Այս Այո-ի ու Ոչ-ի պայքարում որոշ մարդկանց մոտ իրոք շեղումներ են սկսվել

Ռոբերտ Մելքոնյանը Ֆեյսբուքյան իր էջում գրում է.

Ուրբաթ օրվանից` նոյեմբերի 13-ից, Սահմանադրական փոփոխությունների քարոզարշավի շրջանականերում մեկնարկել է թեմային նվիրված Այո-ի և Ոչ-ի ռեալիթի շոուն:
Հետաքրքիր է, որ ընդդիմադիր քաղաքական գործիչները, ընդդիմադիր լրատվամիջոցները փչացած, հնացած պատեֆոնի նման անընդհատ կրկնում են, որ ռեալիթի շոուն, այս ընթացող հանդիպումներն ավելացնելու են <<Ոչ>>-ի ձայները: Լա′վ, եթե նման բան կա ապա ինչու՞ եք ցնցումների մեջ ընկնում, վատ զգում, տառապում…Ուրախացեք, հանգիստ տարեք և թուլացեք ուհաճույք ստացեք…
Եթե այս գործիչներին , իրենց լրագրողներին պատահաբար կանգնեցնես, բարևես ու հարցնես ինչպես ես` միանգամից կգոռան <<Ոչ>>…Արդեն այս Այո-ի ու Ոչ-ի պայքարում որոշ մարդկանց մոտ իրոք շեղումներ են սկսվել…
Նաև ասեմ, որ այդ հանդիպումներին այցելած բնակավայրերի շատ քիչ քաղաքացիներ են մասնակցում, ու հիմնականում հենց այդ <<ոչ>>-ականների պարապ-սարապ, սակավաթիվ հանրահավաքների մասնակիցներն ու համակիրներն են մեծ մասամբ: Իսկ <<Այո>>-ի կողմնակիցների մեծ, գերակշիռ հատվածը տանն է, այգում, գոմերում, ֆերմաներում, աշխատավայրերում: Եվ բարևին ի պատասխան <<Ոչ>> գոռալու փոխարեն` <<Այո>> աշխատում են, <<Այո>> արարում են` հաց են թխում, արտադրանք թողարկում, բարիքներ ստեղծում, սովորում, մարդկանց կյանքեր փրկում, սերունդներ կրթում, դաստիարակում…
Այո′ կան թերություններ, բացթողումներ, անարդարություններ, այո′ քիչ են աշխատատեղերը, այո′ պրոբլեմներ, լուրջ խնդիրներ կան դեռևս: Սակայն, նաև փոփոխված սահմանադրությունը նոր հնարավորություններ, նոր ժողովրդավարական մեխանիզմներ կտա ավելի լավ կարգավորել մեր կյանքը…
<<Այո>>-ի մեր որոշմանը, թող հետևի ԱԺ պատգամավորների մեր ընտրությունը` արժանավոր, ժողովրդի մասին մտածող մարդկանց ընտրությունը….
Եվ այո′ մենք էլ փոխվենք` բոլորս…Յուրաքանչյուրս մեր բաժինն ունենք ստեղծված լավի, վատի և չարվածի համար…
Իսկ բարևին անմիջապես ոչ պատասխանող քաղաքական գործիչները նույնիսկ հարկ չհամարեցին մասնակցել այդ հանդիպումներին, մասնակցել ու այդ բանավեճերում <<ջախջախել>>, <<խուճապի մատնել>> իշխանության ներկայացուցիչներին, ապացուցել որ իրենց <<Ոչ>>-ը իրական է և ոչ թե ուղղակի <<իդեա ֆիքս>>, ինքնանպատակ հակադրություն ամեն իշխանականին, նույնիսկ եթե այն դրական է, առջընթաց ապահովող…