«Բարեփոխումները հաջողված չեն համարվի, մինչև չկարգավորվեն առաջնային հարցերը». կստեղծվի պարեկային ոստիկանություն
SOCIETYԱրդարադատության նախարարությունն իրավական ակտերի նախագծերի հրապարակման միասնական կայքում հանրային քննարկման է ներկայացրել «Ոստիկանությունում ծառայության մասին», «Ոստիկանության մասին» և հարակից օրենքներում փոփոխություն և լրացումներ կատարելու մասին ՀՀ օրենքի նախագիծը։
Ներկայացված փաթեթում առաջարկվող փոփոխությունները և լրացումներն իրավական հիմք են ստեղծում ոստիկանության կազմում «Պարեկային ոստիկանություն» ծառայության ստեղծման, պարեկային ոստիկանների հրամանագրման և նրանց գործունեության կազմակերպման նպատակով անհրաժեշտ ենթաօրենսդրական ակտերի ընդունման համար։
Նախագծի հիմնավորման մեջ նշված է, որ ՀՀ ոստիկանության բարեփոխումների ռազմավարության և դրանից բխող 2020-2022 թվականների գործողությունների ծրագրերով հստակ շեշտադրումներ են կատարվել ոստիկանության վերափոխման և հանրությանը լիովին նոր ոստիկանություն ներկայացնելու վերաբերյալ։
Որպես ռազմավարական հիմնական նպատակ է առաջադրվել նոր ոստիկանի կերպարի ստեղծումը և քաղաքացուն լիովին այլ պատրաստվածությամբ ներկայանալը։
Այս նպատակին հասնելու առաջնային քայլերից մեկը ոստիկանության արտաքին ծառայության վերափոխումն է։
Ընդգծվում է, որ ներկայումս ոստիկանության համակարգում գործում են ՃՈ-ն և ՊՊԾ-ն, որոնք համապատասխանաբար իրականացնում են ճանապարհային երթևեկության կանոնակարգման, ճանապարհային անվտանգության ապահովման գործառույթները և հասարակական կարգի պահպանությունը։
Ոստիկանության նման կառուցվածքով և գործառույթների տարանջատմամբ գործունեությունը հանգեցնում է տարբեր ստորաբաժանումների միջև փոխգործակցության խնդիրների, մինչդեռ նշված գործունեության ուղղություններում ոստիկանության բարձր որակի աշխատանքը առաջնային կարևորություն ունի ՀՀ քաղաքացիների և հանրապետության հյուրերի մոտ ոստիկանության վերաբերյալ կարծիքի ձևավորման, վստահության և ապահովության զգացման համար։
ՀՀ ոստիկանության պետին կից հասարակական խորհրդի անդամ, «Ճանապարհային երթևեկության անվտանգություն և վերահսկողություն» ՀԿ-ի ղեկավար Սերգեյ Ղահրամանյանը «Փաստի» հետ զրույցում վերահաստատում է՝ պարեկային ոստիկանության ծառայությունը գործելու է երկու կառույցների հիմքի վրա։
«Եթե հաշվի առնենք այն, ինչ գրված է ՀՀ ոստիկանության բարեփոխումների ռազմավարության մեջ, կրճատվում են ճանապարհային ոստիկանությունը և պարեկապահակային ծառայությունը, դրանց փոխարեն ստեղծվում է պարեկային ոստիկանության ծառայությունը։
Այն պետք է իրականացնի այն գործառույթները, որոնք ներկայումս կատարում են ճանապարհային ոստիկանները և պարեկապահակային ծառայության ոստիկանները, մի փոքր էլ ավելի։ Ավելի պարզ ասած՝ կլինեն ունիվերսալ ոստիկաններ, որոնք չեն իրականացնելու միայն քննչական գործողություններ։
Եթե հաշվի առնենք այն ծանրաբեռնվածությունը և գործողությունները, որոնք հիմա կատարվում են, և հետագայում այդ բոլորն իրար միացվի, ներկա կարգախմբերի և մարդկային ռեսուրսների պարագայում գործը շատ ավելի բարդ է լինելու, որովհետև ներկայումս մարդկային ռեսուրսները չեն բավարարում այդ գործողությունները հնարավորինս լավ իրականացնելու համար, իսկ ապագայում շատ ավելի բարդ կլինի։
Ամենաառաջնայինը պետք է ուշադրության կենտրոնում պահել քանակի հարցը, իսկ մյուսը՝ սոցիալական-հոգեբանական իրավիճակը։ Դրա մեջ մտնում է ոչ միայն աշխատավարձի բարձրացումը, այլ նաև ոստիկանի պաշտպանվածությունը թե՛ իրավական, թե՛ բարոյական տեսանկյունից։ Ներկայումս ոստիկանը թե՛ սոցիալական, թե՛ իրավական և թե՛ բարոյական տեսանկյունից շատ անպաշտպան է և թիրախավորված։
Հետևաբար՝ մինչև չկարգավորվեն այս հարցերը, բարեփոխումները հաջողված չեն կարող համարվել, որովհետև միայն ծառայությունների անունները և, օրինակ՝ լոգոն կամ հագուստը փոխելով՝ ասել բարեփոխումներ, մի փոքր ճիշտ չէ»,-ասում է Ղահրամանյանը։
Իսկ ինչո՞ւ է որոշվել ճանապարհային ոստիկանությունը և պարեկապահակային ծառայությունը միացնել և դարձնել պարեկային ոստիկանություն։ Ըստ Ղահրամանյանի՝ պարեկային ոստիկանություն ստեղծելու հիմնավորումները մի քանիսն են։
«Ասվում է, որ կան թվով քիչ, բայց բնույթով կրկնվող գործողություններ, որոնք իրականացնում են և՛ ՃՈ-ն, և՛ ՊՊԾ-ն։
Բացի դա, որոշ դեպքերում խոսքը նեղ մասնագիտական պարտականությունների և լիազորությունների մասին է, որի հետևանքով լինում են դեպքեր, երբ պարեկային ոստիկանը չի կարողանում երթևեկության մասնակցին կարգի հրավիրել կամ այլ գործողություններ իրականացնել, նույնն էլ հակառակը՝ ճանապարհային ոստիկանը միայն երթևեկության մասնակիցների նկատմամբ կարող է որոշակի՝ շատ նեղ մասնագիտական վարչարարություն իրականացնել։
Հաշվի առնելով այս ամենը, նաև այն հիմնավորումը, որ կարիք կա վերափոխել և ժողովրդավարական երկրին վայել ոստիկանություն ունենալ, լավագույն տարբերակներից մեկը պարեկային ոստիկանության ստեղծումն է»,-ընդգծում է մեր զրուցակիցը։
Ղահրամանյանը նաև հետաքրքիր օրինաչափություն է նկատել։
«Չգիտեմ՝ որքանով է սովորույթ կամ ավանդույթ, բայց այն երկրներում, որտեղ հեղափոխություն է լինում, անցում են կատարում պարեկային ոստիկանության համակարգին։ Հեռու չգնանք՝ հարևան Վրաստանում նույնպես նման կերպ վարվեցին։ Երբ Սահակաշվիլին դարձավ երկրի ղեկավար, նա անմիջապես փոփոխությունների ենթարկեց ոստիկանական համակարգը։
Ճիշտ է՝ այնտեղ այդ փոփոխությունները տեղի ունեցան արմատապես և կտրուկ, ոչ թե երկու տարի հետո։ Մեզ մոտ, գոնե այս պահին, կա քաղաքական կամք, ոստիկանության մեջ՝ ցանկություն նման փոփոխություններ կատարելու։
Սա իրականություն դարձնելու համար պետք են դրան համապատասխան լիարժեք ռեսուրսներ։ Պարզապես այնպես չստացվի, որ թղթի վրա լինեն իդեալական փոփոխություններ, բայց իրականում դրանք իրականության մեջ տեղ չունենան՝ ֆինանսական կամ էլ այլ պատճառներով»,-եզրափակում է Սերգեյ Ղահրամանյանը։
ԼՈՒՍԻՆԵ ԱՌԱՔԵԼՅԱՆ
The Power of One Dram Joins the Final Phase of the Symphonic Forest Project
Idram&IDBank’s Special Offer at Dalma Garden Mall
Ucom’s Management Team Marks International Client’s Day with Subscribers
IDBank and Idram Continue Cooperation with the “ZARK” Educational Foundation
IDBank issued the 2nd and 3rd tranches of bonds of 2026
Ucom Issues Warning on New Wave of Phone Scams
IDBank Launches Special Campaign for SWIFT Transfers
Converse Bank shares its capital market expertise at the IV Conference Capital Markets Armenia
Ucom’s Level Up+ Packages with the Fastest Mobile Internet in Armenia
The Badalyan Brothers Group of Companies Paid about 33.2 Billion AMD in Taxes and Duties to the State in 2025
