ՊԱՏՄՈՒԹՅԱՆ ԱՅՍ ՕՐԸ (5 ՄԱՅԻՍԻ). Առաջին տեսահաղորդումը Էվերեստի գագաթից. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Մանկաբարձի համաշխարհային օր, Հաշմանդամների իրավունքների պաշտպանության համաշխարհային օր, Եվրոպայի համաշխարհային օր, Դանիա՝ Ազատագրման օր, Նիդերլանդներ՝ Ազատագրման օր, Ճապոնիա՝ Երեխաների օր, Ղրղզստան՝ Սահմանադրության օր, Ավստրիա՝ Ռասիզմի և բռնության դեմ պայքարի օր, Բելառուս՝ Տպագրության օր, Մեքսիկա՝ Պուեբլի ճակատամարտի հիշատակի օր, Թաիլանդ՝ Թագադրման օր, Եթովպիա՝ Ազատության օր։

ՀԱՅ-ՀԱՅԱՍՏԱՆ

1899 –ծնվել է շուշեցի հայտնի դերասան Տիգրան Շամիրխանյանը։

1906 –ծնվել է արձակագիր, լրագրող Մկրտիչ Ասլանյանը։

1911 –ծնվել է երաժշտագետ, բանաստեղծ Մաթևոս Մուրադյանը։

1925 – ծնվել է մանկաբույժ Միքայել Ջոթյանը։

1936 –ծնվել է գիտնական, տեսաբան- ֆիզիկոս Էդվարդ Չուբարյանը։

1972– վախճանվել է մեծանուն նկարիչ Մարտիրոս Սարյանը:

1993- վախճանվել է երկրաբան Արշալույս Գաբրիել յանը։

1994– Հայաստանի, Ադրբեջանի և Արցախի միջև ստորագրվել է հրադադարի մասին Բիշքեկյան արձանագրությունը:

2005-Գյումրիում բացվել է «Հոկտեմբեր» կինոթատրոնը:

2006-Բելգիայում բռնկված հրդեհի արդյունքում այրվել է A320 մակնիշի հայաստանյան երկու ինքնաթիռ, որոնք տեխնիկական զննում էին անցնում Բելգիայում:

2013-Երևանում կայացել են ավագանու ընտրություններ: Ընտրությունների նախնական արդյունքներով հաղթանակ է տարել իշխող Հանրապետական կուսակցությունը:

2017-Կենտրոնական ընտրական հանձնաժողովը հանդիսավորությամբ հանձնել է նորընտիր պատգամավորների մանդատները:

ԱՇԽԱՐՀ

553 -սկսվել է Երկրորդ Կոստանդնուպոլսյան եկեղեցական ժողովը։

1260 - Խուբիլայը դարձել է Մոնղոլական Կայսրության մեծ խան։

1494 - Քրիստափոր Կոլումբոսը հասել է Ջամայկայի ափերը։

1599 -ծնվել է անգլիական հեղափոխության առաջնորդ, Անգլիայի լորդ-պրոտեկտոր Օլիվեր Կրոմվելը։

1751 -Պորտուգալիայի արտգործնախարար Սեբաստիան Պոմբալը հրատարակել է օրենք, ըստ որի, Պորտուգալիայում աուտոդաֆ կարելի է իրականացնել միայն կառավարության համաձայնությամբ, որով իսկ Պուրտուգալիայում դադարեցվել է ինկվիզիցիայի իշխանությունը։

1788 - իսպանացի ծովագնաց Մարտինեսը Վանկուվեր կղզին (ներկայիս Կանադա) հայտարարել է Իսպանիայի սեփականություն։

1789 -ֆրանսիայի թագավոր Լյուդովիկոս 16-րդը հրավիրել է Գերագույն խորհուրդ, որը չէր եղել 1614 թվականից։ Նիստերի ընթացքում փոխզիջումների չգալու հետևանքով սկսվել է Մեծ ֆրանսիական հեղափոխությունը։

1816- Կարլ Օգոստոս Սեկսեն-Վայմար-Էյզենխսկին ներկայացրել է առաջին գերմանական Սահմանադրությունը։

1816- լույս է տեսել Ջոն Քիթսի առաջին սոնետը։

1818– ծնվել է գերմանացի նշանավոր փիլիսոփա, տնտեսագետ, մարքսիզմի հիմնադիր Կառլ Մարքսը: 1821– վախճանվել է Ֆրանսիայի կայսր Նապոլեոն Բոնապարտը:

1921– Կոկո Շանելը հանրությանն է ներկայացրել Chanel -5 օծանելիքը:

1836 -Բելգիայում շահագործման է հանձնվել մայրցամաքային Եվրոպայի առաջին երկաթուղին, որը կապել է Մեխելեն և Բրյուսել քաղաքները։

1846 – ծնվել է լեհ գրող Հենրիկ Սենկևիչը։

1891 -Նյու Յորքում բացվել է Music Hall համերգային դահլիճը (ներկայիս Կարնեգի Հոլլ), բացման առաջին համերգի խմբավարն է եղել Չայկովսկին։

1912 - լույս է տեսել «Պրավդա» թերթի առաջին համարը

։ 1925 -ամերիկյան Դեյտոն քաղաքում (Թեննեսի նահանգ) ձերբակալվել է 24-ամյա ուսուցիչ Ջոն Սկոուպսը, որը համարձակվել է դասավանդել նահանգի օրենքներով արգելված Չարլզ Դարվինի էվոլուցիայի տեսությունը։ Այդ առիթով ընթացող դատավարությունը ստացել է «կապիկների դատավարություն» անունը և իր վրա է բևեռել ամբողջ աշխարհի ուշադրությունը։

1936 -Պիետրո Բոդոլոյի ղեկավարած իտալական բանակը գրավել է Եթովպիայի մայրաքաղաքը (Պողպատե կամքի երթ)։ 1945-Երկրորդ համաշխարհային պատերազմի ժամանակ գերմանական զորքերը կապիտուլ յացիայի են ենթարկվել Հոլանդիայում։

1949 – 10 եվրոպական երկիր համաձայնագիր է ստորագրել Եվրոպայի խորհուրդ ստեղծելու մասին:

1951– Մեծ Բրիտանիայում ցուցադրվել է հատուկ խաղերի համար պատրաստված առաջին Nimrod համակարգիչը:

1956 -Տոկիոյում սկսվել է ձյուդոյի աշխարհի առաջին առաջնությունը։

1988 -կայացել է առաջին տեսահաղորդումը Էվերեստի գագաթից։

1995 –վախճանվել է ծագումով հրեա ռուսաստանցի շախմատիստ Միխայիլ Բոտվիննիկը։

2004– Պաբլո Պիկասսոյի «Ծխամորճով տղան» կտավը աճուրդում վաճառվել է 104 միլիոն դոլարով:

2009 – Վրաստանում ռազմական խռովության փորձ է իրականացվել:

Մանրամասները՝ «Փաստ» օրաթերթի այսօրվա համարում