ՊԱՏՄՈՒԹՅԱՆ ԱՅՍ ՕՐԸ (13 ՀՈՒՆԻՍԻ)․ Հատուկ օրենքով արգելվել է երեխաներին ուղարկել փոստով. «Փաստ»

«Փաստ» օրաթերթը գրում է

ՀԱՅ–ՀԱՅԱՍՏԱՆ

1705–վախճանվել է Ամենայն հայոց կաթողիկոս Նահապետ Ա Եդեսացին:

1816–ծնվել է բելգիացի արևելագետ, հայագետ Ֆելիքս Նևը:

1878– սկսվել է Բեռլինի կոնգրեսը, որը Մեծ Բրիտանիայի և Ավստրո–Հունգարիայի ջանքերով հրավիրվել էր Սան–Ստեֆանոյի պայմանագիրը վերանայելու նպատակով, և որից հետո Արևմտյան Հայաստանի հարցը միջազգային դիվանագիտության մեջ մտավ «Հայկական հարց» եզրույթով:

1886–ծնվել է հայկական ծագմամբ ամերիկյան ռազմական գործիչ Հայկ Շեքերջյանը:

1899 – ծնվել է նշանավոր գրող Ակսել Բակունցը:

1951– ծնվել է ամերիկահայ գրող Փիթեր Բալաքյանը («Ճակատագրի սև շունը», «Այրվող Տիգրիս. Հայոց ցեղասպանությունը և Ամերիկայի արձագանքը» և այլն):

1956 – ծնվել է հայտնի հայ ծանրամարտիկ, աշխարհի և եվրոպայի բազմակի չեմպիոն, օլիմպիական չեմպիոն, 43 տարբեր ռեկորդների հեղինակ Յուրի Վարդանյանը:

1969–վախճանվել է նշանավոր քանդակագործ Արա Սարգսյանը:

1992– Ղարաբաղյան պատերազմում խփվել է ավելի քան 3 ամիս խաղաղ բնակավայրերը ռմբակոծող Սու–25 ինքնաթիռը, ադրբեջանցի օդաչուն մահացել է:

1993–Հայաստանը դիվանագիտական հարաբերություններ է հաստատել Քենիայի հետ։

2007–երկաթուղային վթար է տեղի ունեցել Լոռու մարզի Նալբանդ – Ղալթախչի երկաթուղային ուղեմասում. շուռ է եկել ցորենով բեռնված 6 վագոն: –Հայաստանի նախագահի աշխատակազմի ղեկավար Արմեն Գևորգյանը նշանակվել է ազգային անվտանգության խորհրդի քարտուղար:

2012–Իսրայելի Քնեսեթի լիագումար նիստում մոտ մեկուկես ժամ քննարկվել է Հայոց ցեղասպանության ճանաչման հարցը:

2015–Շանթ Հարությունյանն ու Վարդան Վարդանյանը անժամկետ հացադուլ են հայտարարել. նրանք իրենց անվտանգության հետ կապված սպառնալիքներ են տեսել:

2016–վախճանվել է ճանաչված երգչուհի Օֆել յա Համբարձումյանը:

2018– Շիրակի մարզի մի քանի համայնքում երեկոյան տեղացած ուժեղ կարկուտը զգալի վնասներ է հասցրել ցանքատարածություններին:

ԱՇԽԱՐՀ

922–Վոլժսկի Բուլղարիայում տեղի է ունեցել իսլամը պետական կրոն ընդունելու պաշտոնական արարողություն:

1373–Անգլիան և Պորտուգալիան ստորագրել են միության մասին պայմանագիր, որը գործում է նաև հիմա:

1525– Մարտին Լյութերն ամուսնացել է նախկին միանձնուհի Կատարինա ֆոն Բորի հետ:

1773–Լոգստաունյան պայմանագրով Օհայո գետից հարավ ընկած իրոկեզ և դելավար հնդկական ցեղերի հողերը տրվել են անգլիական Վիրջինիա գաղութին:

1773–ծնվել է անգլիացի ֆիզիկոս, բժիշկ և աստղագետ, լույսի ալիքային տեսության հեղինակներից մեկը՝ գիտնական Թոմաս Յունգը:

1782–Շվեյցարիայում իրականացվել է կախարդության մեղադրանքով աշխարհում վերջին մահապատիժը. այրել են Աննա Գելդիին:

1831–ծնվել է շոտլանդացի ֆիզիկոս, էլեկտրամագնիսական դաշտի տեսության հեղինակ Ջեյմս Կլերկ Մաքսվելլը:

1860– հիմնադրվել է Ռուսաստանի պետական բանկը:

1918–Պերմում սպանել են Միխայիլ Ալեքսանդրովիչին. դա գահընկեց արված Ռոմանովների դինաստիայի առաջին անդամի սպանությունն էր:

1920–ԱՄՆ–ի փոստային ծառայությունը օրենք է ընդունել, համաձայն որի, արգելվել է երեխաներին ուղարկել փոստով: –Ժնևում բացվել է ֆեմինիստուհիների առաջին համագումարը:

1934–Վենետիկում հանդիպել են Հիտլերը և Մուսոլինին:

1941–Լատվիայում, Լիտվայում և Էստոնիայում սկսվել է ընտանիքներով մասսայական դեպորտացիա դեպի Սիբիր:

1942–ԱՄՆ–ի նախագահ Ռուզվելտը Կենտրոնական հետախուզական վարչություն ստեղծելու հրաման է ստորագրել:

1944–առաջին անգամ իրականացվել է գերմանական ՖԱՈՒ–1 հրթիռների մարտական օգտագործում:

1958–գործարկվել է առաջին չինական փորձնական միջուկային ռեակտորը:

1997– Հնդկաստանի մայրաքաղաք Դելիում «Սահման» ֆիլմի՝ Uphaar Cinema կինոթատրոնում պրեմիերայի ժամանակ տեղի ունեցած հրդեհի հետևանքով զոհվել է 59 մարդ, 103–ը ստացել են տարբեր աստիճանի վնասվածքներ:

2005– ըստ Եվրամիության որոշման, իռլանդերենը դասվել է Եվրամիության պաշտոնական լեզուների շարքը:

2009– Թեհրանում երկրի նախագահական ընտրություններում Մահմուդ Ահմադինեժադի հաղթելուց հետո սկսվել են զանգվածային անկարգություններ:

Մանրամասները՝ «Փաստ» օրաթերթի այսօրվա համարում