IDBank Announces the Launch of the IDDistributor Financial Tool
Safe Workplace as a Guarantee of Development
Spring Promotion at Megamall from Idram&IDBank
“We want to buy your item, please provide your card details.” IDBank warns about fraud on classified platforms
Ucom Fellowship 2025 Concludes as Top Eco-Startups Secure Funding
IDBank Goes International: Mher Abrahamyan's Interview with the Los Angeles Times
AraratBank Earns RIA Money Transfer’s Partner of the Year in Armenia for the Seventh Consecutive Year
Ucom Supports the “DemArDem 2026” Regional Youth Forum
ZCMC еstablishes Sustainability, ESG and Risk Committee
Parallels Between the “Real Armenia Ideology” and Soviet and Turkish Approaches to the Diaspora
New Offer - Up to AMD 5 Million - Consolidate your Loans and Switch to AraratBank
New Promotion at Yerevan Mall Ahead of March 8: Idram&IDBank
UBPay and MoneyTO Launch Money Transfers from Armenia to the UK
In Celebration of the Spring Holidays Ucom Offers Unity Packages on Special Terms
Ameriabank Becomes the First Armenian Company in the List of the 100 Largest Companies on the London Stock Exchange as a Member of Lion Finance Group
IDBank Expands Travel Benefits of Premium Cards
Free Calls and SMS Messages from Ucom for Subscribers in the Middle East
Love Is… Card by Unibank – An Iconic Design and a Romantic Trip for Two to Paris
Customer Appreciation Day at IDBank’s Echmiadzin Branch
Ucom Fellowship Incubation Program Participants Visit Ucom
Individuals and businesses, near and far, all welcome
Trust and reach across the globe
Choosing the Best Gifts for March 8 and Paying with the Idram&IDBank App
Ucom Spring Offer: HONOR X7d 5G Smartphone and Valuable Gifts
AraratBank: Update+ - New Loan Offer with 2% Cashback 
“My phone rang…”: IDBank warns about a rise in fraud using the “call from the bank” scheme.
Ucom Is Recognized as Armenia’s No. 1 Operator for the Fastest Mobile Internet and the Best Fixed Network
Unibank’s perpetual bonds have been listed on the Armenia Securities Exchange
Armenian Company E-auto to Officially Represent HONGQI Vehicles in Georgia
2% Cashback on Payments Made with AraratBank Arca Cards
Order an IDBank Arca Classic card and enjoy up to 2% cashback
IDBank has summed up the raffle held within the framework of IDsalary payroll package: 55 lucky winners have received their prizes
Ucom and Hero House Yerevan Continue Cooperation
KardaLove 5th Anniversary Festival Held under the Title Sponsorship of AraratBank
Ameriabank Opens a New Branch in Artashat: Special Offers for New Customers
Dangerous Generosity: IDBank Warns of a Rise in Fake Online Surveys
Justice Turned Into a Show: The Real Purpose Behind the Case Against Vahe Hakobya
Idram, Mediamax and Hayordi Foundation Launch Initiative Ahead of Book Giving Day
AraratBank Receives Mastercard “Excellence in Strategic Marketing” Award
IDBank has opened a representative office in Glendale, California 
