ՊԱՏՄՈՒԹՅԱՆ ԱՅՍ ՕՐԸ (12 ԱՊՐԻԼԻ). Հան­գույ­ցի բա­ցու­մը, քա­ղա­քա­կան ան­ցու­դար­ձե­րը և Յու­րի Գա­գա­րի­նը

ՏՈՆԵՐ

Տիեզերագնացության և տիեզերք մարդու առաջին թռիչքի օր, Լիբերիայում՝  Ազատագրության ազգային օր:

ՀԱՅԱՍՏԱՆ

1866-ծնվել է հայ գրող և հրապարակախոս Վրթանես Փափազյանը:

1913-ծնվել է հայ երգիչ Նար Հովհաննիսյանը:

1984-ծնվել է հայ փոփ երգչուհի Էմմա Բեջանյանը:

2002- «Զվարթնոց» օդանավակայանից դեպի Երևան տանող ճանապարհին հանդիսավորությամբ բացվել է Արգավանդի տրանսպորտային հանգույցը:

- «Ա1+» անկախ հեռուստաընկերության աջակիցների և ընդդիմության ներկայացուցիչների բազմահազարանոց հանրահավաքի մասնակիցները, կարմիր քարտեր թափահարելով ու հակաիշխանական կարգախոսներ վանկարկելով, երթ են կազմակերպել դեպի նախագահական նստավայր:

2004- Ընդդիմադիրների հանրահավաքների ակտիվ մասնակիցներին շարունակել են բերման ենթարկել ոստիկանություն՝ վարչական տույժերի ենթարկելու և «պրոֆիլակտիկ զրույցներ» անցկացնելու համար: Ապրիլի 9-ից ի վեր ոստիկանության բաժիններ բերման է ենթարկվել 61 քաղաքացի, որոնցից 31-ը 2-6 օրով վարչական կալանքի է ենթարկվել դատարանի որոշմամբ:

2007 -Ստամբուլի դատարանը մեղադրանք է առաջադրել «Ակոս» թերթի խմբագրապետ Հրանտ Դինքի սպանության գործով 11-րդ կասկածյալին:

2008- Կալանավորված պատգամավոր Սասուն Միքայելյանին ազատ արձակելու պահանջով Հրազդանի Վանատուր թաղամասում 19 օր հացադուլի մեջ գտնվող նախկին ազատամարտիկ Արշավիր Բոզինյանը որոշել է դադարեցնել հացադուլը:

2010- մեկնարկել է Ազգային գրադարանային շաբաթը, որը այդ տարի անցկացվում էր «Հայացք գյուղի գրադարանին» կարգախոսի ներքո:

-Վաշինգտոնում կայացել է Հայաստանի նախագահ Սերժ Սարգսյանի հանդիպումը Թուրքիայի վարչպետ Ռեջեփ Էրդողանի հետ։ Երկու երկրների ղեկավարները Վաշինգտոն էին մեկնել՝ մասնակցելու այնտեղ անցկացվող Գլոբալ միջուկային անվտանգությանը նվիրված գագաթաժողովին։

2011-«Հայաստանի տարածքում ռուսաստանյան ռազմակայանի մասին Հայաստանի և Ռուսաստանի միջև 1995 թվականին ստորագրված պայմանագրում փոփոխություններ կատարելու մասին» արձանագրությունը Հայաստանի Ազգային ժողովը վավերացրել է 80 կողմ, 1 դեմ եւ 1 ձեռնպահ քվեներով:

2016- առաջին անգամ Հայաստան է ժամանել միանգամից 5 նոբելյան մրցանակակիր. երեք օրվա ընթացքում նախատեսվում էին նրանց բաց դասախոսությունները կենսաքիմիայի, ֆիզիկայի և բժշկագիտության թեմաներով:

2017- Սերժ Թանկյանը աջակցություն է հայտնել Դանիել Իոաննիսյանին և հայտարարել, որ կոռուպցիայի և անարդարության վրա ուշադրություն հրավիրած անձը պետք է գնահատվի և ոչ թե հետապնդվի, մի խոսքով՝ դատապարտել է 30 դպրոցների և մանկապարտեզների տնօրենների դատական հայցը Դանիել Իոաննիսյանի դեմ: - ՀՀԿ-ն ՀՅԴ-ի հետ քննարկել է ապագա կառավարությունում համագործակցության ձևաչափը:

2018- «Մերժի՛ր Սերժին» նախաձեռնության ակտիվիստները մոտ 40 րոպե փակ են պահել Մաշտոցի պողոտայի մի հատվածը:

ԱՇԽԱՐՀ

240-պարսիկ շահնշահ Արդաշիր Պապականը իր որդի Շապուհին նշանակել է երկիրը համակառավարող: 

1684-մահացել է լարային գործիքներ պատրաստող իտալացի հանրահռչակ վարպետ Նիկոլո Ամատին:

1774-Սակմարս քաղաքի մոտ տեղի ունեցած ճակատամարտում գեներալ Գոլիցինի զորքերը ջախջախել են Պուգաչովի զորքին:

1815-Մալայան կղզիներում գտնվող Տամբորա հրաբխի ժայթքումից մահացել է մոտավորապես 10 000 մարդ, հետագայում ևս 80 000-ը մահացել է ժայթքմանը հետևած ցունամիի և սովի պատճառով

1839-ծնվել է Միջին Ասիայի հետազոտող, ռուս աշխարհագրագետ Նիկոլայ Պրժևալսկին:

1938- մահացել է ռուս օպերային երգիչ Ֆյոդր Շալյապինը:

1861- Սամտերի նավահանգստի ռմբակոծությամբ սկսվել է քաղաքացիական պատերազմը ԱՄՆ-ում:

1919-կայացել է առաջին շաբաթօրյակը Խորհրդային Ռուսաստանում:

1933-ծնվել է իսպանական, կատալոնական օպերային երգչուհի Մոնսերրատ Կաբալյեն:

1943- հիմնադրվել է ֆրանսիական «Նանտ» ֆուտբոլային ակումբը:

1945-մահացել է ԱՄՆ-ի 32-րդ նախագահ Ֆրանկլին Դելանո Ռուզվելտը:

1951-ԱՄՆ-ի ռազմաօդային ուժերի 10 Բ-29 ռմբակոծիչներ խփվել են Կորեայում խորհրդային ՄԻԳ-15-երի կողմից: Այդ օրը ամերիկացիների համար «սև չորեքշաբթի» էր:

1961-խորհրդային «Վոստոկ» տիեզերանավով Յուրի Գագարինը թռավ տիեզերք: Սա աշխարհում մարդու առաջին թռիչքն էր տիեզերք:

2014-սկսվեց հակամարտություն Սլավյանսկում, որը Դոնբասյան պատերազմի առաջին ճակատամարտն էր:

 

Կամո Խաչիկյան