Yerevan, 08.May.2025,
00
:
00
1 $ = 0 ֏, 1 = 0 ֏, 1 = 0 ֏
BREAKING


Ո՞ւմ մեղքով է տապալվել խոշոր ծրագիրն Արցախում, և ինչո՞ւ չի ընտրվել շինարարության ավելի էժան տարբերակը. «Փաստ»

INTERVIEW

«Փաստ» օրաթերթը գրում է

2021 թ.-ի հուլիսի 16-ին Արցախի Հանրապետության և «Նավասարդ Ագրոյի» միջև՝ ի դեմս ՍՊԸ-ի հիմնադիր Գարիկ Նավասարդյանի, կնքվել էր հուշագիր, որի համաձայն, Արցախի Հանրապետության Մարտունու շրջանի Մաճկալաշեն համայնքում մինչև նույն թվականի նոյեմբերի 16-ը պետության միջոցներով պետք է կառուցվեր թռչնաֆաբրիկա:

Այս մասին «Փաստի» հետ զրույցում ասում է ՍՊԸ-ի գործադիր տնօրեն Արմինե Մելքոնյանը:

Համացանցում այս մասին տեղեկատվության փնտրտուքը ևս անարդյունք չի մնում: ԱՀ նախագահի պաշտոնական կայքից տեղեկանում ենք, որ 2021 թ.-ի հուլիսի 17ին Արայիկ Հարությունյանն ընդունել է «Նավասարդ Ագրո» ՍՊԸ հիմնադիր Գարիկ Նավասարդյանին և գործադիր տնօրեն Արմինե Մելքոնյանին։ Պաշտոնական հաղորդագրության համաձայն, «թռչնաբուծարանի կառուցման ու թռչունների ձեռքբերման պարտավորությունը ստանձնում է պետությունը, իսկ ծրագրի կառավարումն ու արտադրանքի իրացումը՝ «Նավասարդ Ագրո» ընկերությունը: Ծրագրի շնորհիվ լուծվելու է շուրջ 50 ընտանիքի զբաղվածության հարցը. յուրաքանչյուր ընտանիք խնամելու է 300 թև թռչուն, ինչի համար ամեն ամիս ստանալու է մոտ 120 000-150 000 դրամ եկամուտ»:

Ենթադրելի էր, որ եթե հիմա այցելենք Մաճկալաշեն, ապա կտեսնենք այնտեղ գործող թռչնաֆաբրիկա, բայց պարզվում է, որ իրականությունն այլ է: Այսօր Գարիկ Նավասարդյանին մեղադրում են, որ վերջինս հափշտակել է հավերի ձեռքբերման համար տրամադրված գումարը: Բայց ամեն ինչի մասին՝ ըստ հերթականության:

Արմինե Մելքոնյանն ասում է՝ պատերազմի ժամանակ Հաթերք գյուղից տարհանված բնակիչներին տեղավորել էին Սևանի ափին, և Գարիկ Նավասարդյանի ու իրենց ընկերների հետ լուծում էին նրանց սննդի հարցը:

«Այդ օրերին անգամ մեկ ձու չենք վաճառել, ամբողջը տրվել է տարհանվածներին ոչ միայն Սևանում, այլ նաև մյուս շրջաններում: Նաև բանակ ենք ուղարկել: Ես սրա մասին չէի խոսի բնավ, ուղղակի այս իրավիճակում բարձրաձայնում եմ՝ ցույց տալու, թե ինչպիսին է Գարիկի նվիրվածությունը հայրենիքին ու մարդուն: Պատերազմն ավարտվեց: Գարիկն ասաց՝ այն ծրագիրը, որոնք «Ապագա» և «Դար» հիմնադրամների միջոցով իրականացնում ենք մեր գյուղում, նաև Արցախում կյանքի կկոչենք:

Գաղափարը հետևյալն է՝ 300 հավ ենք տալիս գյուղացիներին, նրանք ձուն վաճառում են «Նավասարդ Ագրոյին», օգուտ ստանում, իսկ «Նավասարդ Ագրոն» այդ ձվի ողջ սպառումը վերցնում է իր վրա. մենք համապատասխան պայմանագրեր ունենք և ապրանքն արտահանում ենք Ռուսաստանի Դաշնություն: Երբ ԱՀ նախագահ Արայիկ Հարությունյանին ներկայացրեցինք ծրագիրը, հավանեց, տվեց իր համաձայնությունը՝ ասելով, որ սկսենք աշխատանքները: Թռչնաֆաբրիկայի կառուցման գումարը՝ շուրջ 323 մլն դրամ, տալու էր Արցախի կառավարությունը, իսկ թռչնաֆաբրիկան կառուցելուց հետո պետության ֆինանսավորմամբ (52 մլն դրամ) «Նավասարդ Ագրոն» պետք է ձեռք բերեր 15 հազար թև թռչուն: Այսինքն՝ հուլիսի 16-ի հուշագրի համաձայն, թռչնաֆաբրիկան պետք է կառուցվեր, ներքին բաժանում արվեր 50 գյուղացու միջև, որով ամեն գյուղացի իր հատվածում պետք է պահեր 300 հավ: Որպես թռչնաֆաբրիկայի կառուցման տարածք ընտրվեց Մաճկալաշեն գյուղը, որն անմիջապես թշնամու հետ սահմանին է: Դա մեր առաջարկն էր, որպեսզի սահմանային գյուղը զարգանար, սահմանը չդատարկվեր»,ասում է ՍՊԸ-ի գործադիր տնօրենը:

Սա այն կարևորագույն ծրագրերից կարող էր լինել, որն իրականացվելու էր պատերազմից հետո վերհառնող Արցախում, բայց ամեն ինչ այլ ուղղությամբ է գնում:

«Ասված էր, որ նոյեմբերի 15-ին թռչնաֆաբրիկան պետք է պատրաստ լիներ: Սեպտեմբերի 5-ին մենք 16 հազար թև ճուտ էինք բերել Հայաստան: Ինչո՞ւ 16 հազար, որովհետև 1000-ը կարող էր ճանապարհին սատկել: Բայց որակով էին, ընդամենը 400-ն էր սատկել: Հունվարի 5-ին պետք է լրանար հավերի 120 օրականը: Մինչ այդ ոչ մեկ անգամ ասել ենք, որ հավերը պահելու համար լրացուցիչ գումար չունենք, արագացրեք թռչնաֆաբրիկայի կառուցումը: Իրենք բանավոր կերպով հազար երդում ու խոստում տվեցին, բայց մինչ օրս թռչնաֆաբրիկան պատրաստ չէ: Միայն պատերն են կանգնեցրել, իսկ կոմունիկացիաներ, ներքին աշխատանքներ, սարքավորումների տեղադրում, որևէ բան արված չէ: Մի քանի ամիս առաջ, երբ այցելեցինք Արցախ, Գարիկն ասաց՝ հոսանքի հարցը լուծեք, ես բերեմ մարդիկ, թող սարքավորումները միացնեն: Բայց ո՛չ ջուր բերվեց, ո՛չ հոսանք»,-պատմում է մեր զրուցակիցը:

