Ինչ գրառում էր կատարել 16-ամյա աղջկան խեղդած Ռաֆայել Սուքիասյանը

SOCIETY 7 January, 2020 14:33

Հրապարակը գրում է․ 16- ամյա աղջկան խեղդելու մասին ինքնախոստովանական ցուցմունք տված Ռաֆայել Սուքիասյանի ֆեյսբուքյան էջում եմ։ Ինչ գրառում էր կատարել 16-ամյա աղջկան խեղդած Ռաֆայել Սուքիասյանը։ Մոտ երկու ժամ է՝ ուսումնասիրում եմ։ Լավ, ինչպիսի՞ մարդ է նա, որ դիմել է այդ քայլին։

Երիտասարդի շփման լծակները բավականին լայն են։ Գրում է, որ աշխատում է ՀՀ պաշտպանության նախարարությունում որպես տեղեկատվության անվտանգության փորձագետ, բայց ամեն ասպարեզում կա։

Մեկ ակումբներում պարուհի է պահանջում, մեկ ազատ աշխատատեղերի համար աշխատողներ է հրավիրում, առք ու վաճառքի գործերով է զբաղվում, մեկ Երևանում վարձով տրվող բնակարան է փնտրում, մեկ խմբեր է վաճառում, մեկ համակարգչային ծառայություններ է մատուցում․․․

Մի տեղ էլ հանդիպում եմ իր հրապարակած փաստաթուղթը, որ 2018 թ․ դեկտեմբերի 9-ին ազգային ժողովի արտահերթ ընտրություններում տեղական դիտորդ է՝ «Հայաստանի Հելսինկյան կոմիտե» կազմակերպության կողմից։ Տեղադրել եմ սլայդում։ Մի խոսքով ակտիվ կյանքով է զբաղվում։ Հենց էջում էլ հայտնում է, որ զբաղվում է PR-ով, «TIRA PR» գործակալության գլխավոր տնօրենն է, Apricot Production-ի ու Apricot․news –ի տնօրենն է։

Ինչևէ, էջում մի մի հետաքրքիր գրառման հանդիպեցի․

Ռաֆայել Սուքիասյան-with Մարիամ Եգանյան.

Ո՞վ է Մարիամ Եգանյանը, հենց Ռաֆայելն իր գրառմամբ պատասխանում է․

«Մարիամ Եգանյան սիրում եմ քեզ շատ։ Այնքան, որ անգամ ծաղիկը այդքան չի սիրում արևը, սիրում եմ քեզ խենթի պես, սիրում եմ քեզ հետ ժպտալ, շնչել, ապրել։ Դու ես իմ օդն ու ջուրը։ Դու ես իմ ոգեշնչողը, իմ հրեշտակը։ Դու իմ ԿՅԱՆՔՆ ես։ Այն էակն ես, ում ամեն անգամ տեսնելիս նորից ու նորից եմ սիրահարվում։ Սիրում եմ քեզ իմ ՀՐԵՇՏԱԿ…»։

«Չգիտեմ ով ոնց, բայց երբ ժամանակը գա, ամուսնանամ, իմ առաջնեկն հաստատ աղջիկ է լինելու»։ Սա տեղադրել էր օգտատերերից մեկի գրառմանն ի պատասխան, ով գրել էր․ «Սա տեղադրում եմ այն ամուսինների ու ընտանիքի անդամների համար, որոնք երբևէ ստիպել/ստիպում են կնոջը/քրոջը/աղջկան, որ հղիության արհեստական ընդհատում անի, առանց վերջինիս ցանկությունը հաշվի առնելու»։

Ինչի՞ համար էիր ուզում աղջիկ ծնվի՝ երիտասարդ։

Հիշեցնենք, որ հունվարի 5-ին ՝ ժամը 23։00-ի սահմաններում, Երևանի 1-03 շտապօգնության բժիշկների հերթապահ խումբն ահազանգել է ոստիկանության Երևան քաղաքի վարչության օպերատիվ կառավարման կենտրոն և հայտնել, որ կանչով մեկնել են Սայաթ-Նովա պողոտայի 15 շենքի բնակարաններից մեկը, որտեղ ննջասենյակում հայտնաբերել են երեխայի դի։

Ոստիկաններն ու քննիչները նշված շենքի 3-րդ հարկի բնակարաններից մեկի ննջասենյակում՝ անկողնում, հայտնաբերել էին 16-ամյա Ս. Կ-ի դին։
Դատաբժշկի նախնական եզրակացության համաձայն՝ երեխան մահացել է խեղդամահ արվելու հետևանքով։ Ձերբակալվել է 1993 թվականին ծնված երիտասարդ: Վերջինս տվել է ինքնախոստովանական ցուցմունք:

Աղբյուր՝ hraparak.am