Հանրաքվեի կործանումը բոլորի կործանումն է՝ ՀՀԿ-ին տարիներ սպասող տեռորով

Վարուժան Բաբաջանյանը Ֆեյսբուքյան իր էջում գրում է.

Սե՛րժ, վրա հասավ այն պահը, որի մասին միշտ գրել եմ Orer.am-ում... Հիշեցնում եմ, քաջ իմանալով, որ այդ բանը տհաճություն է պատճառում։ Բայց հիշեցնում եմ, որ զարգացման իմ պատկերացումը այս անգամ լուրջ ընդունես։

Դու երկու ամիս էլ չունես։ Քաղաքական այս պոտենցիալով, հանրաքվեիդ կազմակերպական խախուտությամբ (չորս ամիսն էլ չի պնդացնի) պլյուս Աբրահամյանը և գուցե 1-2 փոքրիկ բան՝ պառլամենտական ընտրությունները չես կրում։ Համենայն դեպս այնպես չես կրում, որ քեզ հետ լուրջ հաշվի նստեն։

Ռոբերտը (կամ չգիտեմ` ով-ովքեր) գտել են քեզ չեզոքացնելու միակ տարբերակը: Ես վստահ եմ՝ այդ պլանը եղել է գարնանից: Նրա կողքը նայիր՝ Արա Աբրահամյան, Անդրանիկ Թևանյան, Վիկտոր Սողոմանյան, Դաշնակցություն. բոլորը Քոչարյանի վաղեմի ընկերներն ու դաշնակիցներն են։

Ամիսներ շարունակ Հայաստանի հասարակական-քաղաքական մթնոլորտում ներշնչում են, որ քո գոյությունը «կասեցնում է Հայաստանի զարգացումը»: Ուշադրություն դարձրու ձևակերպման չարագուշակ անմեղությանը...

Պարզունակ կլինի, եթե այս ամենը բացատրեմ գործընկերներիդ նենգությամբ։

Նրանք փակուղի են մտել: Ո՛չ դուրս կարող են գնալ, ո՛չ ետ գնալ: Նրանք դատապարտված են Հայաստանում ունենալ բացարձակ իշխանություն, որի համար հարկ կլինի մանրացնել, փոշիացնել, ապա և ամայացնել Հայաստանի քաղաքական դաշտը, ինչպես արեցիր և դու: Այս ճանապարհին պիտի դաշնակիցներ փոփոխեն, շարքից հանեն նշանակալի որևէ մեկին...

Ղարաբաղը ամայացնելիս դաշնակից (Քոչարյանը-խմբ.) ուներ Հայաստանը, Հայաստանի դեպքում կգտնեն այլ երկիր: Հայաստանն էլ այլ երկիր է: Անձանց շարքից հանելուն դաշնակից գտան քեզ, քեզ արանքից կհանեն Արա Աբրահամյանի միջոցով, Աբրահամյանի ժամանակ կմտածեն... Արան ոչ մեկից խելացի չէ։

Հայաստանը նրանց ատում է: Այդ ատելության համար (քոչարյանենք-խմբ.) վրեժխնդիր են լինելու երևելի անհատներից: Այնպես որ, միայն քեզանով գործը չի ավարտվելու: Մի մասին շարքից հանում են, որ իրենց դիմադրում են, մյուս մասին կհանեն, որ դեռ կան, երրորդներին` որ կարող են լինել: Դու ուշադիր լսիր կռված ընկերներիդ, նրանք քիչ են մնացել, բայց լավ գիտես դրանց հայատյաց բնույթը։

Հայը հային այդպես չի ատի - կմտածես դու։ Իսկ ես կասեմ, որ այո, նրանք հայ են։ Ուրեմն մենք հայ չենք։ Որովհետև հայը հային այդպես ատել չի կարող։

Առաջարկս.

Հանրաքվեից առաջ հրաժարվիր լցոնումներից, փոխիր Ազգային Ժողովի նախագահին:

Քեզ կարող են մի ամսվա ընթացքում փաստի առաջ կանգնեցնել` հանրաքվեն փուռը տալով: Տրամաբանական առիթ կգտնեն: Ասենք` կուսակիցներդ չեն քվեարկի Այո-ի օգտին, և քո հավերժանալու փորձը կդարձնեն քաղաքական գերեզման: Այստեղ կրվում ես։ Մինչ կմտածես՝ ինչ անել՝ Արա Աբրահամյանին իր փողերով կնետեն դաշտ, կնշանակեն վարչապետի պաշտոնակատար և հեռուստատեսությունն ու մամուլը կդնեն ՕԵԿ-ի, Դաշնակցության, մյուսների տրամադրության տակ: Եվ այդ հիստերիային հաջորդող ընտրական կամպանիան տանուլ է տրված քո և փոքրաթիվ հավատարիմներիդ համար: Ռոբերտ Քոչարյանի դեմը առնելը կարող է քեզ բավարար թվալ։ Բայց ուշադիր եղիր այն հանգամանքին, որ Քոչարյանի հարցը այս անգամ գուցե կեղծ է, իրականում կհաղթեն 2017 թվականի պառլամենտականում, իսկ դու հիմա քեզ հաղթած զգալով՝ զգոնությունդ կկորցնես և կհամաձայնես այլ, մուխանաթ ժամանակավոր տարբերակի։ Այնինչ առավել մուխխանաթը գուցե վարչապետի մնալն է նախընտրական շրջանում, ինչը պնդողը ակամա դու ես լինելու։

Մի մտածիր, որ Ղարաբաղի անորոշ վիճակը քո վրա է մնալու։ Մեկ է՝ քո վրա է մնալու։ Կամ քո վրա են գցելու։ Եթե չես ուզում մնա քո վրա, Լևոնի նման պիտի վձռական հեռանաս։ Եթե պատասխանատվությունն արդեն վերցրել ես, պիտի մի քանի քայլ անես և ցիկլ փակես։

Հայտ ներկայացնելով` վտանգի տակ ես դրել քո զինակիցներին և շրջապատը, հանրաքվեի կործանումը բոլորի կործանումն է՝ ՀՀԿ-ին տարիներ սպասող տեռորով...

Զանգիր խոսենք։

Քանի՞ մարդ է մնացել քեզ պաշտպանող։

P.S.

Եղած խաղի կանոններով կրվում ես: Փոխիր խաղի կանոնները: Այսօր դեռ քո հանրաքվեն չի դիտվում երկրորդ, կդիտվի առաջին` ընդվզման եզրափակիչ քայլ:

Հեռացիր, քանի դեռ իշխանության գլուխը չեն կերել:

Հ.Գ. - Բոլոր անունները իրական են, տեքստային համընկնումները՝ պատահական...