Հայաստանի ռուսական ռազմակայանի զինծառայողները «Տախիոն» անօդաչուներ են ստացել
SOCIETYՀայաստանում տեղակայված ռուսական ռազմակայանի սպառազինությունը համալրվել Է ռուսական արտադրության անօդաչու թռչող սարքերի խմբաքանակով: Այդ մասին հունվարի 11-ին «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից:
«Հայաստանի Հանրապետությունում տեղակայված Հարավային ռազմական օկրուգի ռուսական ռազմակայանի անօդաչու թռչող սարքերի ստորաբաժանման սպառազինությունը համալրել են հայրենական «Տախիոն» ժամանակակից անօդաչու թռչող սարքերը»,-ասված Է հաղորդագրության մեջ:
Զինվորականները մեկ ամսվա ընթացքում նոր անօդաչուները կսովորեն կառավարել Կամխուդ եւ Ալագյազ բարձրլեռնային զինափորձարաններում:
«Տախիոն» անօդաչուն նախատեսված Է ցերեկը եւ գիշերը մինչեւ 40 կիլոմետր հեռավորությամբ հետախուզում իրականացնելու համար: Անօդաչուների վրա կարող են տեղակայվել տեսա-, ֆոտո- կամ ինֆրակարմիր խցիկներ: Սարքի մեկնարկային քաշը մոտավորապես 25 կիլոգրամ Է, թռիչքի տեւողությունը մինչեւ վեց ժամ: «Տախիոն»-ն արտադրվում Է «Իժմաշ- Անօդաչու համակարգեր» ձեռնարկությունում:



