ՊԱՏՄՈՒԹՅԱՆ ԱՅՍ ՕՐԸ (22 ՀՈՒԼԻՍԻ). Հասարակական տրանսպորտի ուղեվարձը 50 դրամով բարձրացնելու՝ քաղաքապետի որոշման դեմ բողոքի ակցիաներ են սկսվել
SOCIETYՏՈՆԵՐ
Սվազիլենդ՝ Հասարակության օր, Տաջիկստան՝ Տաջիկստանի ազգային լեզվի օր, ՀԱՀ՝ Ծառատնկման օր։
ՀԱՅ-ՀԱՅԱՍՏԱՆ
1915– Առաջին համաշխարհային պատերազմի ընթացքում Ալաշկերտի օպերացիայի ժամանակ Կովկասյան բանակի հրամանատարությունը պահեստային ուժերից կազմել է հատուկ հարվածային զորախումբ գեներալ Ն. Ն. Բարաթովի հրամանատարությամբ, որը Դահար գյուղի մոտից հարձակվել է Աբդուլ Քերիմ փաշայի զորախմբի վրա։
1918– Շուշիում տեղի է ունենում Արցախահայության անդրանիկ համագումարը (ԱՀՀ), որը Լեռնային Ղարաբաղը հայտարարել է «անկախ վարչա-քաղաքական տարածք», ընտրվել է Ազգային խորհուրդ և հիմնվել ժողովրդական կառավարություն։
-Նախիջևանում սկսվել են բախումներ ադրբեջանցիների և գեներալ Շելկովնիկովի (Մետքսյան) հայկական կայազորի միջև, անգլիացի լեյտենանտ Շվինդին հաջողվել է միջնորդական առաքելություն իրականացնել և եռօրյա զինադադար հաստատել։
1928 – ծնվել է նկարիչ Վահան Խորենյանը։ 1956- շահագործման է հանձնվել Երևանի կայարանի նոր շենքը։
2003- առավոտյան մահափորձ է կատարվել Երևանի Էրեբունի համայնքի ղեկավար Մհեր Սեդրակյանի նկատմամբ: Վնասվածքներ ստացած Սեդրակյանը տեղափոխվել է հիվանդանոց:
2011- առաջին անգամ հայ սուզորդների թիմը ուսումնասիրել է Արագած լեռան Քարի լճի հատակը:
2012 –վախճանվել է անվանի դերասանուհի Գալյա Նովենցը։
2013-Երևանի հասարակական տրանսպորտի ուղեվարձը 50 դրամով բարձրացնելու՝ քաղաքապետի որոշման դեմ բողոքի ակցիաներ են սկսվել։
2015-Նոր Հաճընում բացվել է Սուրբ Ամենափրկիչ եկեղեցին, որը Գագիկ Ծառուկյանի հովանավորությամբ կառուցված յոթերորդ եկեղեցին է։
2016-Վիտալի Բալասանյանի միջնորդությամբ անցկացվող բանակցությունների արդյունքում հաջողվել է համաձայնության գալ և ահաբեկչություն իրականացրած ու ՊՊԾ գունդը գրաված «Սասնա ծռերի» անդամներին սնունդ է փոխանցվել: Գիշերը խաղաղ է եղել:
ԱՇԽԱՐՀ
1099– խաչակիրների կողմից ստեղծված Երուսաղեմի թագավորության ղեկավար է դարձել Գոդֆրուա Բուլ յոնցին։
1246 -65-ամյա իտալացի ճանապարհորդ Ջովաննի դա Պլանո Կարպինին եվրոպացիներից առաջինն է հասել մոնղոլների կայսրության մայրաքաղաք Կարակորում։
1298 -տեղի է ունեցել Ֆոլկերեյի ճակատամարտը, որը Շոտլանդիայի անկախության համար մղվող առաջին պատերազմի ժամանակ շոտլանդացի ապստամբների և անգլիացիների միջև տեղի ունեցած ամենախոշոր ճակատամարտն է։
1456 -հունգարական բանակն ազատագրել է Բելգրադը օսմանական նվաճողներից։ 1498 -վախճանվել է իտալացի նկարիչ Ֆրանչեսկո Բոտտիչելին։
1502 - պորտուգալական արշավախմբի կազմում ճանապարհորդած Ամերիգո Վեսպուչին վերադարձել է Լիսաբոն։
1713 –ծնվել է ֆրանսիացի ճարտարապետ Ժակ Ժերմեն Սուֆլոն։
1814 -Օհայոյի հինգ հնդկական ցեղեր խաղաղություն են կնքել ԱՄՆ-ի հետ և պատերազմ հայտարարել Անգլիային։
1878– ծնվել է լեհ բժիշկ, մանկավարժ, գրող, լրագրող, հասարակական գործիչ Յանուշ Կորչակը, որը առաջինն է քայլեր ձեռնարկել երեխաների իրավունքների պահպանության և լրիվ հավասարության ոլորտում։
1894 -Ֆրանսիայում կայացել է «ParisRouen Trail» առաջին ավտոմոբիլային մրցույթը։
1910- Ռուսաստանի Յասնայա Պոլ յանայում հրդեհից ոչնչացել են Լև Տոլստոյի ձեռագրերը։
1927– հիմնադրվել է «Ռոմա» իտալական ֆուտբոլային ակումբը։
1930 -ԽՍՀՄ կոլխոզկենտրոնը որոշել է, որ աշխատանքի վարձատրություն կոլխոզներում իրականացվելու է ոչ թե փողով, այլ աշխօրերով։
1944– ստեղծվել է Արժույթի միջազգային հիմնադրամը։
1960-Կուբան ազգայնացրել է ԱՄՆ-ին պատկանող շաքարի գործարանները, շաքարը սկսել են արտահանել ԽՍՀՄ։
1965– ծնվել է ամերիկացի պրոֆեսիոնալ ըմբշամարտիկ և հեռուստահաղորդավար Շոն Մայքլզը, որը ռեկորդային՝ 10 անգամ հաղթել է «Pro Wrestlin Illustrated» հանդեսի «Տարվա մարտ» անվանակարգում։
1986 -Բրիտանիայի խորհրդարանի համայնքների պալատը քվերակել է պետական դպրոցներում մարմնական պատիժները արգելելու որոշման օգտին։
1992 –ծնվել է ամերիկացի դերասանուհի և երգչուհի Սելենա Գոմեսը։
2010 -Արգենտինայում ուժի մեջ է մտել միասեռ ամուսնությունների թույլատրման մասին օրենքը։
2011– Նորվեգիայի մայրաքաղաք Օսլոյում տեղի ունեցած ահաբեկչական պայթյունի հետևանքով զոհվել է 77 մարդ, 151-ը ստացել է վնասվածքներ։
Ի ՄԻ ԲԵՐԵՑ Կ. ԽԱՉԻԿՅԱՆԸ



