Ուկրաինական ԱԹՍ-ները մեկ շաբաթում 3 անգամ հարվածել են ՌԴ-ի հարավում գտնվող խոշոր նավթավերամշակման գործարաններից մեկին

INTERNATIONAL NEWS 19 August, 2025 11:35

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վոլգոգրադի մարզը օգոստոսի 19-ի գիշերը ուկրաինական անօդաչու թռչող սարքերի զանգվածային հարձակման է ենթարկվել, հայտնել է մարզի ղեկավար Անդրեյ Բոչարովը։ «Վոլգոգրադ քաղաքի հարավում անօդաչու թռչող սարքի բեկորների անկման հետևանքով հրդեհ է բռնկվել թիվ 16 հիվանդանոցի մասնաշենքերից մեկի տանիքում և նավթավերամշակման գործարանի տարածքում», – նշել է Բոչարովը։ Նախնական տվյալներով՝ տուժածներ չկան։ Հրշեջները զբաղվում են հրդեհների տեղայնացմամբ և մարմամբ, ավելացրել է մարզպետը։ Ինչպես Shot-ին հայտնել են Վոլգոգրադի բնակիչները՝ գիշերվա ժամը երկուսին քաղաքի վրա 4-ից 10 պայթյուն է որոտացել։ Անօդաչու թռչող սարքերը թռել են շատ ցածր բարձրությունից, իսկ պայթյուններից հետո երկնքում վառ բռնկումներ են առաջացել։ ՌԴ պաշտպանության նախարարության զեկույցի համաձայն՝ գիշերվա ընթացքում Վոլգոգրադի մարզի վրա 13 անօդաչու թռչող սարք է խոցվել։

Վոլգոգրադում գտնվում է «Լուկօյլի» նավթավերամշակման գործարանը, որը երկրում մտնում է լավագույն տասնյակի մեջ և Հարավային դաշնային շրջանի նավթամթերքի խոշորագույն արտադրողներից է։ Գործարանի հզորությունը կազմում է տարեկան 14,8 մլն տոննա։ Մինչ այդ, ձեռնարկությունը հարձակման է ենթարկվել օգոստոսի 13-ին և 14-ին։ Reuters-ի աղբյուրների տվյալներով՝ նավթավերամշակման գործարանը ստիպված է եղել դադարեցնել նավթի վերամշակումը, քանի որ վնասվել են ԱՎՏ-5, ԱՎՏ-1 և ԱՎՏ-6 առաջնային սարքավորումները, որոնք միասին ապահովում են ձեռնարկության հզորությունների 100%-ը։ Գործարանը դադարեցրել է աշխատանքը մինչև սեպտեմբերի կեսեր, նշել են Reuters-ի զրուցակիցները։

Վոլգոգրադի նավթավերամշակման գործարանը դարձել է Ռուսաստանի երրորդ խոշոր նավթային գործարանը, որը ոտքի է կանգնել ուկրաինական անօդաչու թռչող սարքերի հարվածներից հետո՝ օգոստոսի սկզբից ի վեր։ Ժամանակավորապես դադարեցրել են աշխատանքը նաև «Ռոսնեֆտի» Սարատովի և Նովոկույբիշևսկի նավթավերամշակման գործարանները։ Բացի այդ, օգոստոսի սկզբին իր հզորությունների մոտ կեսը դադարեցրել է Ռյազանի նավթավերամշակման գործարանը, որը վառելիք է մատակարարում, այդ թվում՝ Մոսկվայի տարածաշրջանին։ Տարեկան 13,8 մլն տոննա հզորությամբ գործարանում, որը «Ռոսնեֆտի» գործարաններից ամենամեծն է, անօդաչու թռչող սարքերի հարձակումից հետո վթար է տեղի ունեցել հումքի առաջնային վերամշակման երեք կայանքներից երկուսում։ Նովոկույբիշևսկի և Ռյազանի նավթավերամշակման գործարանների վերանորոգումը կտևի մեկ ամիս։ Այս մասին ավելի վաղ հաղորդել են Reuters-ի աղբյուրները։

Բացի այդ, օգոստոսին ուկրաինական անօդաչու թռչող սարքերը հարձակվել են Կրասնոդարի երկրամասի Աֆիպսկի նավթավերամշակման գործարանի, Կոմի հանրապետության «Լուկօյլ-Ուխտանեֆտեպերերաբոտկա» նավթավերամշակման գործարանի և Սամարայի մարզի Սիզրանի նավթավերամշակման գործարանի վրա։ Այս ֆոնին կառավարությունը երկարաձգել է սեպտեմբեր և հոկտեմբեր ամիսներին երկրից բենզինի արտահանման արգելքը։ Չնայած արգելքի գործողությանը՝ նավթամթերքի գները գարնանից ի վեր թռիչքաձև աճել են 30%-ով և շարունակում են աճել։ Նավթային ընկերություններից Reuters-ի զրուցակիցները նշել են, որ բենզինը թանկանում է ներքին շուկայում անբավարար առաջարկի պատճառով։ Նրանք ենթադրել են, որ օգոստոս և սեպտեմբեր ամիսներին Ռուսաստանին սպառնում է բենզինի լիարժեք ճգնաժամի կրկնություն, որը նման է երկու տարի առաջ՝ 2021 թվականին, ինչպես նաև 2018 թվականին տեղի ունեցածին։ «Տեղ-տեղ կարող է առաջանալ տեղային դեֆիցիտ», – ասել է գործակալության աղբյուրներից մեկը։ Մեկ այլ զրուցակցի խոսքով՝ ինչպես 2024 թվականի սկզբին, երբ ուկրաինական անօդաչու թռչող սարքերի հարձակումների հետևանքով խոշոր նավթավերամշակման գործարանները դադարեցրին աշխատանքը՝ ՌԴ կառավարությունը կարող է օգնության համար դիմել Բելառուսին։