Հրանուշ Հակոբյանն այցելել է Եռաբլուր
SOCIETYՀայոց բանակի օրվա առթիվ ՀՀ սփյուռքի նախարարության աշխատակիցները նախարար Հրանուշ Հակոբյանի գլխավորությամբ հունվարի 27-ին այցելեցին Եռաբլուր զինվորական պանթեոն և ծաղիկներ խոնարհեցին Զորավար Անդրանիկի, Սպարապետ Վազգեն Սարգսյանի, Մոնթե Մելքոնյանի և Արցախյան գոյամարտում զոհված ազատամարտիկների շիրիմներին: Այս մասին «Արմենպրես»-ին տեղեկացրին ՀՀ սփյուռքի նախարարության մամուլի և հասարակայնության հետ կապերի վարչությունից:
Սփյուռքի նախարար Հրանուշ Հակոբյանն իր խոսքում նշեց. «Ցանկացած հայ պետք է գլուխ խոնարհի հերոսաբար զոհված մեր տղաների հիշատակի առջև, որովհետև նրանք զոհվեցին, որ մենք կարողանանք ստեղծել Հայաստանի և Արցախի հանրապետությունները: Մեր ժողովրդի համար Եռաբլուրը դարձել է մի ուխտատեղի, որտեղ յուրաքանչյուր հայ երախտագիտության խորը զգացումով և վեհացնող հպարտությամբ է գլուխ խոնարհում մերօրյա հերոսների առջև»:



