Նույնականացման քարտ (ID) ստանալու համար հերթեր են գոյանում. հավելյալ սարքեր չկան
SOCIETY
ՀՀ ոստիկանության անձնագրային եւ վիզաների վարչության տարածքային կենտրոններում այս օրերին հսկայական հերթեր են գոյանում: Բանն այն է, որ կառավարության N 915-Ն որոշման համաձայն՝ սոցիալական փաթեթի շահառուները, արդեն 2018 թվականից սկսած, պարտադիր պետք է ունենան նույնականացման քարտ, որպեսզի կարողանան օգտվել սոցփաթեթի ծառայություններից:
Այդ շահառուների թիվը, որոնք ի դեպ, պետական ծառայողներ են, մոտավորապես 100 հազարի սահմանում է: Ու փաստորեն նրանք բոլորը շտապում են անձնագրային բաժիններ՝ նույնականացման քարտ ստանալու: Իսկ հերթերը տեւում են երեք-չորս ժամ՝ խլելով նյարդեր ու աշխատաժամանակ:
Անձնագրային եւ վիզաների վարչության պետ Մնացական Բիչախչյանից փորձեցինք պարզել, թե արդյոք հնարավոր չէ՞ր հավելյալ աշխատակիցներ ներգրավել՝ խուսափելու համար կառավարության որոշման հետեւանքով առաջացած հսկայական հերթերից:
Նա պարզաբանեց, որ խնդիրը ոչ թե աշխատակիցների, այլ համապատասխան սարքավորումների հետ է կապված:
«Մեզ համար էլ է դժվար, մեր աշխատանքն էլ է գերծանրաբեռնված: Իհարկե, մենք էլ ենք ուզում, որակյալ ծառայություն մատուցել, բայց քանի որ դիմող քաղաքացիների քանակը մեծ է, ստիպված հերթեր են գոյանում: Սարքավորումը նախատեսված է մեկ պատուհանի համար: Նույնականացման քարտի համար լուսանկարումն իրականցվում է այդ պատուհանից: Այլ սարքավորումներ գոյություն չունեն, որպեսզի մի քանի պատուհանում տեղադրվեն: Առկա սարքավորումների գնումը կատարվել է 2011 թվականին, 2012 թվականին ներկրվել է համապատասխան մրցույթը շահող կազմակերպության կողմից»,- ասաց Մնացական Բիչախչյանը:
Հավելեց, որ առաջիկայում նախատեսվում է ավելացնել այդ սարքերի քանակը:
«Երբ որ արդեն նոր մրցույթ հայտարարվի (2017 թվականին ավարտվում է լեհական կողմի հետ պայմանագրի ժամկետը), եւ երբ որ նոր շահառուն հաղթի, ես նախատեսել եմ, որ բոլոր աշխատակիցների մոտ լինեն շարժական սարքավորումներ՝ հաշվի առնելով տարիների ընթացքում կուտակված փորձը. երբ մի քիչ ավելանում է դիմող քաղաքացիների քանակը, սկսում է հերթեր գոյանալ»:
Պաշտոնական տվյալների համաձայն, օրինակ 2016 թվականի ընթացքում թողարկվել է 141 հազար 829 հատ նույնականացման քարտ: Ընթացիկ տարվա առաջին 9 ամսիների ընթացքում՝ ընդամենը շուրջ 47 հազար 800: Այսինքն՝ չափազանց փոքր է հավանականությունը, որ մնացած երեք ամիսների ընթացքում ընդհանուր ցուցանիշը կարող է մոտենալ նախորդ տարվա ցուցանիշին:
Նշենք որ նույնականացման քարտի դեպքում պետական տուրքի չափը երեք հազար դրամ է: Այսինքն՝ քաղացին այդքան գումար է վճարում՝ նշված փասաթուղթը ձեռք բերելու համար: Մնացական Բիչախչյանը վստահեցրեց, որ նույնականացման քարտի նկատամամբ հետաքրքրվածության նվազումը չէ պատճառը, որ կառավարությունը որոշել է սոցփաթեթի շահառուների համար այն դարձնել պարտադիր.
