Խորհուրդներ կյանքը վայելելու համար

Լife.panorama.am-ը գրում է.

Ժամանակակից կյանքի տեմպը ժամանակ չի թողնում ոչ սիրած հոբիի, ոչ երեկոյան զբոսանքի, ոչ էլ սիրո խոսքերի համար: Մենք նույնիսկ ուղղակի ապրելու ժամանակ չունենք: Այս կանոնները կօգնեն վայելել կյանքը.

1. Մեկուսացում բնության մեջ

Բնությունը էներգիայի, ներդաշնակության և գեղեցկության աղբյուրն է: Միաձուլվելով բնության հետ մարդը մոռանում է առօրյա խնդիրների մասին և սովորում է լսել իր ներքին ձայնը: Փորձեք գոնե հազվադեպ նայել աստղերին, դիմավորել լուսաբացը գետի ափին կամ հիանալ թռչունների թռիչքով: Այդ պահերը կգեղեցկացնեն Ձեր կյանքը:

 

2. Սիրեք լռությունը

Լռությունը այն է, ինչը մեզ այդքան չի հերիքում քաղաքի աղմուկի, գովազդների , հեռախոսային զանգերի և սեփական մտքերի հետ: Մեր օրերում այնքան հազվադեպ է հանդիպում լռությունը, որ այն սկսել է վախեցնել մարդկանց: Բայց իրականում լռության մեջ կարելի է զգալ ամեն ինչ նորովի, այն կօգնի նոր բան բացահայտել Ձեր մեջ, և դա արդեն քիչ չէ: Թույլ տվեք, որ լռությունը գոնե մի քանի րոպեով մուտք գործի Ձեր կյանք:

 

3. Բաշխեք հավասարաչափ աշխատանքը

Այստեղ կարևորը աշխատանքի հետևողական կատարումն է, անկախ նրանից, դա տան աշխատանք է, թե կապված է դրսի հետ: Նույնիսկ, եթե այն շատ է՝ կենտրոնացեք, և մի շեղեք Ձեր ուշադրությունը այլ աշխատանքի վրա, մինչև չկատարեք մեկը:  Հակառակ դեպքում Դուք կկորցնեք շատ ժամանակ և ընդհանրապես  ինչ-որ բան անելու ցանկությունը: Եթե կատարած աշխատանքը Ձեզ ուրախություն պարգևի, Դուք կխնայեք Ձեր ժամանակն ու էներգիան:

 

4. Զբաղվեք Ձեր սիրած աշխատանքով

Կարդալով այս կետը հավանաբար կմտածեք ինչ-որ ստեղծագործական աշխատանքի մասին: Ստեղծագործելու շնորհ ունի մեզանից յուրաքանչյուրը, բայց ոչ բոլորն են դա նկատում և փորձում զարգացնել: Հասկանալու համար, թե ի՞նչն է հոգեհարազատ հենց Ձեզ, պետք է փորձեք զանազան բաներ: Դա կարող է լինել ցանկացած բան՝ նկարչություն, բույսերի աճեցում, խոհարարություն, կավագործություն, խաղ երեխաների հետ և այսպես շարունակ: Արդյոք իրական երջանկություն չէ,  երբ Դուք զբաղվում եք Ձեր սիրած աշխատանքով:

5. Կենտրոնացեք մի գործողության վրա

Երբեմն փորձելով կյանքի մեջ հետաքրքրություն մտցնել, արդյունքում ստանում  ենք չափից առավել էմոցիաներ: Օրինակ՝ առավոտյան գնում եք ցուցահանդեսի, կեսօրին՝ տեսարժան վայրեր, կինո իսկ երեկոյան թատրոն: Այսպիսով ամբողջը խառնվում է և Դուք այլևս հնարավորություն չեք ունենում հասկանալ և ապրել կոնկրետ իրադարձությունը: Եթե կենտրոնանաք ինչ-որ մի բանի վրա, ապա ստացված տպավորությունները ամբողջությամբ այլ կլինեն:

 

6. Անմիջական շփում

Իրական շփումը մարդկանց հետ չի կարելի փոխարինել ոչ մի բանով: Այլ եղանակներով (համացանց, նամակագրություն, հեռախոսազրույց) շփումը պետք է լինի միայն իրական շփումը պահպանելու, այլ ոչ թե այն փոխարինելու համար: Ընկերոջ հետ մեկ իրական հանդիպումը կփոխարինի հազարավոր նամակները համացանցում: Ժամանակ գտեք հարազատ մարդկանց հետ խոսելու համար:

 

7. Լավ սնվեք

Սնունդ գնելիս մի մտեք առաջին հանդիպած խանութը, գնումներ կատարելու համար լավ է հատկացնեք առանձին ժամանակ: Գնացեք շուկա և ընտրեք ամենաթարմն ու օգտակարը, որոշեք ճաշացանկը, միացրեք երաժշտություն և զգացեք ձեզ ամենալավ ռեստորաններից մեկի շեֆ-խոհարարը: Երբ ամեն ինչ պատրաստ կլինի, ուտելուց վայելեք յուրաքանչյուր պահը:

 

8. Հանգիստը պետք է լինի գիտակցված

Մի ամբողջ տարի աշխատելուց հետո Ձեզ հնարավորություն է տրվել  մատչելի գնով ճանապարհորդություն. «5 երկիր՝ 5 օրում»՝ այցելելով բազում տեսարժան վայրեր և թանգարաններ:  Նման հանգստից հետո Ձեզ անհրաժեշտ կլինի ևս մեկ ամիս ուժերի վերականգնման համար: Կարիք չկա ընկնել շատ տպավորությունների հետևից, պարզապես վայելեք յուրաքանչյուր պահը, ձեռք բերեք նոր ծանոթություններ: Լիարժեքության զգացողությունը կարող է գալ նույնիսկ գետի ափին զբոսանքից կամ սրճարանում մեկ բաժակ համեղ սուրճից վայելելուց հետո:

 

9. Թեթև անկանխատեսելիություն

Երբեմն պետք է լինել անկանխատեսելի և չհետևել օրվա կարգուկանոնին: Ուղղակի արեք այն, ինչ ցանկանում եք:

10. Սովորեք փոքր երեխաներից

Մեր մանկությունը շարունակում է ապրել մեր մեջ: Շփվելով երեխաների հետ ինչ-որ պահի մենք կարող ենք փորձել նայել կյանքին իրենց աչքերով: Երեխաները ոչ մի տեղ չեն շտապում, իրենք ապրում են այսօրվա օրով՝ «այստեղ և հիմա»: Երբեմն թույլ տվեք ինքներդ Ձեզ լինել երեխա: