Հեղինակային «պատերազմ» սենդվիչի հայտնագործման համար․ «Փաստ»

«Փաստ» օրաթերթը գրում է.

«Ռուբեն» սենդվիչը (Ռուբենա սենդվիչ, Ռուվիմ սենդվիչ) ամերիկյան գրիլային բուտերբրոդ է, որը բաղկացած է աղ դրած տավարի մսից, շվեյցարական պանրից, թթու կաղամբից, կետչուպի և մայոնեզի խառնուրդից, որը կոչվում է «ռուսական սոուս», և տարեկանի հացի կտորներից: Այդ ամենն իրար վրա հավաքելուց հետո այն պատրաստվում է թավայի մեջ կամ բովվում է բուտերբրոդ պատրաստելու սարքի մեջ: «Ռուբեն» սենդվիչի ծագման վարկածներից մեկն ասում է, որ այդ բուտերբրոդի գյուտարարը Ռուբեն Կուլակովսկին է (նրան կոչել են նաև Ռուբին Քեյ)՝ հրեա վաճառական, որը ծնվել է Լիտվայում և բնակվել Նեբրասկա նահանգի Օմահա քաղաքում:

Ըստ մեկ այլ վարկածի, 1920-1935 թվականներին պոկեր խաղացողներն են ամեն շաբաթ հավաքվելով Blackstone հյուրանոցում՝ դա ստեղծել: Նրանց թվում է եղել նաև հյուրանոցի սեփականատեր Չարլզ Շիմմելը: Սենդվիչը, որն առաջին անգամ տեղական ճանաչում ստացել է այդ ակումբի շնորհիվ, Շիմմելը ներառել է Blackstone- ի ճաշացանկում: Արդյունքում դրա ժողովրդականությունը տարածվել է, իսկ հյուրանոցի նախկին մի աշխատակից շահել է այդ բաղադրատոմսի ազգային մրցույթը, և Օմահայում մարտի 14-ը հայտարարվել է «Ռուբեն» սենդվիչի օր: Մեկ այլ վարկածի համաձայն, դրա ստեղծողը Առնոլդ Ռուբենն էր՝ Նյու Յորքի Reuben's ռեստորանի (1908-2001) գերմանացի-հրեա սեփականատերը: Համաձայն լրագրող և ռեստորանների փորձագետ Քրեյգ Կլայբորնի, հենց Առնոլդ Ռուբենն է ստեղծել «Հատուկ Ռուբեն» սենդվիչը դեռ 1914 թվականին։ Դա եղել է հանպատրաստից ստեղծագործություն, երբ Բրոդվեյի մի հայտնի դերասանուհի գիշերն այցելել է Ռուբենի ռեստորան, բայց ռեստորանում ուտելիքը վերջացած է եղել, և պատրաստվել է «Ռուբեն» սենդվիչը:

Այդ սենդվիչի առաջացման այլ վարկածներում նշվում է Reuben’s Delicatessen ռեստորանի շեֆ-խոհարար Ալֆրեդ Շոյինգը, որը 30-ականներին Ռուբեն Առնոլդ կրտսերի՝ որդու համար է այդ բուտերբրոդը ստեղծել: Նշենք, որ «Ռուբեն» սենդվիչը մի քանի տարբերակ ունի։ Ռուբենի մոնրեալական տարբերակում աղ դրած տավարի միսը փոխարինված է մոնրեալական ոճով ապխտած մսով: Վայրը, որտեղ տրվում է այդ ուտեստը, հանդիսանում է Մոնրեալի արագ սննդի կետ Schwarz ռեստորանը: Որոշ վայրերում տավարի մսի փոխարեն օգտագործվում է սուդակ ձուկ, և այդ բուտերբրոդը կոչվում է «Սուդակով Ռուբեն»։ «Գրուպեն Ռուբեն» սանդվիչում ևս տավարի մսի փոխարեն օգտագործվում է ձուկ, իսկ թթու կաղամբի փոխարեն օգտագործվում է կոուսիլու աղցան։ Այդ տարատեսակին կարելի է հաճախ հանդիպել Ֆլորիդայի ռեստորաններում։

Ձվային «Ռուբեններում», որոնք նաև կոչվում են «Իռլանդական ձվային ռոլլիներ» կամ «Ռուբենի գնդիկներ», օգտագործվում է սովորական աղացած տավարի միս, թթու կաղամբ ու պանիր՝ փաթաթված ձվածեղով, և սովորաբար դա մատուցվում է Հազար կղզիների սոուսով: Այդ սենդվիչն առաջին անգամ մատուցվել է Վիսկոնսինի Միլուոկի քաղաքում գտնվող Մադերի գերմանական ռեստորանում, որտեղ շեֆ-խոհարար Դենիս Վեգները դրանք ստեղծել է 1990 թվականի ամառային փառատոնի համար։ «Ռեյչել սենդվիչը» պարունակում է հնդկահավի միս՝ տավարի մսի փոխարեն, և թարմ կաղամբով աղցան՝ թթու կաղամբի փոխարեն:

Միացյալ Նահանգների որոշ հատվածներում, հատկապես Միչիգանում, հնդկահավի այդ տարբերակը հայտնի է որպես «Ջորջիա Ռուբեն» կամ «Կալիֆորնիական Ռուբեն», որի մեջ կարող է «ռուսական սոուսի» փոխարեն լինել ամերիկյան բարբեքյու սոուս կամ ֆրանսիական սոուս: «Ռուբեն» սենդվիչի բուսական տարբերակները, որոնք կոչվում են «Veggie Reubens», բացառում են միսը՝ այն փոխարինելով բուսական բաղադրիչներով, ներառյալ՝ ցուկինի, վարունգ, «ցորենի սպիտակուց», սունկ, տեմպե և այլն:

ԿԱՄՈ ԽԱՉԻԿՅԱՆ

Մանրամասները՝ «Փաստ» օրաթերթի այսօրվա համարում