Սարի թաղում երկու տուն է այրվել, երկու մարդ զոհվել է
SOCIETYԵրևանում դեկտեմբերի 28-ի գիշերը բռնկված հրդեհը հրո ճարակ է դարձրել երկու տուն ու խլել երկու մարդու կյանք: Ինչպես տեղեկացրին ՀՀ տարածքային կառավարման և արտակարգ իրավիճակների նախարարությունից, դեկտեմբերի 28-ին` ժամը 01.00-ին, ահազանգ է ստացվել, որ հրդեհ է բռնկվել Երևանի Սարի թա ղի 5-րդ շարքի թիվ 135 տան տանքում, անհրաժեշտ է օգնություն: Դեպքի վայր են մեկնել ՃԿԱԿ ԱԻԱԽ-ն, ՃԿԱԿ ՕԽ-ն և յոթ մարտական հաշվարկ: Հայտարարվել է հրդեհի բարդության երկրորդ աստիճան:
Պարզվել է, որ հրդեհը բռնկվել է Հ. Մ.-ին պատկանող թիվ 135/1 և Գ. Գ.-ին պատկանող թիվ 135/2 տներում: Թիվ 135/1 տան բնակիչներ` 1928 թ. ծնված Հ. Մ.-ը, 1931 թ. ծնված Է. Մ.-ը և 1955 թ. ծնված Մ.-ը գտնվում են տանը, իսկ 1959 թ. ծնված Մ. Մ.-ը տեղափոխվել է «Ավան» հոգեբուժական կենտրոն: Հրդեհը մեկուսացվել է ժամը 03.42-ին, մարվել՝ 06.26-ին:



