Օպերլիազորը դատարանում է հայտնվել ՀՀ ոստիկանությունը հեղինակազրկելու համար
SOCIETYՀՀ ոստիկանության Մաշտոցի բաժնի քրեական հետախուզության բաժնի ավագ օպերլիազոր Կ. Հայրապետյանին մեղադրանք է առաջադրվել ծառայողական պարտականությունները պատշաճ չկատարելու համար: Այս մասին տեղեկանում ենք «Դատալեքս» դատական-տեղեկատվական համակարգից:
«Կ. Հայրապետյանը, հանդիսանալով մշտապես իշխանության ներկայացուցչի գործառույթներ իրականացնող պաշտոնատար անձ, անձնական այլ շահագրգռվածությունից ելնելով, դիտավորությամբ չի կատարել իր ծառայողական պարտականությունները, որով էական վնաս է պատճառել հանցագործությունից տուժած անձանց և պետության օրինական շահերին, հեղինակազրկվել է ՀՀ ոստիկանությունը, խաթարվել է արդարադատության շահը»,-ասվում է մեղադրական եզրակցության մեջ:
Կ. Հայրապետյանին մեղադրանք է առաջադրվել ՀՀ Քրեական օրենսգրքի 308 հոդվածի 1-ին մասի հատկանիշներով:
Գործը քննվում է Աջափնյակ եւ Դավթաշեն վարչական շրջանների ընդհանուր իրավասության դատարանում` դատավոր Մաիրնե Մելքոնյանի նախագահությամբ:



