«Ռուս աղ­ջի­կը խոր­հուրդ է տվել աղ­ջիկ­նե­րին՝ մի­այ­նակ հանգս­տա­նա­լու չմեկ­նել Հա­յաս­տան»․ «Փաստ»

«Փաստ» օրաթերթը գրում է

lenta.ru-ն գրում է, որ Հայաստան այցելած մի ռուս զբոսաշրջուհի նախազգուշացրել է աղջիկներին, որ միայնակ չմեկնեն այդ երկիր հանգստանալու: Նա Yandex.Zen հարթակի բլոգում պատմել է իր ճանապարհորդությունից ստացած տպավորությունների մասին: Ռուսաստանցի աղջիկը նախ և առաջ նախազգուշացրել է օտար կանանց նկատմամբ տեղի տղամարդկանց մեծ ուշադրության մասին: Ինչպես բացատրել է բլոգերուհին, կովկասցիները սիրում են սիրահետել աղջիկներին, քանի որ, ըստ նրա, հայ կանանց հետ նրանք կարող են միայն լուրջ հարաբերություններ հաստատել ավանդական հարսանիքի տեսքով: «Ինձ դուր չի եկել, որ նրանք անմիջապես անդրադառնում են անձնական հարցերին: Հարցնում են ամուսնու, ընկերոջ, եղբոր, հայրիկի մասին. ով որտեղ է աշխատում, ինչ է անում: Այսինքն, բոլորովին անծանոթ տղամարդը ցանկանում է իմանալ քո մասին ամեն ինչ», ասում է ռուս կինը:

Նա նաև զբոսաշրջիկներին խորհուրդ է տվել նման դեպքերում պատասխանել, որ ամուսնացած է, և երեխաներն ու ամուսինը հյուրանոցում իրեն են սպասում, հակառակ դեպքում հայերը, իբր, կշարունակեն սիրահետել:Ռուս կինը նաև նախազգուշացրել է ճանապարհորդներին՝ հրաժարվել անվճար ալկոհոլ օգտագործելուց: Չնայած բլոգերը նշել է, որ տեղական գինիները հրաշալի են, բայց աղջիկներին խորհուրդ չի տալիս հարբել: Ամփոփելով՝ հեղինակը հիշեցրել է զբոսաշրջիկներին, որ շատ հեշտ է Հայաստանում ավելորդ կիլոգրամներ հավաքել տեղական համեղ ու ճարպոտ սննդի պատճառով: Աղջիկը հիշել է, թե որքան դժվար է եղել իր համար հրաժարվել ազգային համեղ ուտեստներից: «Գիրանալը սկսվում է նախաճաշից. դդմի քաղցր շիլա, ապա ձվածեղ տնական պանրով, պանրով նրբաբլիթ ընկույզով, լոլիկով հայկական ձվածեղ, նազուկ, որը շաքարի մեջ խառնված ընկույզով լցոնված բլիթ է և այլն», - ասել է ռուս աղջիկը։

Մանրամասները՝ «Փաստ» օրաթերթի այսօրվա համարում