Պարզվում է, սակայն, որ սա միայն պատմության սկիզբն է: «Մի քանի օր առաջ Սևանի ոստիկանները Գարիկին ասում են՝ պետք է գաս ոստիկանություն: Գնում է ոստիկանություն, այնտեղից նրան միանգամից տանում են Արցախ: Երբևէ ծանուցում չի ուղարկվել նրա հասցեին առ այն, որ Գարիկ Նավասարդյանն, օրինակ՝ հրավիրվում է Արցախի Հանրապետության քննչական կոմիտե, քանի որ ընթանում է ինչ-որ դատական գործընթաց, և նա պետք է, ասենք, վկայություն տա: Ո՛չ հեռախոսով, ո՛չ գրավոր տարբերակով նա նման ծանուցում չի ստացել: Սա արդեն օրենքի մեկ խախտում: Հաջորդը՝ ֆերման պատրաստ չէ, բայց ասում են՝ դու գումարը յուրացրել ես: Որևէ մեկը Գարիկից գրավոր ձևով հավ ուզե՞լ է, ոչ, այդ դեպքում ինչի՞ց եք եզրակացրել, որ նա գումարը յուրացրել է և հավ ձեռք չի բերել: Գարիկն օրերս էլ ասաց՝ դուք ֆերման սարքեք, ես հավը բերում եմ, ինչո՞ւ եք այս թատրոնը սարքում: Մեզ համար հիմա պարզ է, թե ինչու են սարքում: Ի սկզբանե մենք իրենց ասացինք, որ շինարարությունը կարելի է իրականացնել 170 մլն դրամով: Բայց իրենք մերժեցին՝ ասելով, որ իրենց ուզած շինարարը պետք է լինի, ծրագրի արժեքն էլ կազմի 327 մլն դրամ: Այստեղից արդեն մնացած ամեն ինչը ենթադրելի է: Մենք բոլոր այս փաստերը կներկայացնենք դատարանում: Այս ամբողջ ծրագիրը տապալվել է բացառապես ԱՀ նախագահ Արայիկ Հարությունյանի խորհրդական Վլադիմիր Գրիգորյանի մեղավորությամբ: Գողն առաջինն է գոռում՝ բռնեք գողին»,-հավելում է ՍՊԸ-ի գործադիր տնօրենը:

Նշում է՝ ընթացքում Գարիկը բազմիցս ասել է, որ կարող է շինարարներ տանել, որ գործը շուտ սկսեն, բայց նրան մերժել են՝ ասելով, որ պետք է իրենց շինարարները կառուցեն թռչնաֆաբրիկան: «Միայն ենթադրել կարելի է, թե իրենց շինարարների հետ ինչեր կարելի էր անել, իսկ օտար շինարարի հետ դա հնարավոր չէր անել: Արդյունքում ծրագիրը տապալվեց: Ես օրերս էլ այս օրինակը բերել եմ՝ թշնամին վեց ամսում քթներիդ տակ կառուցեց օդանավակայան, թունելներ, ստրատեգիական նշանակության կարևոր կետեր, դուք չկարողացաք մի թռչնաֆաբրիկա կառուցել ու այսպե՞ս եք Արցախը մինչև հիմա զարգացրել»,-եզրափակում է «Նավասարդ Ագրոյի» գործադիր տնօրեն Արմինե Մելքոնյանը:

Գործի մասին իրավական տեսանկյունից մանրամասներ պարզելու համար կապ հաստատեցինք Գարիկ Նավասարդյանի փաստաբան Վլադ Հայրապետյանի հետ: «Գործը նախաքննության փուլում է: Ըստ իս, Գարիկ Նավասարդյանին ձերբակալելու կամ կալանավորելու որևէ հիմք չկա: Որոշակի հանգամանքներ իրավասություն կունենամ հայտնելու միայն Գարիկի թույլտվությունը ստանալուց հետո: Ներկա պահին Գարիկ Նավասարդյանն ունի մեղադրյալի կարգավիճակ, որպես խափանման միջոց ընտրված է կալանքը: Դատական ակտը, իհարկե, բողոքարկելու ենք: Այս պահի դրությամբ և՛ Գարիկ Նավասարդյանի, և՛ նախաքննության շահերից ելնելով սահմանափակվենք միայն այս ինֆորմացիայով»,«Փաստի» հետ զրույցում ասաց Հայրապետյանը՝ խոստանալով հետագա զարգացումների մասին հայտնել մեզ հետ զրույցում:

Հ. Գ. -«Փաստը» հետևելու է այս գործի ընթացքին, ներկայացնելու է մանրամասներ: Պատրաստ ենք հրապարակել նաև երկրորդ կողմի մեկնաբանությունն այս հարցի վերաբերյալ:

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում

Hayordi Camp is the May beneficiary of The Power of One Dram Converse Bank Joins the Asian Development Bank's Green Finance CommitmentSilicon Mountains Visionaries Engage with Media Representatives Exclusive Hooverphonic Performance and AraratBank's Social Initiative to Mark Philharmonic's Centennial CelebrationsUcom and Impact Hub Yerevan Launch Second Round of Fellowship Program to Empower Green Innovators With a Mission to Preserve Armenian Heritage: AraratBank Sponsors the "Artsakh" Orchestra ConcertSoftConstruct Participated in the Career City Fest 2K25 — Celebrating Armenia's Top Employers The Symbol of Chinese Automotive Excellence Arrives in Armenia E-auto Becomes the Official Representative of Hongqi Electric Vehicles IDBank and Idram participate in Career City FestUcom Participated in Yerevan’s Career City Fest, Sharing Its Values and Career Opportunities New campaign in ECCO stores from IDBank and IdramWhat Types of Online Fraud Exist Today? Drone Racing Event to Be Held in Yerevan with Ucom’s Support AraratBank: Main Sponsoring Partner of STEM Expo 2025 20% idcoin at Carpisa: IDBank and Idram’s new campaignARARATBANK and FMO Expand Cooperation with a $25 Million Loan Agreement Digital identity, digital authentication, and secure transactions: the imID office is officially opened5,237,825 AMD for the “City of Heroes Rehabilitation Center”: April’s beneficiary is the “4090” FoundationDigital identity, digital authentication, and secure transactions: imID office officially launches AraratBank: Business Financing with up to 35% Cashback Opportunity The young talent: Dmitry IskhanovUcom Introduces UPlay, Launching a New Era of Entertainment IDBank Joined the Banking Association for Central and Eastern Europe (BACEE): Official Membership Agreement Signed in Budapest The Power of One Dram is the general partner of DigiCode 2025AraratBank Employees Communicated with the Power of the Intercessory Gospel of ShurishkanMyAmeria Star - Ameriabank presents a bank card and app for kids and teens One more free access to business lounges: IDBankHow to protect your bank accounts and E-WalletAraratBank: Supporting SMEs for About 20 YearsIDBank – Supporting SMEs "Face to Face" with "The Power of One Dram"With Ucom’s Support “DemArDem: Dialogue of Generations” Regional Forum Concludes in Tashir Idram is now available in Yerevan CityNew Offer for Residents of 28 Cities with 5G Network Joining Ucom Ucom Joins the Regional Forum “DemArDem: Dialogue of Generations” AraratBank: The Only Victory is the Smile of a Recovered Child Financially Literate with Idram Junior IDBank new branch is in the City of ArtashatNew campaign from IDBank on the occasion of Client’s DayUcom Celebrates International Client's Day, Strengthening Ties with Subscribers Ucom’s Fixed Network Now Available in Yeghvard 4,664,972 AMD to QaylTech. The beneficiary of The Power of One Dram for March is the Heroes Rehabilitation City Ucom Fellowship Incubation Program Concludes with Inspiring Closing Ceremony and Awards Event Preferential registration for the FINTECH360conference is available until March 15Face to Face with “The Power of One Dram”: The Regional Forum on Dialogue of Generations is just a few days away Ucom Launches a New Major Network Upgrade Project Ucom's General Director Spoke about Personal Growth at the Armenian Businessman 2025 Event Pay with Idram at Yerevan Mall and Win an idplus Gift Card!Ucom Presents a New Exclusive Offer for the Spring Holidays Four Badalyan Brothers Enterprises Ranked Among Armenia’s Top 1,000 Taxpayers