ՊԱՏՄՈՒԹՅԱՆ ԱՅՍ ՕՐԸ (23 ԴԵԿՏԵՄԲԵՐԻ). Աշխարհում առաջին անգամ իրականացվել է ձայնային ռադիոհեռարձակում․ «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ռուսաստան՝ Հեռահար ավիացիայի օր, Ուկրաինա՝ Կապի զորքերի և շտաբային մասնագետների օր, Ճապոնիա՝ Գահից հրաժարված կայսրի ծննդյան օր։

ՀԱՅ-ՀԱՅԱՍՏԱՆ

1908 –ծնվել է կանադահայ հայտնի լուսանկարիչ Յուսուֆ Քարշը, որի լուսանկարած անձանց թվում են Եղիսաբեթ 2-րդը, Կաստրոն, Խրուշչովը, Բեռնարդ Շոուն, Ալբերտ Էյնշտեյնը և Հեմինգուեյը, ինչպես նաև Չերչիլը։

1918- հայ-վրացական պատերազմի ընթացքում հայկական զորքերն ամրացել են Սադախլոում: -Իրանը երկու հայերից և երկու մուսուլմաններից բաղկացած խումբ է ուղարկել Նախիջևան, որպեսզի վերջիններս խաղաղություն հաստատեն հայերի և ադրբեջանցիների միջև։

1928 – ծնվել է նշանավոր երգչախմբային դիրիժոր Հովհաննես Չեքիջյանը:

1994 - ԼՂՀ Գերագույն խորհրդի կողմից Ռոբերտ Քոչարյանն ընտրվել է անկախ ԼՂՀ առաջին նախագահ։

2006- Հայաստանի խորհրդարանը երկրորդ ընթերցմամբ ընդունել է պետական օրհներգի մասին օրինագիծը, որով ամրագրվել է, որ ներկա հիմնը՝ «Մեր հայրենիքը», ուժի մեջ է «մինչև Հայաստանի նոր օրհներգի տեքստը և երաժշտությունը օրենքով սահմանելը»:

2010- ընդդիմությանը եթեր տրամադրող «Գալա» հեռուստաընկերությունը չի ստացել հեռարձակման արտոնագիր։

2010– վախճանվել է գրող, արձակագիր, թարգմանիչ Ստեփան Ալաջաջյանը:

2011 – վախճանվել է նկարիչ, դիզայներ, լուսանկարիչ Կամո Նիգարյանը։

2014-Մոսկվայում տեղի ունեցած Եվրասիական տնտեսական բարձրագույն խորհրդի նիստում Հայաստանը պաշտոնապես միացել է ԵԱՏՄ-ին:

2020-վախճանվել է ֆուտբոլիստ և մարզիչ Արկադի Անդրեասյանը, որը Հայաստանի լավագույն ֆուտբոլիստներից մեկն է եղել:

ԱՇԽԱՐՀ

484 -Գուներիխի մահից հետո վանդալների թագավոր է դարձել Գունտամունդը։

558 -Խլոտար 1-ինը ավարտել է Ֆրանկյան թագավորության միավորումը իր իշխանության տակ։

1672 -իտալացի աստղագետ Ջովանի Կասսինին հայտնաբերել է Սատուրնի հերթական արբանյակը՝ Ռեյան։

1732 -ծնվել է անգլիացի տեքստիլ արդյունաբերող և գյուտարար Ռիչարդ Արկրայտը։

1777 -ծնվել է Ռուսական Կայսրության ցար Ալեքսանդր 1-ինը։

1783 -Ջորջ Վաշինգտոնը դադարել է հանդիսանալ Կոնտինենտալ բանակի գերագույն գլխավոր հրամանատար։

1799 -ծնվել է ռուս մեծանուն նկարիչ Կարլ Բրյուլովը։

1804 –ծնվել է ֆրանսիացի քննադատ և բանաստեղծ Շառլ Օգյուստեն դը Սենտ-Բյովը։

1805 -ծնվել է Նյու Յորքի մորմոնների եկեղեցու հիմնադիր Ժոզեֆ Սմիթը։

1871– Կահիրեում տեղի է ունեցել իտալացի երգահան Ջուզեպպե Վերդիի «Աիդա» օպերայի առաջնախաղը:

1888– հոլանդացի աշխարհահռչակ գեղանկարիչ Վինսենթ վան Գոգը կտրել է իր ականջը և նվիրել այն մի անառակ կնոջ:

1900 -Ռեջինալդ Փասենդենը աշխարհում առաջին անգամ իրականացրել է ձայնային ռադիոհեռարձակում։

1913 -մի քանի խոշոր բանկերից կազմավորվել է ԱՄՆ-ի Ռեզերվային ֆեդերալ համակարգը. ներկայում այդ բանկերը իրավունք ունեն իրականացնել դոլարի էմիսսիա։

1931 -ծնվել է խորհրդային թատրոնի և կինոյի արտիստ Լև Դուրովը։

1933 -ծնվել է Ճապոնիայի կայսր Ակիխիտոն։

1947- Bell Labs ընկերությունը ցուցադրել է առաջին տրանզիստորը։

1953 -ԽՍՀՄ-ում գնդակահարվել են Բերիան, Մերկուլովը, Կոբուլովը, Գոգլիձեն, Մեշչիկը, Դեկանոզովը և Վլադիմիրսկին։

1972– փրկվել են Ուրուգվայի զինուժի 571 չվերթի՝ վթարի ենթարկված ինքնաթիռի ողջ մնացած ուղևորները, որոնք անմարդաբնակ վայրում կենդանի մնալու համար ստիպված են եղել ուտել զոհվածների դիակները։

1972– Նիկարագուայի մայրաքաղաք Մանագուայում տեղի է ունեցել ուժեղ երկրաշարժ, որի հետևանքով զոհվել է մոտ 10 00 մարդ, ևս 20 000-ը վիրավորվել է:

1986 -յոթամյա աքսորից հետո Մոսկվա է վերադարձել ակադեմիկոս Անդրեյ Սախարովը։

1990 -տեղի է ունեցել Սլովենիան Հարավսլավիայից անկախանալու հանրաքվեն, որի ժամանակ անկախացմանը կողմ է արտահայտվել քվեարկողների 95 %-ը։

1991-ԽՍՀՄ-ի քայքայման արդյունքում ՄԱԿ-ի անվտանգության խորհրդում Ռուսաստանը պաշտոնապես գրավել է ԽՍՀՄ-ի տեղը։

2000– ՖԻՖԱ-ն «Ռեալ Մադրիդ» ակումբին է հանձնել «20-րդ դարի լավագույն ակումբ» մրցանակը:

2013 -վախճանվել է հրաձգային զենքի ռուս նախագծող Միխաիլ Կալաշնիկովը։

Մանրամասները՝ «Փաստ» օրաթերթի այսօրվա համարում