Պաշտոնանկ արված նախարարների թափուր պաշտոնների համար արդեն իսկ թեկնածուների շրջանակ կա. Ա. Հարությունյան (տեսանյութ)

Պաշտոնանկ արված նախարարների թափուր պաշտոնների համար արդեն իսկ թեկնածուների շրջանակ կա։ Այս մասին խորհրդարանում լրագրողների հետ ճեպազրույցում հայտարարեց ՀՀ կրթության և գիտության նախարար, «Քաղաքացիական պայմանագրի» անդամ Արայիկ Հարությունյանը։ 

«Երեկվա իրադարձություններից հետո թեթև քննարկում եղել է, երբ վերջնական որոշումներ կայացնենք, տեղյակ կպահենք»,–շեշտեց նա։ 

Հարցին, թե ինչու են շեղվում նախապես հայտարարված ծրագրից, թե ընտրությունները պիտի լինեն մայիս-հունիս ամսին, Արայիկ Հարությունյանն արձագանքեց. «Մենք այն ժամանակ ասում էինք՝ հիմա ընտրությունները ձեռնտու են քաղաքացիական պայմանագրին և, ըստ էության, հեղափոխական ուժերը կստանային բացարձակ մեծամասնություն, և որպեսզի հավասար պայմաններ ստեղծեինք քաղաքական ուժերի  համար, ասացինք՝ ժամանակ տանք նրանց հավասար պայմաններում պատրաստվել այդ ընտրություններին, սակայն հիմնական քաղաքական ուժերը դրա փոխարեն «սատանի մայլում քյանդրբազություն են անում»,-շեշտեց նա:

Արայիկ Հարությունյանն ասաց, որ քաղաքական ճգնաժամը կարող է մեղմվել, եթե քաղաքական ուժերը վարչապետի հրաժարականից հետո այլ թեկնածու չառաջադրելու մասին հուշագիր ստորագրեն