ՊԱՏՄՈՒԹՅԱՆ ԱՅՍ ՕՐԸ (7 ԴԵԿՏԵՄԲԵՐԻ). Ավերիչ երկրաշարժ՝ 31 տարվա ցավ

SOCIETY 7 December, 2019 13:06

ՏՈՆԵՐ ԵՎ ՀԻՇԱՏԱԿԻ ՕՐԵՐ

Քաղաքացիական ավիացիայի միջազգային օր, ԱՄՆ՝ Պյորլ-Հարբորի հարձակման հիշատակի օր, Ուկրաինա՝ Տեղական ինքնակառավարման օր, Հայաստան՝ Երկրաշարժի զոհերի հիշատակի և աղետներին դիմակայունության օր:

ՀԱՅ-ՀԱՅԱՍՏԱՆ

1845– վախճանվել է Ֆրանսիայի կայսր Նապոլեոն Բոնապարտի՝ ազգությամբ հայ թիկնապահ Ռուստամ Ռազան։

1925 - ծնվել է թարգմանիչ Ռաֆայել Ավագյանը:

1971– ծնվել է ճանաչված շախմատիստ, գրոսմայստեր Վլադիմիր Հակոբյանը։

1988– Հայաստանի տարածքում տեղի է ունեցել Սպիտակի ավերիչ երկրաշարժը, զոհվել է ավելի քան 25 000 մարդ, մոտ 31 000-ը վիրավորվել է, անօթևան է մնացել ավելի քան կես միլիոն մարդ։

1992-Արցախյան պատերազմի ժամանակ Մարտունու ուղղությամբ ընթացող մարտերում խփվել են ադրբեջանական Ми-24 մարտական ուղղաթիռ և Су-25 կործանիչ ինքնաթիռ:

2012- կառավարության որոշմամբ Լոռու մարզում 1988 թվականի երկրաշարժից տուժած 311 ընտանիքի մեկ սենյականոց բնակարան գնելու համար տրամադրվել է 3-ական միլիոն դրամ:

2018-Վերաքննիչ դատարանը հրապարակել է որոշում, համաձայն որի, սահմանադրական կարգի տապալման մեջ մեղադրվող երկրորդ նախագահ Ռոբերտ Քոչարյանը պետք է կրկին կալանավորվի:

ԱՇԽԱՐՀ

մ.թ.ա.43- վախճանվել է հին հռոմեացի քաղաքական գործիչ և փիլիսոփա Մարկոս Տուլլի Ցիցերոնը:

903 -ծնվել է պարսիկ աստղագետ և մաթեմատիկոս Աբդուռահման աս-Սուֆին:

1598– ծնվել է իտալացի նշանավոր քանդակագործ և ճարտարապետ Լորենցո Բերնինին:

1678 -Լուի Էնպենը դարձել է Նիագարա ջրվեժը հայտնագործած առաջին եվրոպացին:

1732 -Լոնդոնում բացվել է Թագավորական Կովենտ-Գարդեն թատրոնը:

1787– Դելավերը դարձել է ԱՄՆ-ի առաջին նահանգը։ 1805 - ծնվել է շվեյցարացի իլ յուզիոնիստ Ժան Էժեն Ռոբեր-Ուդենը , որը համարվում է «ժամանակակից կախարդության հայրը»: 1810 -ծնվել է գերմանացի հիստոլոգ և ֆիզիոլոգ, կենդանի օրգանիզմների կառուցվածքի բջջային տեսության հիմնադիր Թեոդոր Շվանին:

1878-ծնվել է ճապոնացի գրող, բանաստեղծուհի, ֆեմինիստուհի և պացիֆիստուհի Ակիկո Յոսանոն:

1890 -ծնվել է ռուս վիրաբույժ- գիտնական Ալեքսանդր Բակուլևը, որը հանդիսանում է խորհրդային սիրտ-անոթային վիրաբուժության հիմնադիրներից մեկը:

1894 -վախճանվել է ֆրանսիացի դիվանագետ և ինժեներ, Սուեզյան ջրանցքի նախագծող և կառուցման ղեկավար Ֆերդինանդ դե Լեսսեպսը:

1928– ծնվել է ամերիկացի լեզվաբան, փիլիսոփա, քաղաքական ակտիվիստ Նոամ Չոմսկին:

1941– Երկրորդ համաշխարհային պատերազմի ժամանակ Ճապոնիան անսպասելի հարձակվել է Օահու կղզու վրա գտնվող Պյորլ-Հարբոր ամերիկյան ռազմաբազայի վրա. այս դեպքերի հիման վրա նկարահանվել է ֆիլմ։

1943– ընդունվել է Լիբանանի դրոշը։

1944– Չիկագոյում ստորագրվել է միջազգային քաղաքացիական ավիացիայի մասին պայմանագիր։

1972- իրականացվել է «Ապոլլոն-17» տիեզերանավի թռիչքը, դա «Ապոլլոն» ծրագրի շրջանակներում իրականացված վերջին վայրէջքն է եղել Լուսնի վրա:

1975 -Ինդոնեզիան ներխուժել է Արևել յան Թիմոր:

1982 -Տեխասում (ԱՄՆ) առաջին անգամ իրականացվել է մահապատիժ ներարկման միջոցով:

1991 - Սանկտ Պետերբուրգում ստեղծվել է Պետրովյան գիտությունների և արվեստների ակադեմիան:

Կամո Խաչիկյան