Բացառիկ հարթակ՝ զբոսաշրջության ոլորտի համար. «Փաստ»

Մեր ունեցած տեղեկություններով, վերջերս բավականին ուշագրավ իրադարձություն է տեղի ունեցել հայաստանյան զբոսաշրջային ոլորտում: Ի մասնավորի, կազմակերպվել է մարդաշատ հավաք, որտեղ ոլորտի ներկայացուցիչներին է ներկայացվել նոր հարթակ, որը, կարելի է ասել, իր տեսակով նորություն է մեր իրականության մեջ:

 

«Փաստը» փորձեց միջոցառման կազմակերպիչ և նոր հարթակի հեղինակ Dream Tour ընկերությունից ճշտել, թե ինչ հավաքի մասին է խոսքը: Կազմակերպությունից նշեցին, որ իսկապես նման հավաք եղել է, և իրենք տուրիստական գործակալություններին և գործակալներին համագործակցության առաջարկ են ներկայացրել: «Մեր B2C (business to client) գրասենյակը գործում է Բաղրամյան 1 հասցեում: Ընկերությունն այստեղ պատրաստ է հյուրընկալել իր հաճախորդներին՝ դառնալով նրանց երազանքի ճամփորդության մասնակիցը: Սակայն մենք որոշել ենք սրանով կանգ չառնել և օրերս ներկայացրել ենք B2B (business tobusiness) հարթակը, որը հնարավորություն կտա տուրիստական գործակալներին և Հայաստանում գործող ընկերություններին վաճառել ընկերության տուրփաթեթների առաջարկները»,-նշեցին ընկերությունից՝ հավելելով, որ միջոցառմանը ներկա է գտնվել 205 մասնակից՝ տուրիստական գործակալությունների ներկայացուցիչներ, գործակալներ:

 

Ընկերությունն, ի դեպ, սա հրաշալի ցուցանիշ է համարում: Հավելենք, որ հարթակում առցանց տարբերակով արդեն իսկ կա դեպի 6 երկիր ուղղություն, հարցման տեսքով՝ 12 երկիր: Առաջիկա ամիսներին ցանկը կհամալրվի ևս 8 երկրով։

 

Մանրամասները՝ «Փաստ» օրաթերթի այսօրվա համարում