Ինչnւ Սյnւզանի և Հրաչի փnխшրեն Վարդուհի Վարդшնյանի nրդու քավորը դարձшն Սիրուշnն և Լևոնը․ չhրապшրակված լուuանկшրներ և մանրամшuներ

LIFE 3 July, 2019 16:25

Օրերս կայացել է երգչուհի Վարդուհի Վարդանյանի որդու՝ Ռուբենի նշանադրությունը: Ռուբենն ու սիրելին՝ Մերին կնքահայր ու կնքամայր են ընտրել Լևոն Քոչարյանին ու Սիրուշոյին, թեև ի սկզբանե այդ դերում պետք է լինեին Սիրուշոյի ծնողները՝ Հրաչյա Հարությունյանն ու Սյուզան Մարգարյանը:

Ռուբենը Tert.am Life-ին է տրամադրել նշանդրեքի լուսանակարներն ու պատմել օրվա մասին:

Նա նշանվեց վաղամեռիկ մայրիկի ծննդյան հաջորդ օրը՝ հունիսի 28-ին: Օրվա ընտրությունը, ըստ Ռուբենի, պատահական էր ստացվել․ ի սկզբանե ընտրել էին հունիսի 22-ը, սակայն ինչ-ինչ պատճառներով այն հետաձգվել էր:

Ռուբենն ու Մերին համակուրսեցիներ են: 21-ամյա Ռուբենը շտապում էր նշանվել, քանի որ այս տարի ավարտել է Ճարտարապետության և շինարարության Հայաստանի ազգային համալսարանի Դիզայնի բաժինը և շուտով զորակոչվելու է բանակ: Նա նշեց, որ Սիրուշոյի համար էլ էր անակնկալ, որ այսքան շուտ է նշանվելու:

Ռուբենը պատմեց, որ ի սկզբանե իրենց քավորը պետք է դառնային Սիրուշոյի ծնողները, սակայն որոշել են փոխել ծրագրերը:

«Իմ կնունքի կնքահայրն ու կնքամայրը Սյուզին ու Հրաչն են (երգչուհի Սյուզան Մարգարյանն ու դերասան Հրաչյա Հարությունյանը, հեղ․): Որոշել էինք, որ հարսանիքի քավորն էլ իրենք պետք է լինեն, սակայն Սյուզին ասաց, որ Սիրուշոն էլ է շատ ուզում լինել մեր կնքամայրը և առաջարկեց, որ Սիրուշոն և Լևոնը դառնան մեր քավորը: Այդպես էլ արեցինք»,- ասաց նա ու հավելեց, որ Սիրուշոյի հետ փոքր տարիքից մտերիմ են եղել, այս տարիների ընթացքում միշտ շատ ջերմ հարաբերություններ են պահպանել: Չնայած երգչուհին հաճախ է շրջագայում և հաճախ չեն տեսնվում, ըստ Ռուբենի, հարաբերությունների ջերմությունը դրանից չի պակասում:

Սիրուշոն, երեկոյի ընթացքում չի երգել: Մյուս հայտնիները՝ Արսեն Գրիգորյանը, Էրիկը, Սոնա Ռուբենյանը, Գարիկը, Արամ MP3-ն, Քրիստինե Պեպելյանն ու այլք, զույգին շնորհավորել են նաև երգով: Ռուբենն ասաց, որ ամեն ինչ շատ լավ է անցել, անմոռանալի օր են ունեցել: Սիրելիի համար անակնկալ է եղել, որ երգիչ հյուրերն իրենց շնորհավորելու են նաև կատարումներով, և նա շատ է ուրախացել:

Չնայած Վարդուհին կյանքից հեռացել է 13 տարի առաջ, նրա ընկերները միշտ փորձում են վառ պահել նրա հիշատակն ու կապ պահել իր ընտանիքի հետ: «Մամայի բոլոր ընկերների հետ էլ կապը պահպանում ենք, միշտ ներկա են լինում մեր առիթներին»,- ասաց նա:

Ժամանակին Ռուբենը ևս երգում էր: Վարդուհի Վարդանյանի հիշատակին նվիրված համերգներից մեկին նա ելույթ է ունեցել, սակայն հիմա որոշել է չզբաղվել երգեվ․ «Այն ժամանակ դեռ փոքր էի, լիարժեք չէի գիտակցում՝ որ ուղղությամբ եմ գնալու: Ես երաժշտական կրթություն ունեմ, սիրում եմ երաժշտություն, նվագում եմ, սակայն մասնագիտական առումով այլ ծրագրեր ունեմ, այդ ասպարեզում չկամ»:

Առջևում ոչ թե հարսանիքն է, այլ բանակային կյանքը: Բանակ զորակոչվելու և քաղաքային առօրյայից կտրվելու մտքից Ռուբենը չի սրտնեղում, թեև հասկանում է, որ շատ է կարոտելու հարազատներին:

Շարունակությունն՝ այստեղ