ՊԱՏՄՈՒԹՅԱՆ ԱՅՍ ՕՐԸ (21 ՀՈՒՆՎԱՐԻ). Սահմանվել է մեկ ընդհանուր կոչում՝ Հայաստանի քաղաքացի. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Նիդերլանդներ՝ Գրկախառնության օր, Դոմինիկյան Հանրապետություն՝ Սուրբ Ալտագրասիի օր, Ռուսաստան՝ Ինժեներական զորքերի օր:

ՀԱՅ-ՀԱՅԱՍՏԱՆ

1864- Երևանի և Թիֆլիսի միջև հաստատվել է հեռախոսային կապ:

1872 - վախճանվել է բանաստեղծ Պետրոս Դուրյանը:

1878- ծնվել է նշանավոր բանաստեղծ Վահան Թեքեյանը:

1887 -ծնվել է բանաստեղծ, հրապարակախոս, թարգմանիչ Հակոբ Անտոնյանը:

1916 - վախճանվել է հանրահայտ բժիշկ Հրանտ Հայրամեն:

1919 -Հայ-վրացական պատերազմի ժամանակ Լոուտոնը բրիտանական թագուհու անունից պահանջել է հայկական իշխանությունից դադարեցնել ռազմական գործողությունները և սպասել հրահանգների Թիֆլիսում գտնվող բրիտանական շտաբից: Պահանջն ընդունվել է հայկական կողմից:

1921- Հայաստանում վերացվել են քաղաքացիական աստիճանները և դասերը, սահմանվել է մեկ ընդհանուր կոչում՝ Հայաստանի քաղաքացի:

1921- ստեղծվել է ՀԽՍՀ ժողտնտխորհուրդը:

1950 - ծնվել է դերասան Վլադիմիր Եպիսկոպոսյանը:

1960 - ծնվել է հայազգի ռուսաստանցի դերասան Դմիտրի Խառատյանը:

1967 - ծնվել է շախմատիստ, գրոսմայստեր, Թուրինի 37-րդ համաշխարհային օլիմպիադայի հաղթող Արտաշես Մինասյանը:

1989 - ծնվել է համաշխարհային ճանաչում ունեցող ֆուտբոլիստ, Հայաստանի ֆուտբոլի ազգային հավաքականի երկար տարիների ավագ, իտալական «Ինտերի» խաղացող Հենրիխ Մխիթարյանը:

1992 - Առաջին ղարաբաղյան պատերազմի ժամանակ հայկական զինված խմբավորումները ջախջախել են Ստեփանակերտում գտնվող ադրբեջանական ՕՄՕՆ-ի հենակետը, կենդանի մնացած ադրբեջանցիները փախել են Աղդամի ուղղությամբ:

1999-Հայաստանը դիվանագիտական հարաբերություններ է հաստատել Հայիթիի հետ:

2006-Ստամբուլի դատարանը որոշում է կայացրել կարճել աշխարհահռչակ գրող և հրապարակախոս Օրհան Փամուկի գործը, որը մեղադրվել էր «թուրքերի ազգային ինքնությունը վիրավորելու» մեջ:

2007-Էջմիածնում և աշխարհի բոլոր եկեղեցիներում հոգեհանգստի արարողություն է տեղի ունեցել՝ ի հիշատակ «Ակոս» թերթի խմբագրապետ Հրանտ Դինքի, որը սպանվել էր Ստամբուլում:

2008- մեկնարկել է փետրվարի 19-ին կայանալիք նախագահական ընտրությունների թեկնածուների քարոզարշավը:

2020-քաշքշուկ է տեղի ունեցել Ազգային ժողովում. խորհրդարանում կրքերը բորբոքվել են երեք տառով բառի հիշատակմամբ հայտարարությունից հետո։ Արման Բաբաջանյանը պահանջել է ներողություն խնդրել խայտառակության համար, Գևորգ Պետրոսյանը և ևս 3 ԲՀԿ-ական մեկ օրով զրկվել են նիստերի դահլիճ մուտք գործելու իրավունքից։

2021- Պարգև սրբազանը 30 տարվա ծառայությունից հետո ազատվել է ՀԱԵ Արցախի թեմի առաջնորդի պաշտոնից և նշանակվել է հատուկ հանձարարություններով հայրապետական նվիրակ։ Վրթանես եպիսկոպոս Աբրահամյանը դարձել է Արցախի թեմի առաջնորդ՝ ազատվելով Հայաստանի զինված ուժերի հոգևոր առաջնորդի պաշտոնից։

ԱՇԽԱՐՀ

1338 -ծնվել է Ֆրանսիայի՝ Վալուաների դինաստիայի թագավոր Կարլ 5-րդ Իմաստունը:

1506 - Հռոմի պապ Հուլիոս 2-րդի նախաձեռնությամբ ստեղծվել է Վատիկանի զինված ուժերի գլխավոր մաս կազմող շվեյցարական գվարդիան:

1609 -վախճանվել է ֆրանսիացի պատմագիր Ժոզեֆ Սկալիգերը:

1743 -ծնվել է ամերիկացի գյուտարար, ԱՄՆ-ում առաջին շոգեքարշ ստեղծող Ջոն Ֆիտչը:

1775 -Մոսկվայի Բոլոտնի հրապարակում մահապատժի է ենթարկվել խռովարար Եմել յան Պուգաչովը: 

1789- վախճանվել է ֆրանսիացի մատերիալիստ փիլիսոփա, աթեիստ, գիտական աթեիզմի հիմնադիր Փոլ Անրի Հոլբախը:

1793 - Մեծ ֆրանսիական հեղափոխության ժամանակ դատարանի վճռով գիլ յոտինով մահապատժի է ենթարկվել Ֆրանսիայի թագավոր Լյուդովիկոս 16-րդը՝ ազգի ազատության և պետության ընդհանուր անվտանգության դեմ դավադրություն կազմակերպելու մեղադրանքով:

1854 - Ատլանտյան օվկիանոսում իռլանդական Լամբեյ կղզու մոտ վթարի է ենթարկվել անգլիական RMS Tayleur նավը, ինչի հետևանքով զոհվել է 362 մարդ:

1855 -ծնվել է ամերիկացի գյուտարար, հրազենի նախագծող Ջոն Բրաունինգը:

1906 - ծնվել է բալետի խորհրդային արտիստ և բալետմայստեր Իգոր Մոիսեևը:

1924 - վախճանվել է Խորհրդային Միության հիմնադիր Վլադիմիր Լենինը:

1925 -Ճապոնիան ճանաչել է ԽՍՀՄ-ը, ճապոնական զորքերը լքել են Հեռավոր Արևելքը:

1941 - ծնվել է իսպանացի տենոր Պլասիդո Դոմինգոն:

1950 - վախճանվել է անգլիացի գրող Ջորջ Օրուելը:

1954 -ԱՄՆ-ում ջուրն է իջեցվել աշխարհում առաջին ատոմային սուզանավը՝ «Նաուտիլիուսը»:

1961 - Հարավային Աֆրիկայի Քոալբրոք հանքախորշի փլուզման հետևանքով կենդանի թաղվել է 435 հանքափոր:

1976 - «Կոնկորդ» ինքնաթիռը իրականացրել է իր առաջին կոմերցիոն թռիչքը Լոնդոնից Բահրեյն:

1977 -Իտալիայում թույլատրել են աբորտները:

1968 - սկսվել են Կխեշանի պաշարման մարտերը, որոնք եղել են Վիետնամա-ամերիկյան պատերազմի ամենանշանավոր մարտերը:

Մանրամասները՝ «Փաստ» օրաթերթի այսօրվա համարում