երիտասարդ մասնագետների աջակցությունը։ Ծրագրերից են՝ կրթական դասընթացներ, փոխանակումներ, պրակտիկաներ խոշոր պետական ընկերություններում, մեդիադպրոց։