Ադրբեջանցիները Ռուսաստանում 13 տարի բռնի ստրուկներ են պահել. նրանք «Գորշ գայլեր»-ի կուսակիցներ են

INTERNATIONAL NEWS 17 April, 2025 22:24

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նովոկուզնեցկում ադրբեջանցիները 13 տարի շարունակ բռնի պահել են ինը ստրուկների, նրանց թվում՝ կանանց, որոնց ծեծի միջոցով ստիպել են աշխատել։ Եթե պատահարը չլիներ, «վարպետները» կշարունակեին շահագործել գերիներին, բայց դա միակ բանը չէ, որ ցնցել է շատերին։ Ձերբակալությունից անմիջապես հետո ստրկատերերն ազատ են արձակվել, գրում է Царьград-ը։

21-րդ դարի կես միլիոնանոց Նովոկուզնեցկ քաղաքում հայտնաբերվել են ստրուկներ, որոնք տասներեք տարիների ընթացքում փակված են եղել: Ոմանք չեն դիմացել տքնաջան աշխատանքին միախառնված տանջանքներին ու մահացել են։ Մնացածները գուցե կմեռնեին նկուղում, երեք երկաթե դռների հետևում, սակայն ստրուկներից մեկը փախավ և ազատություն տվեց դժբախտության մեջ գտնվող իր բոլոր ընկերներին:

Տարածաշրջանային Քննչական կոմիտեի տվյալներով՝ երեք ազգականներ՝ բնիկ ադրբեջանցիներ՝ Բայրամը, Ջեյհունը և Էլչին Վ.-ն, 2012 թվականից ստիպել են իրենց գերիներին աշխատել աղբը տեսակավորելու ուղղությամբ: Հայտնի է, որ ստրուկները մակուլատուրա էին հավաքում, և եթե անվճար աշխատելուց հրաժարվեին, «տերերը» նրանց դաժանաբար կծեծեին։ Էթնիկ խմբավորման պատանդներից ոմանք անօթևան էին, և նրանց անհետանալուց հետո նրանց ճակատագրով ոչ ոք չէր հետաքրքրվել: Մնացածին հարազատները փնտրում էին. երկու գերիներ համարվում էին անհայտ կորած։

Երբ մի ստրկուհու հաջողվել է փախուստի դիմել ու զատվել իրեն տանջողներից, նա ծանոթներին պատմել է սահմռկեցուցիչ նկուղի մասին: Այն, ինչ տեսել են ուժայինները, ցնցող էր: 33-49 տարեկան ինը պատանդ, որոնցից հինգը տղամարդ էին, չորսը՝ կին, ապրում էին ավտոտնակի նկուղում փակ սենյակում՝ իրար գլխի դիզված վիճակում: Դատելով նրանց արտաքինից (իսկ ավելի ուշ՝ նաև ցուցմունքներից), նրանց դաժան խոշտանգումների են ենթարկվել՝ կամքն ու դիմադրությունը կոտրելու համար:

Դատելով սոցցանցերում լուսանկարներից՝ նրանք թուրքական ազգայնական ահաբեկչական «Բոզքուրթ» («Գորշ գայլեր») խմբավորման կուսակիցներն են։ Հիշեցնենք, որ «Գորշ գայլեր»-ը հայտնի են չեչեն անջատողականներին իրենց աջակցությամբ, աղմկահարույց ահաբեկչություններով և քրիստոնյաների սպանություններով։ Դա ծայրահեղ աջ ազգայնական կուսակցության երիտասարդական մարտական թևն է, որի անդամները վերապատրաստվում են ճամբարներում և սովորեցնում ռազմական հմտություններ: Խմբավորման շարքերում շուրջ 50 հազար զինյալներ են ծառայում։

Հենց «Գորշ գայլեր»-ն է ստանձնել 2015 թվականի նոյեմբերի 24-ին ռուսական խոցված Սու-24 օդաչուի գնդակահարման պատասխանատվությունը, որից հետո Դաշնային խորհուրդն առաջարկել է արգելել «Բոզքուրթ» Ռուսաստանում, սակայն դա դեռ տեղի չի ունեցել։ Չնայած «Գորշ գայլերի» զինյալները Սիրիայում կռվել են չեչեն անջատողականների ու ահաբեկիչների կողքին, այսօր նրանք արդեն Ուկրաինայի զինված ուժերի վարձկանների շարքերում են։ Ի դեպ, Ֆրանսիայում, Ղազախստանում և Ադրբեջանում (գերված ստրկատերերի հայրենիքը) «Բոզքուրթը» պաշտոնապես արգելված է։ Մինչդեռ Ռուսաստանում, պարզվում է, ահաբեկիչների համար ուրախ են...

Նովոկուզնեցկի ադրբեջանցի ստրկատերերի օգտագործված ավտոմեքենաները զարդարված էին «Բոզքուրթի» խորհրդանիշներով, որոնք չգիտես ինչու Ռուսաստանում դեռ օրենքից դուրս չեն հայտարարված։ Ելուզակներից ամենաերիտասարդը՝ 24-ամյա Ջեյհունը, սոցիալական ցանցի իր էջին նույնիսկ «գայլ» անուն է կնքել։ Նա սիրում էր նաև շրջել քաղաքում՝ Թուրքիայի և Ադրբեջանի դրոշներով մակակարվածքներ պարզելով։ Նրա արխիվում կան նաև լուսանկարներ՝ բարձրացրած մատով (վահաբականների նախընտրելի ժեստը)։

Հետևեք մեզ՝ այստեղ