Արևմուտքը հորինել է «Կրեմլի ագենտ», «Պուտինի ագենտ», «ԿԿԲ-ի ագենտ» տերմինները․ Մհեր Ավետիսյան

Այսօր Հայաստանում ևս շատերը, ովքեր ակնհայտորեն, բացեիբաց գրանտներ են ստանում Արևմուտքից, տարբեր գործիչների և անհատների մեղադրում են «Կրեմլի ագենտ», «Պուտինի ագենտ» լինելու մեջ՝ մոռանալով, որ իրենք բացեիբաց Արևմուտքից փող են ստանում, որ իրենք Արևմուտքից բացեիբաց փող ստանալով Հայաստանում իրականացնում են փաստացի հակապետական գործունեություն, քանզի Հայաստանի և Արևմուտքի շահերը չեն համընկել, չեն համընկնում և չեն համընկնելու։

 

Հիմա «Ռուսաստանի ագենտ» լինելու մասին․ Ժողովուրդ ջան, Ռուսաստանը աշխարհի միակ պետությունն է, որ երբեք չի միջամտել, և չի միջամտում, և չի միջամտելու Հայաստանի ներքին գործերին, և սա Հայաստանում քաղաքականությամբ զբաղվող, քիչ թե շատ ինտելեկտ ունեցող գործիչները լավ գիտեն՝ անկախ այն բանից, ինչ են ասում։ Միևնույն է նրանք լավ գիտեն, որ Ռուսաստանը չի միջամտել և չի միջամտելու Հայաստանի ներքին գործերին։

 

Մնացած խոսակցությունները անհեթեթ են, հորինված և ունեն կոնկրետ նպատակ՝ Հայաստանում հակառուսականություն ձևավորելու համար։ Իսկ Ռուսաստանը, եթե մի պահ միջամտեր Հայաստանի ներքին գործերին, շատ բան Հայաստանում այլ կլիներ։

 

Եվ այսօր Ռուսաստանն ու Չինաստանը գեոպալիտիկ պայքար են մղում Արևմուտքի դեմ նաև այն պատճառով, որ պահանջում են Արևմուտքից, որպեսզի նա ևս չմիջամտի այլ պետությունների ներքին գործերին և հարգի պետությունների սուվերենիտետը, և սա ձևակերպված է նաև Ռուսաստանի ու Չինաստաննի կողմից Արևմուտքի ներկայացված պահանջների և ապագա դոկտրինի մեջ պաշտոնապես…