«Իրավասու մարմինները, որոնք նախաձեռնել են այդ փոփոխությունները, դիմեք իրենց, թե ինչով է պայմանավորված նույնականացման քարտ ունենալու անհրաժեշտությունը, բայց որ նվազման միտում լինելու պատճառով է, նման բան չկա: Միանշանակ այդպիսի խնդիր չի լուծվում»:
Իսկ պետական բյուջեն բազմաթիվ այդ երեք հազար դրամներից չի «հարստանում»: «Նույնականացման քարտի դիմաց պետական վճարը մուտքագրվում է բյուջե եւ այդ գոյացած գումարից վճարում է կատարվում նույնականացման քարտ տրամադրող ընկերությանը՝ կապալառու կազմակերպությանը»,- ասաց անձնագրային եւ վիզաների վարչության պետը:
Նաեւ նշեց, որ մեծ քանակությամբ անձանց էլ նույնականացման քարտը տրամադրվում է անվճար. «Բացեք «Պետական տուրքի մասին» օրենքը, այնտեղ սահմանված է, որ 16 տարին լրացած այն անձը, ով չի ստացել հին նմուշի անձնագիր, առաջին անգամ նույնականացման քարտ նրան տրամադրվում է անվճար, աղքատության ընտանեկան նպաստ ստացողը նույնականացման քարտ ստանում է անվճար»:
Ի դեպ, մեր ունեցած տեղեկությունների համաձայն, նաեւ ընտանեկան նպաստ ստացողներից է պահանջվում պարտադիր գնալ եւ նույնականացման քարտ ստանալ մինչեւ հաջորդ տարվա հունվար, որպեսզի դրանից հետո էլ շարունակեն նպաստ ստանալ: Մնացական Բիչախչյանը նույնպես ասում էր, որ նույնականացման քարտ ստանալու համար նաեւ այդ սոցիալական խումբն է դիմում:
«Այս պահին մեզ դիմում են աղքատության ընտանեկան նպաստ ստացող քաղաքացիները: Համապատասխան սոցիալական ծառայությունից ներկայացնում են տեղեկանք, որ աղքատության ընտանեկան նպաստ ստացող անձ են կամ ընտանիքի անդամ, եւ նույնականացման քարտը նրանց տրամադրվում է անվճար: Այսինքն՝ դրանով էլ է փաստվում, որ եկամուտ ապահովելու գերխնդիր չկա»:
ՀՀ աշխատանքի եւ սոցիալական հարցերի նախարարությունից, սակայն, վստահեցնում են, որ նպաստառուների համար նույնականացման քարտը պարտադիր լինելու մասին որեւէ որոշում չկա:
The Power of One Dram Joins the Final Phase of the Symphonic Forest Project
Idram&IDBank’s Special Offer at Dalma Garden Mall
Ucom’s Management Team Marks International Client’s Day with Subscribers
IDBank and Idram Continue Cooperation with the “ZARK” Educational Foundation
IDBank issued the 2nd and 3rd tranches of bonds of 2026
Ucom Issues Warning on New Wave of Phone Scams
IDBank Launches Special Campaign for SWIFT Transfers
Converse Bank shares its capital market expertise at the IV Conference Capital Markets Armenia
Ucom’s Level Up+ Packages with the Fastest Mobile Internet in Armenia
The Badalyan Brothers Group of Companies Paid about 33.2 Billion AMD in Taxes and Duties to the State in 2025
IDBank Announces the Launch of the IDDistributor Financial Tool
Safe Workplace as a Guarantee of Development
Spring Promotion at Megamall from Idram&IDBank
“We want to buy your item, please provide your card details.” IDBank warns about fraud on classified platforms
Ucom Fellowship 2025 Concludes as Top Eco-Startups Secure Funding
IDBank Goes International: Mher Abrahamyan's Interview with the Los Angeles Times
AraratBank Earns RIA Money Transfer’s Partner of the Year in Armenia for the Seventh Consecutive Year
Ucom Supports the “DemArDem 2026” Regional Youth Forum
ZCMC еstablishes Sustainability, ESG and Risk Committee
Parallels Between the “Real Armenia Ideology” and Soviet and Turkish Approaches to the Diaspora
New Offer - Up to AMD 5 Million - Consolidate your Loans and Switch to AraratBank
New Promotion at Yerevan Mall Ahead of March 8: Idram&IDBank
UBPay and MoneyTO Launch Money Transfers from Armenia to the UK
In Celebration of the Spring Holidays Ucom Offers Unity Packages on Special Terms
Ameriabank Becomes the First Armenian Company in the List of the 100 Largest Companies on the London Stock Exchange as a Member of Lion Finance Group
IDBank Expands Travel Benefits of Premium Cards
Free Calls and SMS Messages from Ucom for Subscribers in the Middle East
Love Is… Card by Unibank – An Iconic Design and a Romantic Trip for Two to Paris
Customer Appreciation Day at IDBank’s Echmiadzin Branch
Ucom Fellowship Incubation Program Participants Visit Ucom
Individuals and businesses, near and far, all welcome
Trust and reach across the globe
Choosing the Best Gifts for March 8 and Paying with the Idram&IDBank App
Ucom Spring Offer: HONOR X7d 5G Smartphone and Valuable Gifts
AraratBank: Update+ - New Loan Offer with 2% Cashback 
“My phone rang…”: IDBank warns about a rise in fraud using the “call from the bank” scheme.
Ucom Is Recognized as Armenia’s No. 1 Operator for the Fastest Mobile Internet and the Best Fixed Network
Unibank’s perpetual bonds have been listed on the Armenia Securities Exchange
Armenian Company E-auto to Officially Represent HONGQI Vehicles in Georgia
2% Cashback on Payments Made with AraratBank Arca Cards
Order an IDBank Arca Classic card and enjoy up to 2% cashback
IDBank has summed up the raffle held within the framework of IDsalary payroll package: 55 lucky winners have received their prizes
Ucom and Hero House Yerevan Continue Cooperation
KardaLove 5th Anniversary Festival Held under the Title Sponsorship of AraratBank
Ameriabank Opens a New Branch in Artashat: Special Offers for New Customers
Dangerous Generosity: IDBank Warns of a Rise in Fake Online Surveys
Justice Turned Into a Show: The Real Purpose Behind the Case Against Vahe Hakobya
Idram, Mediamax and Hayordi Foundation Launch Initiative Ahead of Book Giving Day
AraratBank Receives Mastercard “Excellence in Strategic Marketing” Award
IDBank has opened a representative office in Glendale, California 
