Նստարանների առջեւ կանգնած պարապմունքներն ավելի խելացի են դարձնում ուսանողներին. գիտնականներ
SOCIETYՀոգեբանները պարզել են, որ այսպես կոչված կանգնովի նստարանների առջեւ պարապմունքներն զգալիորեն բարձրացնում են ուսանողների ուսման առաջադիմությունը եւ ճանաչողական ունակությունները: Այդ մասին, ինչպես տեղեկացնում Է «Արմենպրես»-ը, ասված Է այն հոդվածում, որը հրապարակվել Է International Journal of Environmental Research and Public Health-ում:
«Շատ ուսուցիչներ հաճախ Էին հայտարարում, որ աշակերտները եւ ուսանողներն իրենց ավելի լավ են պահում եւ ուսման վրա ավելի շատ են կենտրոնանում այն ժամանակ, երբ նրանք կանգնած են, այլ ոչ թե նստած դպրոցական նստարաններին: Մենք կատարել ենք այն բանի առաջին ստուգումը, թե ինչպես են փոխվում աշակերտների ճանաչողական ունակություններն այդպիսի նստարանների անցնելիս»,- հայտարարել Է Մարկ Բենդենը Տեխասի Քոլեջ Սթեյշենի (ԱՄՆ) A&M համալսարանից:
Բենդենը եւ նրա գործընկերները հավաստել են, որ նման նստարաններն իրոք բարելավում են ուսանողների մտավոր ունակությունները եւ բարձրացնում առաջադիմությունը՝ դիտարկելով համալսարանի առաջին կուրսեցիների թվից մի քանի տասնյակ կամավորների ուղեղի աշխատանքը հատուկ ինֆրակարմիր սպեկտրադիտակի միջոցով, հաղորդել Է ՌԻԱ Նովոստին:



