ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Բազմաթիվ զոհերի պատճառ դարձած անկարգություններ ֆուտբոլային հանդիպման ժամանակ. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

ՄԱԿ–ի խաղաղապահների համաշխարհային օր, Առողջ սննդի համաշխարհային օր, Արգենտինա՝ ցամաքային զորքերի օր, Դոմինիկյան Հանրապետություն՝ Մայրերի օր, Ղրղզստան՝ Զինված ուժերի օր:

ՀԱՅ–ՀԱՅԱՍՏԱՆ

1866– ծնվել է գրող Հակոբ Հակոբյանը:

1913– ծնվել է նշանավոր դրամատուրգ, սցենարիստ Լևոն Կարագյոզյանը:

1913–ծնվել է արձակագիր, լրագրող Աշոտ Արզումանյանը:

1914–ծնվել է արձակագիր, լրագրող Գաբրիել Արևյանը:

1918–ավարտվել է Ապարանի ճակատամարտը. թուրքական դիվիզիայի արյունաքամ մնացորդները սպիտակ դրոշ են պարզել։ Սարդարապատի ռազմաճակատում զինադադար է հաստատվել։ Հայկական բոլոր զորքերի հարձակումները դադարեցվել են։ Ազդարարվել է Սարդարապատի ճակատամարտի ավարտը։

1922 –վախճանվել է ազգությամբ հայ, ռուսաստանցի դերասան և ռեժիսոր Եվգենի Բագրատիոնի Վախթանգովը, որի անունով էլ կոչվում է նրա հիմնած թատրոնը Մոսկվայում:

1953 –ԽՍՀՄ ղեկավարությունը, չցանկանալով ավելի սրել Թուրքիայի հետ հարաբերությունները, հայտարարել է, որ «Հայաստանի և Վրաստանի կառավարությունները հնարավոր են համարել հրաժարվել Թուրքիայի նկատմամբ տարածքային պահանջներից, մասնավորապես Կարս քաղաքի նկատմամբ ունեցած տարածքային պահանջից»։

1992–Հայաստանը դիվանագիտական հարաբերություններ է հաստատել Գանայի հետ:

1996–վախճանվել է խորհրդային մարմնամարզիկ, օլիմպիական չեմպիոն Հրանտ Շահինյանը:

1998– Հայաստանը դիվանագիտական հարաբերություններ է հաստատել Մալթայի հետ:

2006– հայ ռեժիսոր Արման Երիցյանի «Բաց երկնքի տակ» վավերագրական ֆիլմը մրցանակ է ստացել Թբիլիսիի «Սեսիլիի» միջազգային փառատոնում:

2006–Հայաստանի նախագահի հրամանագրերով Հայկ Հարությունյանն ազատվել է կառավարությանն առընթեր ոստիկանության պետի պաշտոնից, ոստիկանության պետ է նշանակվել Ալիկ Սարգսյանը, որը մինչ այդ Արարատի մարզպետն էր:

2013–Անվանի գրող, Արցախյան ազատամարտի մասնակից Լևոն Խեչոյանը հրաժարվել է պետական պարգևից և նստացույց սկսել, քանի որ «երկրից արտագաղթը հասել է մեծ չափերի», և իր եղբայր–ազատամարտիկները, չդիմանալով սոցիալական ծանր պայմաններին, հեռանում են:

2018–Երևանի Քանաքեռ–Զեյթուն վարչական շրջանի թիվ 16 պոլիկլինիկայի աշխատողները գործադուլ են սկսել՝ հրաժարվելով տնօրենի ժամանակավոր պաշտոնակատարի ենթակայությամբ աշխատել:

2020– Մասիս Մայիլ յանը նշանակվել է Արցախի Հանրապետության արտգործնախարար:

2024– ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը Երևանի Սուրբ Աննա եկեղեցու բակում առաջին հավաքն է կազմակերպել։

ԱՇԽԱՐՀ

1448 –վախճանվել է Բյուզանդիայի կայսր Հովհաննես 8–րդ Պալեոլոգոսը:

1453 – Մեհմեդ 2–րդի գլխավորությամբ օսմանյան զորքերը գրավել են Կոստանդնուպոլիսը: Սպանվել է Բյուզանդիայի վերջին կայսր Կոստանդին 11–րդ Պալեոլոգոսը:

1500 –անհետ կորել է պորտուգալացի նավագնաց և հետազոտող Բարտոլոմեո Դիաշը:

1727 – Պյոտր 2–րդը դարձել է Ռուսաստանի ցար:

1790– վերջին ամերիկյան գաղութ Ռոդ Այլենդն ընդունել է ԱՄՆ–ի Սահմանադրությունը։

1802 –ֆիզիկոս և էլեկտրամետալուրգիայի հիմնադիր, ակադեմիկոս Պետրովը հայտնաբերել է էլեկտրական աղեղի երևույթը:

1848– Վիսկոնսինը դարձել է ԱՄՆ 30–րդ նահանգը։

1855 –ծնվել է անգլիացի միկրոբիոլոգ, պարազիտոլոգ, որոշ մանրէներ և հարուցիչներ հայտնաբերած Դեյվիդ Բրյուսը:

1917 –ծնվել է ԱՄՆ 35–րդ նախագահ Ջոն Ֆիցջերալդ Քեննեդին:

1935 – Հաագայի քաղաքային թանգարանը բացվել է հանրության համար:

1953 – Էդմունդ Հիլարին և ազգությամբ շերփա Թենսինգ Նորգեյը դարձել են Էվերեստի գագաթ բարձրացած առաջին մարդիկ:

1960–ԽՍՀՄ–ում լույս է տեսել «Ֆուտբոլ» շաբաթաթերթի առաջին համարը:

1985 – Բրյուսելի «Էյզեն» մարզադաշտում ՈՒԵՖԱ–ի Չեմպիոնների լիգայի եզրափակիչ «Յուվենթուս» – «Լիվերպուլ» խաղում տեղի ունեցած անկարգությունների հետևանքով զոհվել է 39 մարդ, մոտ 600–ը ստացել են մարմնական վնասվածքներ։

1988 –սկսվել է ԱՄՆ նախագահ Ռոնալդ Ռեյգանի այցը ԽՍՀՄ:

2009 –ԱՄՆ նախագահը հայտարարել է Սպիտակ տանը կիբեռանվտանգության ծառայություն ստեղծելու մասին:

Մանրամասները՝ «Փաստ» օրաթերթի այսօրվա համարում