ՊԱՏՄՈՒԹՅԱՆ ԱՅՍ ՕՐԸ (26 ՆՈՅԵՄԲԵՐԻ)․ Սոչիում կայացել են հերթական բանակցությունները, որոնք տևել են շուրջ 3 ժամ․ «Փաստ»

 

Տեղեկատվության համաշխարհային օր, Մոնղոլիա՝ Անկախության օր, Հնդկաստան՝ Սահմանադրության օր:

 

 

1856– ծնվել է ամերիկյան դիվանագետ, Օսմանյան կայսրությունում ԱՄՆ-ի դեսպան (1913 - 1916 թթ.) Հենրի Մորգենթաուն, որը դատապարտել է Հայոց ցեղասպանությունը, դրան անդրադարձել իր հուշերում:

 

1903- վախճանվել է պատմաբան Մատաթիա Գարագաշյանը:

 

1904 – ծնվել է դերասանուհի Արուս Ասրյանը:

 

1906– ծնվել է ԽՍՀՄ-ում մոլեկուլային գենետիկայի և հակաբիոտիկներ սինթեզող միկրոօրգանիզմների գենետիկայի հիմնադիրներից մեկը՝ հայազգի գիտնական, գենետիկ Սոս Ալիխանյանը:

 

1908 - ծնվել է ինժեներական զորքերի գեներալ-մայոր Ղևոնդ Հակոբյանը:

 

1912-ծնվել է գեղանկարիչ Հեղինե Աբրահամյանը:

 

1913– վախճանվել է հայ ազգային-ազատագրական շարժման գործիչ Սարգիս Կուկունյանը։

 

1920-սկսվել են հայ-թուրքական բանակցությունները պատերազմի ավարտի շուրջ:

 

1926 - ծնվել է հայազգի խորհրդային ռազմական գործիչ Ստեփան Խանամիրյանը:

 

1930 - ծնվել է բանաստեղծ, մանկագիր Սուրեն Մուրադյանը:

 

1952 - ծնվել է գործարար և քաղաքական գործիչ Վահե Աղաբեկյանցը:

 

1966– վախճանվել է արևմտահայ բանաստեղծ Համաստեղը (Համբարձում Կելենյան), որը համարվում է սփյուռքահայ գրականության հիմնադիրներից մեկը:

 

1990- վախճանվել է նկարիչ Էդուարդ Սարգսյանը:

 

2004- Հասարակածային Գվինեայի մայրաքաղաք Մալաբոյում հրապարակվել է դատավճիռ այդ երկրում պետական հեղաշրջման փորձի մեջ մեղադրվողների նկատմամբ. մեղադրյալի աթոռին հայտնված վեց հայ օդաչուները դատապարտվել են 14-24 տարվա ազատազրկման:

 

2009- կայացել է «Հայաստան» համահայկական հիմնադրամի կազմակերպած ամենամյա հեռուստամարաթոնը. նախնական տվյալներով, խոստացված և կատարված նվիրատվությունների գումարը կազմել է 15 միլիոն 875 հազար 43 դոլար:

 

2009 - սկսել է հեռարձակվել «Երկիր» հեռուստաալիքը:

 

2012-«Նաիրիտի» աշխատողներն իրենց 11 ամսվա աշխատավարձը վճարելու և գործարանը վերագործարկելու պահանջով բողոքի ցույց են կազմակերպել նախագահի նստավայրի առջև:

 

2020- ադրբեջանցիները հասել են Վարդենիսի շրջանի Սոթքի հանքավայր և պահանջել այնտեղ գտնվողներից՝ լքել տարածքը, քանի որ այն արդեն իրենց է պատկանում։

 

2020 - երկամսյա դադարից հետո կառավարությունը նիստ է հրավիրել։

 

2021-Սոչիում կայացել են Հայաստանի, Ադրբեջանի և Ռուսաստանի առաջնորդների միջև բանակցություններ, որոնք տևել են շուրջ 3 ժամ:

 

 

1394 -Սեուլը դարձել է Կորեայի մայրաքաղաքը:

 

1504 -վախճանվել է Կաստիլիայի և Լեոնի թագուհի Իզաբելլա Կաստիլիացին:

 

1607 -ծնվել է ամերիկացի գաղութարար Ջոն Հարվարդը, որի անունով է կոչվել Հարվարդի հանրահայտ համալսարանը:

 

1812– սկսվել է 3 օր տևած Բերեզինայի ճակատամարտը, որը Ֆրանս- ռուսական պատերազմի նշանավոր մարտերից մեկն է:

 

1894-ծնվել է ամերիկացի մաթեմատիկոս Նորբերտ Վինները՝ կիբեռնետիկայի հիմնադիրներից մեկը:

 

1909 –ծնվել է ազգությամբ ռումին ֆրանսիացի դրամատուրգ Էժեն Իոնեսկոն:

 

1917– ստեղծվել է Հոկեյի ազգային լիգան՝ NHL-ը։

 

1926- վախճանվել է ամերիկացի գյուտարար, զինագործ Ջոն Մոզես Բրաունինգը:

 

1939 -տեղի է ունեցել Մայնիլ յան դիպվածքը՝ ռմբակոծվել է խորհրդային Մայնիլ գյուղակը, որը ֆորմալ կերպով պատճառ է հանդիսացել խորհրդա-ֆիննական պատերազմի սկսման:

 

1939 - ծնվել է ամերիկացի երգչուհի, պարուհի և դերասանուհի Թինա Թյորները:

 

1941 -վիցե-ադմիրալ Տյուիտի Նագումոյի ղեկավարած ճապոնական հարվածային նավատորմիղը խիստ գաղտնիության պայմաններում լքել է Կուրիլ յան կղզիներում գտնվող իր Հիտոկապպու ռազմաբազան և ուղղություն է վերցրել դեպի ԱՄՆ-ի Պյորլ-Հարբոր ռազմաբազա:

 

1942– տեղի է ունեցել «Կասաբլանկա» նշանավոր ֆիլմի պրեմիերան։

 

1959 -Ստալինգրադի ալ յումինի գործարանը (ներկայիս Վոլգոգրադի ալ յումինի գործարան) տվել է իր առաջին արտադրանքը:

 

1962 - ծնվել է իտալացի պատմաբան Ջովաննի Գուայտան:

 

1963– վախճանվել է իտալացի օպերային երգչուհի, «Մետրոպոլիտեն օպերայի» մեներգչուհի Ամելիտա Գալլի-Կուրչին:

 

1976 -Նյու Մեխիկո նահանգային քարտուղարությունում գրանցվել է «Microsoft» նոր առևտրային նշանը:

 

1981- վախճանվել է նիդերլանդացի շախմատիստ և մաթեմատիկոս Մաքս Էյվեն:

 

1994– Ջոհար Դուդաևի մարտիկները Չեչնիայի մայրաքաղաք Գրոզնիի գրավման փորձ են իրականացրել, ինչը կանխվել է Ռուսաստանի ԶՈՒ կողմից։

 

2003 -գերձայնային ուղևորատար «Կոնկորդ» ավիալայները իրականացրել է իր վերջին թռիչքը:

 

2009 -սկսել է հեռարձակվել «Мир» հեռուստաալիքը:

 

2018-վախճանվել է իտալացի կինոռեժիսոր, դրամատուրգ և բանաստեղծ Բերնարդո Բերտոլուչին:

 

Մանրամասները՝ «Փաստ» օրաթերթի այսօրվա համարում