Աչքերը չեն դադարում մեզ զարմացնել. 20 ապշեցուցիչ փաստ աչքի մասին

Որպես ամենաբարդ կառուցվածք ունեցող մարմնի մասերից մեկը՝ աչքը չի դադարում զարմացնել իր յուրօրինակ հատկանիշներով: Past.am-ը Ձեզ է ներկայացնում 20 ապշեցուցիչ փաստ այս աներևակայելի երևույթի մասին.

1. Թեև նորածին երեխաները բավականին շատ աղմուկ են բարձրացնում, նրանց աչքերը իրականում չեն կարող արցունքներ արտադրել, երբ նրանք լացում են: Նորածինների արցունքների փոսիկները սկսում են աշխատել միայն այն ժամանակ, երբ նրանք 4-13 շաբաթական են դառնում:

2. Երկու աչքերն էլ ցանցաթաղանթի հետևի կողմում ունեն կույր մաս, որին կապվում է տեսողական նյարդը: Այնուամենայնիվ մենք չենք նկատում ՝ ինչպես են միասին աշխատում մեր աչքերը:

3. Եթե ունեք կապույտ աչքեր, ուրեմն դրա համար պարտական եք Ձեր նախնիներից մեկին: Կապույտ աչքերով առաջին մարդը ապրել է մոտավորապես 6000-10.000 տարի առաջ, իսկ մինչ այդ բոլորը ունեցել են շագանակագույն աչքեր:

4. Եթե կրում եք ակնոց, որը գլխիվայր շրջում է պատկերները, Ձեր ուղեղը կճշտի Ձեր տեսողությունը, և Դուք կտեսնեք առարկաները իրենց ճիշտ տեսքով:

5. Աչքի որոշ վիրաբուժարաններ օգտագործում են շնաձկան եղջերաթաղանթը, որովհետև դա ամենամոտն է մարդկային աչքի եղջերաթաղանթին:

6. Երբ լացում ենք, քթից ջուր է գնում: Դա լինում է աչքերից եկած արցունքների պատճառով, որոնք քթի մեջ են լցվում:

7. Կոսմետիկայի միջոցներից աչքին ամենաշատը վնաս է պատճառում տուշը:

8. Աչքերը շարժող մկանները ամենաբարդն ու ամենահզորն են մարմնի մյուս մկանների համեմատ: Դրանք 100 անգամ ավելի հզոր են, քան անհրաժեշտ է:

9. Խոսելիս ավելի շատ ենք թարթում աչքերը, քան այն ժամանակ, երբ կարդում ենք էկրանից կամ թղթից: Ահա թե ինչու են վերջին դեպքում ավելի շատ հոգնում մեր աչքերը:

10. Ընդհանուր առմամբ էկրանից կարդում ենք 25 անգամ ավելի դանդաղ, քան թղթից:

11. Մարդու աչքը կարող է տեսնել մոխրագույն գույնի 500 երանգ:

12. Նորածին երեխաները ընդհանրապես չեն ընկալում գույները, իսկ տղամարդկանց մոտ հակումը դեպի դալտոնիզմ ավելի շատ է, քան կանաց:

13. Մատնահետքը ունի 40 յուրօրինակ հատկանիշ, մինչդեռ աչքի ծիածանաթաղանթը ՝ 256:

14. Ուժեղ էմոցիաների՝ հրապուրանք, զզվանք, հետաքրքրություն և այլն ազդեցության տակ մարդկանց մոտ ավելանում է տեսողության ծավալը:

15. Աչքը ունի զարմանալի բուժիչ ուժ. այն կարող է 48 ժամվա ընթացքում հեռացնել փոշին ու աղբը:

16. Աչքը մարդու մարմնի մասերից երկրորդ ամենաբարդ կառուցվածքն ունեցող օրգանն է ուղեղից հետո:

17. Արցունքների ֆունկցիան աչքը մաքուր պահելն է, սակայն գիտնականները դեռևս չեն կարողացել պարզել, թե ինչու ենք մենք լացում, երբ հուզված ենք:

18. Աչքի մի թարթոցը տևում է մոտ 100-150 միլիվայրկյան: Տարվա մեջ միջին հաշվով մենք թարթում ենք մեր աչքերը 5,2 մլն անգամ:

19. Մոտ 10 մլն գունային երանգներ կարող են տարբերակվել աչքի կողմից, բայց այն չի կարողանում ընկալել ուլտրամանուշակագույն կամ ինֆրակարմիր լույսերը:

20. Ուղեղի մոտ կեսը օգտագործվում է տեսողության ֆունկցիայի համար: