ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆՎԱՐԻ). Ազա­տագր­վել է Կրկժանը

ՏՈՆԵՐ

Իսլանդիա՝ Թորրաբլոութի օր, Լեհաստան՝ Պապիկների օր, Ուկրաինա՝ Միավորման օր, Ռուսաստան՝ Հակաօդային պաշտպանության ուժերի օր:

ՀԱՅ-ՀԱՅԱՍՏԱՆ

1876 – ծնվել է ամերիկահայ քանդակագործ Հայկ Բադիկյանը, որը մի շարք քանդակներ է ստեղծել Վաշինգտոնում և Սան Ֆրանցիսկոյում: 

1921 - ծնվել է մեծանուն կոմպոզիտոր Առնո Բաբաջանյանը: 

1922– ծնվել է գրականագետ, պրոֆեսոր Սուրեն Աղաբաբյանը: 

1936– վախճանվել է նշանավոր գեղանկարիչ Եղիշե Թադևոսյանը, որը ստեղծագործել է կերպարվեստի գրեթե բոլոր բնագավառներում: 1

974 - Վիկտոր Համբարձումյանն ընտրվել է Նյու Յորքի ակադեմիայի պատվավոր անդամ: 

1979– վախճանվել է նշանավոր նկարիչ, քանդակագործ Երվանդ Քոչարը: 

1992 –ղարաբաղյան պատերազմի ժամանակ հայկական զինված խմբավորումները ազատագրել են Կրկժանը: 

2001-վարձու մարդասպանները գնդակահարել են Ռուսաստանի պրոֆեսիոնալ բռնցքամարտի չեմպիոն Օնիկ Արշակյանին: 

2004-վերաքննիչ դատարանը առանց բավարարման է թողել «Հոկտեմբերի 27»-ի գործով երեք ամբաստանյալների բողոքն ընդդեմ առաջին ատյանի դատարանի կայացրած վճռի՝ անփոփոխ թողնելով դատավճիռը:

 2007-Ստամբուլի «Ակոս» թերթի հրատարակչական խորհուրդը թերթի գլխավոր խմբագիր Հրանտ Դինքի սպանությունից երեք օր անց վերսկսել է աշխատանքները, թերթի նոր գլխավոր խմբագիր է նշանակվել Էթիեն Մահչուբյանը:

- թուրք ազգայնական Յասին Հայալը խոստովանել է, որ ինքն է հրահրել Ստամբուլի «Ակոս» թերթի գլխավոր խմբագիր Հրանտ Դինքի սպանությունը: 

2014 -Կիևի Գրուշևյան փողոցում ընդհարման ժամանակ սպանվել է Եվրամայդանի ակտիվիստ, Ուկրաինայի հերոս Սերգեյ Նիգոյանը: 

2018-Ֆուտբոլի Հայաստանի ազգային հավաքականի ավագ Հենրիխ Մխիթարյանը երկարաժամկետ պայմանագիր է ստորագրել անգլիական «Արսենալ» ակումբի հետ: 

2019-Մանվել Գրիգորյանը կրկին կալանավորվել է և տեղափոխվել «Երևան-Կենտրոն» ՔԿՀ:

ԱՇԽԱՐՀՈՒՄ

1561 –ծնվել է անգլիացի փիլիսոփա, պատմաբան Ֆրենսիս Բեկոնը: 

1666 -վախճանվել է Բաբուրիդների կայսրության փադիշահ, Թաջ Մահալի ստեղծող Շահ-Ջահանը:

1573 -ծնվել է ֆլամանդացի բարոկկոյի դարաշրջանի գեղանկարիչ և գծանկարիչ Սեբաստիան Վրանսկը: 

1724 -Ռուսաստանում Պետրոս 1-ինը հրամանագիր է արձակել, որով պետական ծառայողները պարտավորվում են իմանալ օրենքները և կանոնները, բացառվում են վերջիններիս չիմանալու հետևանքով դրանք չկատարելը և արդարանալը: 

1788 - ծնվել է անգլիացի բանաստեղծ Ջորջ Բայրոնը; 

1796 -ծնվել է ռուս քիմիկոս, դեղագործ և ռուտենիում քիմիական էլեմենտի հայտնագործող Կարլ Կլաուսը:

 1798 -վախճանվել է Վրաստանի թագավոր Իրակլի 2-րդը: 

1879 -անգլո-զուլուսական պատերազմի ժամանակ տեղի է ունեցել ճակատամարտ Իզանդլվանիի մոտ: 

1898 - ծնվել է խորհրդային կինոռեժիսոր Սերգեյ Էյզենշտեյնը: 

1901– վախճանվել է Մեծ Բրիտանիայի թագուհի Վիկտորիան: 1904 -ծնվել է մանկական գրող Արկադի Գայդարը (իսկական ազգանունը՝ Գոլիկով): 

1905– Սանկտ Պետերբուրգում մեկնարկած գործադուլով սկսվել է ռուսական առաջին հեղափոխությունը. այդ օրը Ռուսաստանի պատմության մեջ մտել է «արյունոտ կիրակի» անունով: 

1906 -ծնվել է ամերիկացի ֆանտաստ գրող Ռոբերտ Իրվին Հովարդը: 

1908 - ծնվել է խորհրդային ֆիզիկոս Լև Լանդաուն: 

1944– Երկրորդ համաշխարհային պատերազմի ժամանակ ԱՄՆ-ը և Մեծ Բրիտանիան սկսել են «Շինգլ» գործողությունն ընդդեմ ֆաշիստական Գերմանիայի: 

1946– Իրանի տարածքում քրդերը հռչակել են իրենց Մեհաբադյան հանրապետությունը, որը կազմալուծվել է նույն թվականի դեկտեմբերին: 

1969– ԽՍՀՄ զինված ուժերի սպա Վիկտոր Իլ յինը Լեոնիդ Բրեժնևի վրա մահափորձ է իրականացրել Մոսկվայում: 

1973 -ԱՄՆ-ի Գերագույն դատարանը լեգալացրել է հղիության արհեստական ընդհատումը: 

1980 -այլախոհ ակադեմիկոս Անդրեյ Սախարովը աքսորվել է Գորկի քաղաք: 

1993-Մոսկվայում կայացել է ԱՊՀ անդամ երկրների ղեկավարների գագաթաժողով, որտեղ ստորագրվել է ԱՊՀ-ի կանոնադրությունը: 

1993 - վախճանվել է ճապոնացի արձակագիր և դրամատուրգ Կոբո Աբեն: 

2005 -Հյուսիսային Կորեայի արտգործնախարար Կիմ Կե Գվանը հայտարարել է, որ Հյուսիսային Կորեան դարձել է ատոմային տերություն: 

2006 - Էվո Մորալեսը դարձել է Բոլիվիայի՝ ծագումով առաջին բնիկ նախագահը։