Նոր մանրամասներ են հայտնի դարձել հյուրանոցում ինքն իրեն պայթեցրած տղայի դեպքի առնչությամբ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

SHAMSHYAN.com-ի տեղեկություններով՝ դեկտեմբերի 21-ին,  ոստիկանության Արարատի մարզային վարչությունում օպերատիվ տեղեկություններ էին ստացվել, որ նոյեմբերի 25-ին, Արարատի մարզում ավազակային հարձակում կատարողները գտնվում են Փոքր Վեդի գյուղի տներից մեկում։

Անմիջապես գյուղ են մեկնում ոստիկանության ծառայողները ու քանի որ գյուղում փողոցները միմյանց հետ կապված են և տեղեկություն կար, որ կասկածյալները զինված են, տարբեր հատվածներից օպերատիվ խմբերը մոտեցել են կասկածյալների հնարավոր մնալու վայրին։ Հասնելով դեպքի վայր՝ պարզվում է, որ ստացված օպերատիվ տեղեկությունները հավաստի են և կասկածյալներից Արմավիրի մարզի բնակիչ 43-ամյա Էդգար Մ․-ն, տեսնելով ոստիկաններին, ատրճանակն ուղղում է ոստիկանների վրա։

Մոտ 1 ժամից ավելի ոստիկանները բացատրական աշխատանքներ են կատարում, որպեսզի նա վայր դնի զենքը և ինքնակամ ներկայանա իրենց, սակայն զինված տղամարդը ոչ միայն չի ենթարկվում ոստիկանների օրինական պահանջներին այլև սկսկում են սպանության սպառնալիքներ տալ ու անընդհատ կրկնում, որ կրակելով սպանելու է մի քանիսին։ 

Ի վերջո ոստիկանները, վնասազերծել են  Էդգար Մ․-ին, ապա տեղափոխել ոստիկանության Արարատի բաժին։ Դեպքի վայր ժամանած Հայաստանի Քննչական կոմիտեի Արարատի մարզային քննչական վարչության խումբը՝ դեպքի վայրում հայտնաբերում է ատրճանակը՝ լիցքավորված 6 հատ 9 մմ տրամաչափի մարտական փամփուշտներով։ Էդգար Մ․-ն ոստիկաններին հայտնում է, որ հայտնաբերված ատրճանակը և փամփուշտները պատկանում են իրեն։ 

Վերջինս ոստիկանության Արարատի բաժնից ներկայացվում է ՀՀ Քննչական կոմիտեի Արարատի մարզային քննչական վարչության Վեդիի քննչական բաժին։ 

Նրան վնասազերծելուց հետո ոստիկանները պարզում են, որ նրա հանցակիցը 27-ամյա Արման Մ․-ն կամ նրա հետ չի եղել, կամ ճողոպրել է։ 

Ֆոտոլրագրողը հայտնում է, որ ժամեր անց Արման Մ․-ն Արմավիրի մարզի Ծաղկունք գյուղի վարչական տարածքում գործող «Ռուբին» հյուրանոցային համալիրի հյուրատներից մեկում հայտնաբերվում է մահացած՝ մարտական նռնակի պայթյունից։

Ֆոտոլրագրողը հայտնում է, որ ոստիկանների կողմից Արարատի մարզում վնասազերծվածն ու Արմավիրի մարզում պայթյունի հետևանքով մահացածը հայր ու որդի են, իսկ ոստիկաններն էլ հսկայածավալ աշխատանքների արդյուքնում հայտնաբերել են նրանց կողմից ավազակային հարձակմամբ հափշտակված տուժածի Opel մակնիշի ավտոմեքենան։

Ինչպես ավելի վաղ դեպքի վայրից հայտնել էր ֆոտոլրագրողը, դեկտեմբերի 22-ին առեղծվածային ու ողբերգական դեպք էր տեղի ունեցել Արմավիրի մարզում։ Ժամը 21:50-ի սահմաններում ՀՀ Ներքին գործերի նախարարության ոստիկանության Արմավիրի մարզային վարչություն օպերատիվ տեղեկություններ էին ստացվել, որ Ծաղկունք գյուղում գործող «Ռուբին» հյուրանոցային համալիրում տղամարդու դի կա։
Ոստիկաններն ու քննիչները նշված հյուրանոցի թիվ 305 հյուրատանը՝ բազմոցի դիմաց՝ հատակին, հայտնաբերել էին տղամարդու դի՝ մարմինն ամբողջովին ջնջխված։

Ըստ նախնական տեղեկությունների՝ տղամարդը ինքնասպան էր եղել՝ նռնակով իրեն պայթեցնելու եղանակով։

Դեպքի փաստով Վաղարշապատի քննչական բաժնում նախաձեռնվել էր քրեական վարույթ։ 

 Գ. Շամշյանի տեղեկություններով՝ տղամարդը երեկոյան այցելել էր նշված հյուրանոցային համալիր, սնունդ էր պատվիրել, ապա առանձնացել էր իր կողմից պատվիրված սենյակում ու որոշ ժամանակ անց աշխատակիցները հայտնաբերել էին նրան մահացած։

Հյուրանոցային համալիրում տեղադրված տեսախցիկները քննիչն առգրավել էր: 

Քննիչի որոշմամբ նշանակվել էին մի շարք փորձաքննություններ, այդ թվում՝ դիակի դատաբժշկական։

Դիակի մոտ էլ հայտնաբերվել էր կարճափող հրազեն, նռնակի պայթուցիչը, որը հավանաբար նա պայթեցրել էր։