ՊԱՏՄՈՒԹՅԱՆ ԱՅՍ ՕՐԸ (20 ՄԱՐՏԻ). Ընդունվել է մահապատիժների ժամանակ գիլյոտին օգտագործելու որոշում, տեղի է ունեցել արևի լրիվ խավարում. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ֆրանկոֆոնիայի համաշխարհային օր, Երջանկության համաշխարհային օր, Ճնճղուկների համաշխարհային օր, Թունիս՝ Անկախության օր, Պարսիկներ, գիլանցիներ, քրդեր, զրադաշտականներ և Իրանի ազդեցության տակ գտնվող երկրներ՝ Նովրուզ։

ՀԱՅ-ՀԱՅԱՍՏԱՆ

1784 –վախճանվել է բանաստեղծ և կոմպոզիտոր Պետրոս Ղափանցին։

1857- ծնվել է ժամանակակից գուսանական երգարվեստի սկզբնավորողներից մեկը՝ գուսան, երգահան Շերամը։ 1887- ծնվել է հայ հայտնի գիտնականակադեմիկոս, հասարակական գործիչ, արևելագետ, 1934-1951 թթ. Էրմիտաժի տնօրեն Հովսեփ Օրբելին։

1918- ծնվել է 20-րդ դարի գեղանկարիչ, հայ արվեստի դասական Հրանտ Ստեփանյանը։

1921- զոհերից խուսափելու նպատակով 11-րդ Կարմիր բանակի ռազմական խորհրդի անդամ Օրջոնիկիձեն վերջնագիր է ներկայացրել Հայաստանի Հայրենիքի փրկության կոմիտեին։

1921- Թիֆլիսից Երևան է ժամանել բանաստեղծ Հովհաննես Թումանյանը։

1921- ծնվել է գրող, բանաստեղծ, թարգմանիչ Սաղաթել Հարությունյանը։

1956 - վախճանվել է նշանավոր հայդուկ, Անդրանիկի անձնական քարտուղար և զինակից Մախլուտոն (Սմբատ Բորոյան, Զորավար Սմբատ)։

1972- Հայաստանի նախարարների խորհրդին առընթեր Հայկական հեռագրական գործակալությունը վերակազմավորվել է պետական ինֆորմացիոն գործակալության՝ «Արմենպրես» անունով:

1992 - Կիևում տեղի է ունեցել ԱՊՀ երկրների նախագահների առաջին հանդիպումը։

2003- կառավարության որոշմամբ, 40 միլիոն դոլար կազմող միջուկային վառելիքի պարտքը ռուսաստանյան մատակարարին մարելու նպատակով ռուսաստանյան «ՌԱՈՆորդիգս» ընկերությանն է հանձնվել 25 միլիոն դոլար գնահատված «Սևան-Հրազդան» հիդրոէլեկտրակայանների կասկադը:

2008- կառավարությունում քաղաքական չորս ուժեր (ՀՀԿ, ԲՀԿ, ՕԵԿ, ՀՅԴ) ստորագրել են քաղաքական կոալիցիայի համաձայնագիր:

2015- Կարսում Թուրքիայի, Ադրբեջանի և Վրաստանի նախագահները ազդարարել են Հայաստանը շրջանցող ևս մեկ էներգետիկ ծրագրի` Տրանսանատոլիական գազատարի` TANAP-ի շինարարության մեկնարկի մասին:

2018-«Հիմնադիր խորհրդարանի» առաջնորդ Ժիրայր Սեֆիլյանը դատապարտվել է 10 տարի հինգ ամսվա ազատազրկման:

ԱՇԽԱՐՀ

մ.թ.ա. 44 - Գայ Հուլիոս Կեսարի հանդիսավոր թաղման ժամանակ կոնսուլ Մարկ Անտոնիոսը Հռոմի ժողովրդին հայտնել է Կեսարի կտակը, ըստ որի, Կեսարն իր բարեկամ Գայ Օկտավիային որդեգրել է և հայտարարել իր ժառանգորդ։

մ.թ.ա. 43 - ծնվել է հռոմեացի բանաստեղծ Պուբլիոս Օվիդիոս Նազոնը։

59 - վախճանվել է Հռոմի կայսր Կլավդիոսի կին և Ներոնի մայր Ագրիպինա Կրտսերը։

321 - Հռոմի կայսր Կոստանդիանոս Ա Մեծը հրամայել է տոնել կիրակի օրը։

1639 - ծնվել է Զապորոժիեի բանակի հետման Իվան Մազեպան։

1684 - վախճանվել է անգլիացի ֆիզիկոս, մաթեմատիկոս, աստղագետ, փիլիսոփա Իսահակ Նյուտոնը։

1792 - Ֆրանսիայի Ազգային ժողովը ընդունել է մահապատիժների ժամանակ գիլ յոտին օգտագործելու որոշում։

1815 - Նապոլեոն Բոնապարտը Էլբա կղզուց փախուստից հետո վերադարձել է Փարիզ։

1828 - ծնվել է նորվեգացի դրամատուրգ, հրապարակախոս Հենրիկ Իբսենը։

1854 - ԱՄՆ-ում հիմնադրվել է Հանրապետական կուսակցությունը։

1915 - ծնվել է ռուս վիրտուոզ - դաշնակահար Սվյատոսլավ Ռիխտերը։

1921 - ԱՄՆ-ի Կանզաս Սիթիում առաջին անգամ պատվերով արտադրվել է մուլտֆիլմ։

1933 - ծնվել է ռուս երկրաբան և բանաստեղծ Ալեքսանդր Գորոդնիցկին։

1956 - Թունիսը հռչակել է իր անկախությունը Ֆրանսիայից։

1990 - վախճանվել է ռուս աշխարհահռչակ ֆուտբոլային դարպասապահ Լև Յաշինը։

1991- երգիչ Էրիկ Կլեպտոնի 4-ամյա որդին՝ Կոնորը, զոհվել է Նյու Յորքում՝ ընկնելով շենքի 53-րդ հարկից. որդու հիշատակին Կլեպտոնը գրել է «Tears in Heaven» հայտնի երգը։

1993 - վախճանվել գերմանա-ամերիկյան ֆիզիկոս, Նոբել յան մրցանակակիր Պոլիկարպ Կաշը։

1995 - սինկրիստական ծայրահեղական «Աում Սենրիկյո» աղանդը Տոկիոյի մետրոյում իրականացրել է զարին թունավոր գազի գրոհ, որի արդյունքում զոհվել է 13 և վնասվածքներ է ստացել մոտ 6 000 մարդ։

2002 - սպանվել է արաբ վարձկան, Չեչնիայում իսլամական պետություն ստեղծելու ջատագով Խոտտաբը։

2003 - սկսվել է կոալիցիոն ուժերի ներխուժումը Իրաք։

2015 - Հյուսիսային կիսագնդում տեղի է ունեցել արևի լրիվ խավարում։

2019 - Ղազախստանում նախագահի պարտականությունները ստանձնել է Կասիմ-Ժոմարտ Տոկաևը։

Մանրամասները՝ «Փաստ» օրաթերթի այսօրվա համարում