Ի՞նչ պետք է իմանալ Ozon պատվերների հանձնման կետ բացելուց առաջ

Մարքեթփլեյսները մեծապես պարզեցնում են գնումների գործընթացը՝ սրանով է պայմանավորված վերջիններիս շարունակական աճն ու պահանջարկը։ Առցանց հարթակում հեշտ է գտնել ցանկացած ապրանք, համեմատել մի քանի տարբերակներ ընդամենը մի քանի հպումով, գտնել լավագույն գին առաջարկող վաճառողին և վերցնել պատվերը նախընտրած եղանակով: Հարթակների հետ միասին հարյուր հազարավոր ձեռներեցներ հիմնում են սեփական բիզնեսը։ Կարող եք սկսել ձեր շահութաբեր բիզնեսը, նույնիսկ եթե ոչինչ չեք արտադրում կամ վաճառում՝ բացելով պատվերների հանձնման կետ: Մեր խմբագրությունը ներկայացնում է, թե ինչ պետք է իմանան Ozon-ի ապագա գործընկերները, որոնք ցանկանում են այս հաջողակ բրենդի մաս դառնալ:

Ozon-ը ԱՊՀ-ի ամենամեծ մարքեթփլեյսներից մեկն է: Միայն 2023 թվականին շրջանառությունն աճել է 2,5 անգամ, իսկ հաճախորդների թիվը՝ մեկ երրորդով։ Հաճախորդներին հասանելի են առաքման տարբեր տարբերակներ, սակայն վիճակագրությունը ցույց է տալիս, որ 10-ից 8-ը նախընտրում է պատվերներն ստանալ հանձնման կետերից:

Ընկերությունն ակտիվորեն զարգացնում է իր լոգիստիկ ցանցն այն երկրներում, որտեղ գործում է: Հայաստանում այն ​​արդեն ունի մոտ 200 պատվերների հանձնման կետեր, որոնց թիվը սրընթաց աճում է։ Միևնույն ժամանակ, դեռ շատ ազատ տարածքներ կան, ուստի լավագույն ժամանակն է այս ոլորտում սեփական բիզնես սկսելու համար:

Ո՞վ կարող է դառնալ Ozon ֆրանչայզի գործընկեր:

Մարքեթփլեյսի հետ համագործակցելու համար հարկավոր է ունենալ անհատ ձեռնարկատիրոջ կամ իրավաբանական անձի կարգավիճակ: Եթե ​​դեռ չունեք նշված կարգավիչակներից մեկը, պետք է գրանցեք այն: Գրանցման գործընթացն արագ է, պետք է ընտրել համապատասխան ձևը։ Անհատ ձեռնարկատիրոջ հիմնական առավելությունը պարզեցված հաշվետվություններ վարելու ունակությունն է, այնուամենայնիվ, կան սահմանափակումներ աշխատողների թվի և ծավալների վերաբերյալ: Այլ տարբերակները հարմար են ավելի մեծ բիզնեսի համար, քանի որ դրանք սահմանափակումներ չունեն, բայց փաստաթղթշրջանառությունն ավելի բարդ է:

Փնտրում ենք համապատասխան տարածք և ստորագրում ֆրանչայզինգի պայմանագիր

Հայտը լրացնելուց հետո սկսվում է տարածի ընտրության գործընթացը։ Ձեռնարկատերը գրանցվում է՝ կայքում հայտ ներկայացնելով։ Հարթակում առկա է հատուկ քարտեզ, որն անմիջապես ցույց է տալիս խոստումնալից վայրերն ու մոտավոր հաշվարկում, թե որքան կարող եք ամսական վաստակել մեկնարկից հետո:

Հարկավոր է գտնել վարձակալության տրվող տարածք, կոորդինատները մուտքագրել Ozon-ի քարտեզի վրա, հայտ ներկայացնել, համաձայնեցնել լոկացիան և միայն դրանից հետո կնքել անհրաժեշտ պայմանագրերը՝ Ozon-ի հետ գործակալական, այնուհետև տարածքի վարձակալման պայմանագիրը:

Տարածքը պետք է համապատասխանի մի շարք պահանջների.

• 25 ք/մ և ավելի տարածք,
• գտնվի առաջին հարկում,
• ունենա առանձին մուտք,
• տեղակայված լինի երթևեկելի հատվածում (բնակելի շենքեր, խանութների ցանց, մանկապարտեզներ, առևտրի և բիզնես կենտրոններ):

Բիզնեսի մեկնարկի նախապատրաստում

Համապատասխան տարածքը գտնելուց և պայմանագրերը ստորագրելուց հետո կարող եք սկսել կոսմետիկ վերանորոգման աշխատանքները: Ozon-ի բրենդբուքում ներկայացված առաջարկություններն ու տարածքային մենեջերը, ում միշտ կարող եք դիմել խորհրդատվության համար, կօգնեն ձեզ պլանավորել գործընթացը: Նաև հարկավոր կլինի ձեռք բերել համապատասխան կահույք և տեխնիկա՝ շտրիխ կոդի սկաներ, ինտերնետ հասանելիությամբ համակարգիչ և տպիչ: Ցուցանակներն ու մարքեթինգային նյութերը կտրամադրվեն Ozon-ի կողմից:

Այնուհետև պետք է աշխատակիցներին ընտրել: Ozon-ի պատվերների հանձնման կետերն ունեն միևնույն աշխատանքային գրաֆիկը՝ 09:00-ից մինչև 21:00-ն, առանց ընդմիջման և հանգստյան օրերի: Նույնիսկ սկզբնական շրջանում չեք կարող միայնակ հաղթահարել խնդիրները: Անհրաժեշտ են կա՛մ աշխատակիցներ, կա՛մ ընտանիքի անդամներ, որպեզի օգնեն Ձեզ: Երկու շաբաթը բավական է աշխատակից ընդունելու և վերապատրաստելու համար․ մարքեթփլեյսը կօգնի նաև այս հարցում։ Աշխատակիցը պետք է հիմնականում տիրապետի հավելվածի հետ աշխատելու հմտություններին՝ ինչպես ապրանքներ տեղադրել և գտնել պահեստում, պատվերներ ընդունել, վերադարձ ձևակերպել և այլն:

Որպես կանոն, նոր պատվերների հանձնման կետ բացելը տևում է ընդամենը երկու շաբաթ։

Ինչպե՞ս գտնել առաջին հաճախորդներին և գումար վաստակել:

Վերանորոգման ավարտից հետո տարածքային մենեջերը հաստատում է բացումը, և հանձնման կետը հայտնվում է բոլոր քարտեզների վրա։ Այս փուլում առանցքային է տեղեկացնել հանրությանը, որ կարող են գնումներ կատարել Ozon-ից և պատվերները վերցնել ձեր կետից: Ozon-ը հաղորդագրությամբ ծանուցում է հաճախորդներին, որ կարող են պատվերներն ստանալ նորաբաց կետից, սակայն հավելյալ գովազդը միայն կօգնի: Իսկ խթանման ծախսերը փոխհատուցվում են երաշխավորված աջակցության ծրագրի շնորհիվ: Հայաստանյան ձեռներեցները կետի գործարկումից հետո առաջին վեց ամսվա ընթացքում կարող են ստանալ մինչև 2 500 000 ՀՀ դրամ։ Գումարը տրամադրվում է անհատույց, եթե պարտավորվում եք աշխատացնել կետը առնվազն ինն ամիս։

 

Պատվերների հանձնման կետից ստացվող եկամտի մեծ մասը շրջանառության 3.7%-ն է։ Սակայն կարող եք չսահմանափակվել այսքանով և լրացուցիչ գումար վաստակել՝ ապրանքներ ընդունելով գործարարներից, որոնք վաճառք են իրականացնում Ozon-ում և այլ լոգիստիկ ընկերություններում: Հարթակը կօգնի բացահայտել զարգացման հեռանկարները. յուրաքանչյուր ամիս վերլուծություններ և զարգացման խորհուրդներ են տրամադրվում օգտատերերին: Ամենը հասանելի է ձեռնարկատերերի համար նախատեսված հավելվածում։

Պատվերների հանձնման կետ բացելը պարզ բիզնես է, որը հարմար է ինչպես մարքեթփլեյսի վաճառողների համար, այնպես էլ նրանց համար, ովքեր ոչինչ չեն արտադրում կամ մատակարարում: Հաջողության գաղտնիքը ճիշտ պլանավորման, մտածված մոտեցման և մարդկանց հետ աշխատելու ունակության մեջ է: Ozon-ի հնաձնման կետերի երեք սեփականատերերից երկուսը բացում են մեկից ավելի կետեր․ ոմանք նույնիսկ հարյուրավոր կետեր ունեն։ Բոլոր մանրամասներին կարող եք ծանոթանալ կայքում և սկսել բիզնեսը Ozon-ի հետ: