Շիրակի մարզում ինֆեկցիոն իրավիճակը վերահսկելի է
SOCIETYՇիրակի մարզում ինֆեկցիոն իրավիճակը վերահսկելի է: Այս պահին Գյումրու «Ինֆեկցիոն հակատուբերկուլոզային հիվանդանոց»-ում սուր ռեսպերատոր հիվանդությամբ բուժում է ստանում 22 հիվանդ` ինչպես մեծահասակ, այնպես էլ մանկահասակ: Ինչպես«Արմենպրես»-ին տեղեկացրեց հիվանդանոցի գլխավոր բժիշկ Կարինե Տոնոյանը, այս թիվը նախորդ տարիների համեմատ գրեթե նույն է:
«Մարզում ինֆեկցիոն վիճակը վարահսկելի է, բարդացված ու ծանր չէ: Նույնիսկ նախորդ տարվա միջին ցուցանիշից մի փոքր պակաս է: Եթե նախորդ տարիներին դեկտեմբերի վերջերին էր արդեն սուր ռեսերատոր վարակների թվաքանակն աճում, այս տարի ավելի ուշ՝ տոներից հետո: Այս տարի մենք արտառոց սարսափելի դեպքեր չունենք, պարզապես ժողովուրդն է մի փոքր վախեցած, բայց, ամեն դեպքում, չպետք է զբաղվել ինքնաբուժությամբ և պետք է զգոն լինելի ու հիվանդության առաջին իսկ ախտանշանների դեպքում դիմել բժշկի»,-նշեց Կարինե Տոնոյանը՝ փաստելով, որ Գյումրիում արձանագ րված դեպքերից ոչ մեկը բարդության այն աստիճանում չի եղել, որ տեղափոխվի մայրաքաղաք: «Հիվանդանոցում միջին աստիճանի ծանրության հիվանդներն են: Սրանք հիմնականում ռիսկային խմբի հիվանդներն են` երեխաները, ծերերը և հղիները: Այս պահին հսկողությունը ուժեղացված է բոլոր բուժհաստատություններում: Ցանկացած հիվանդի մասին մանրամասն տեղեկություն տրամադրվում է ՀՀ ԱՆ»,-նշեց Կարինե Տոնոյանը և ավելացրեց, որ մարզի բոլոր բուժհաստատություններն ունեն համապատասխան դեղորայք:
«Գյումրի» բժշկական կենտրոնում ստացիոնար բուժում ստացող հիվանդների ընդհանուր թիվը կազմում է 21: Նշյալ հիվանդներից 19-ը գտնվում են թերապիայի բաժանմունքում, նրանցից մեկը հղի է: Թոքաբորբով հիվանդներից երկուսը գտնվում են վերակենդանացման բաժանմունքում: Բոլոր հիվանդների առողջական վիճակը գնահատվում է բավարար, արհեստական շնչառական սարքերի օգտագործման անհրաժեշտություն չկա:
«Ինչ վերաբերվում է հիվանդների թվի նվազմանը, ասեմ« որ թվերի զգալի աճ կամ նվազում չկա: Առաջին օրերի եւ ներկայի համեմատ հիվանդների թիվը անընդհատ աճում կամ նվազում է մեկ-երկուսով»,-նշեց հիվանդանոցի մամուլի պատասխանատու Նարեկ Կիրակոսյանը:



