Սպանել հանուն Lexus-ի․ 5 հնչեղ հանցագործություններ, որոնք գործել են միլիոնատերերի երեխաները (լուսանկարներ)

LIFE 20 January, 2016 16:42

Վերջին երկու ամիսներին Ռուսաստանը ցնցվեց երկու հանցագործություններից, որոնց կենտրոնում հայտնի բիզնեսմենների երեխաներն էին։ Այն, որ «հայրիկը հարցերը կլուծի», թերեւս ազդում է երեխաների վրա, նրանց թվում է՝ ինչ էլ անեն, հարուստ հայրիկները կփրկեն իրենց։ Ահա 5 հնչեղ հանցագործություններ, որոնք իրականացրել են միլիոնատերերի երեխաները։

1, Նովոսիբիրսկի շինարարական մագնատի որդի 16 տարեկան, սպանել է դասընկերուհուն Նախորդ տարի 16-ամյա Մարկ Կոնկովը դաժան սպանություն կատարեց, 10-րդ դասարանցի տղան սպանել էր դասընկերուհուն իր սեփական տանը՝ իր ծննդյան տոնախմբության ժամանակ։ Կարինա Զալեսովան Մարկի նախկին ընկերուհին էր։ Տղան 4 անգամ դանակով հարվածել էր աղջկան, եւ անմիջապես նրա հեռախոսով զանգել ընկերներին ու գլուխ գովացել, որ սպանել է Կարինային։

Ընդ որում՝ աղջկա այֆոնը միացնելու համար նա մահացած աղջկա մատը դրել էր հեռախոսին, հետո սկսել զանգեր կատարել։ Հետո հանգիստ թեյ էր խմել, մինչեւ օլիգարխ-հայրը տուն էր վերադարձել ու հայտնաբերել, որ որդին մարդ է սպանել։ Հարուստ հայրիկն ամեն ինչ արեց՝ որդուն զոհ ներկայացնելու համար, ասաց, թե իբր նա փորձել է ինքնասպան լինել։ Արդյունքում նրան հաջողվեց որդու համար տնային կալանք ապահովել։

2, Ուլյանովսկի հայտնի բիզնեսմեն ու նախկին փոխնահանգապետի որդի 25 տարեկան, մահացու վրաերթի հեղինակ էր դարձել գնդահակարել ոստիկանին։ Էդուարդ Զիննուրովը նախ իր մեքենայով 54 տարեկան տղամարդու էր վրաերթի ենթարկել ու սպանել, երբ վերջինը կանգառում կանգնած էր։ Ականատեսները պատմել են, որ երիտասարդը մեծ արագությամբ ու առանց համարանիշների էր վարել մեքենան։ Հարուստ հայրիկը որդուն ազատեց, սակայն հետո նա կրկին աչքի ընկավ։ Նա փողոցային վեճի մեջ էր մտել մի տղայի հետ ու հետապնդել նրան։ Երբ անցնող ոստիկանը տեսել էր եւ մոտեցել, Էդուարդը մի քանի անգամ կրակել էր նրան։ Բարեբախտաբար, ոստիկանը չէր մահացել, իսկ տղան այս անգամ էլ ընդամենը 4 ամսով ազատազրկվեց։

3, Սարատովցի միլիոնատիրոջ դուստր 29 տարեկան, սպանել է հորն ու նրա երիտասարդ ու հղի կնոջը։ Եկատերինա Բորիսովայի հայրը խոշոր բիզնեսմեն էր, Սարատովի ոսկու խանութներն ու գրավատները նրան էին պատկանում։ 51-ամյա բիզնեսմենն ու նրա երիտասարդ կինը, ով հղիության 6-րդ ամսում էր, սեփական տանը դաժանորեն սպանվեցին վարձու մարդասպանի ձեռքով, ում վարձել էր 29-ամյա Եկատերինան։

Ինչպես հետո պարզվեց, նման դաժան սպանության պատճառ էր դարձել այն, որ հայրը մերժել էր աղջկան նոր Lexus-ի համար գումար տալ։ Եկատերինան դատապարտվեց 16 տարվա ազատազրկման, սակայն տեղի լրատվամիջոցները նշում են, որ նա բանտում իրեն վատ չի զգում՝ նրա բանտախցում միայն մեկ հարեւանուհի կա, ունի հեռուստացույց եւ սառնարան եւ բավական գումար, որ ճաշարան չայցելի։

4, OBI եւ «Старик Хоттабыч» խանութների ցանցի սեփականատիրոջ որդի 19 տարեկան, սպանել է սեփական մորը Եգոր Սոսինին ծանոթները ներկայացնում են իբրեւ «հարուստ հոր երես առած որդի»։ Նա նախորդ տարվա վերջին դաժանաբար սպանել է հարազատ մորը։Ինքը պնդում է, որ հալուցինացիաներ է ունեցել իբր «բուժիչ դեղերի» պատճառով։ Այնինչ Եգորը թմրամոլ է եղել երկար տարիներ ու սպանության պահին էլ թմրադեղերի ազդեցության տակ է եղել։ Եգորի նկատմամբ քրեական գործ է հարուցվել, դատավարությունը դեռեւս ընթացքի մեջ է։

5, Տրանսպորտային խոշոր ընկերության տիրոջ որդի 21 տարեկան, ծեծել եւ բռնաբարել է մի քանի աղջիկների Ալեքսանդր Շարիգոն որոշել է Սուրբ ծնունդը ակտիվ նշել, հունվարի 7-ին նա իր էլիտար բնակարանում ծեծել եւ բռնաբարել է ընկերուհուն՝ Աննա Լիսովսկայային։ Ինչպես պնդում է աղջիկը, երիտասարդը թմրանյութերի ազդեցության տակ է եղել։ Երիտասարդին ձերբակալել են։ Ավելի ուշ պարզվել է, որ նա եւս մի քանի աղջիկների է բռնաբարել։ Աննան ոստիկաններին ասել է նաեւ, որ երիտասարդի մեծահարուստ հայրը իրեն սպառնացել է։