2000 դրամ փող ենք տալիս, բայց շոգին ու ցրտին դրսում կանգնած ենք

Առավոտյան 6:00–8:00–ն Վազգեն Սարգսյանի անվան հանրապետական մարզադաշտի նախամուտքի դիմաց ծաղկի մեծ շուկա է փռվում: Աբովյանից, Արարատից, Արտաշատից, Էջմիածնից, Մասիսից ջերմատերերը շտապում են իրենց աճեցրած ծաղիկները վաճառել «դալալներին»՝ վերավաճառողներին:

Ծաղկի մշակությամբ զբաղվողներին, սակայն, շուկայի պայմանները չեն բավարարում: Past.am-ի հետ զրույցում բողոքեցին, որ անմարդկային պայմաններում են առևտուր կատարում:

«Նույնիսկ անհրաժեշտ գծանշումներ չկան, թե ով որտեղ կանգնի: Մի ահավոր վիճակ է: Նկարագրելու չէ, թե ինչպես է գյուղացին ծաղիկ վաճառում: Մեքենաները չենք կարողանում կայանել, բոլորն իրար վրա կուտակվում են: Մինչև դարպասները բացվելը մեքենաները հերթ են կանգնում և ամբողջ տարածքում խցանումներ են լինում»,– դժգոհեց ծաղկավաճառը, ով չցանկացավ իր անունը հրապարակել:

Մեծածախ շուկայում գյուղացիները 1,5–2 ժամ են վաճառք իրականացնում: Այդ ժամանակահատվածի համար, ինչպես իրենք են ասում, թանկ գին են վճարում, բայց շուկայի տնօրինությունը նրանց նույնիսկ տարրական պայմաններով չի ապահովում:

«2000 դրամ տեղին փող ենք տալիս: Դա ահռելի գումար է այդ ժամի համար: Մառոզին, շոգին, ձնին դրսում կանգնած ենք ՝ շուկան բացօթյա է, տաղավարներ չկան: Վերջ ի վերջո, ապրանք ենք չէ վաճառում, ծաղիկն էլ շուտ փչացող է: Ձմռանը շուկայի տնօրինությունը ձյունն անգամ չի մաքրում»,– սրտնեղեց մեր զրուցակիցը:

Մոտավոր հաշվարկով՝ 1000–2000 գյուղացի է այստեղ ծաղիկ վաճառում: Կախված սեզոնից՝ մեծածախ առևտրի կետը շաբաթվա ընթացքում մի քանի օր է գործում:

Առևտրականների խոսքով՝ կարողանում են միայն հացի գումար վաստակել:

«Շուտ փչացող ապրանք է, հասցրեցիր ծախել, չէ՝ մնում է, փչանում: Ինչ գին ասում է վերավաճառողը, համաձայնվում ենք, մենակ չթոշնի»,– ներկայացրեցին գյուղացիները:

Նրանք ասացին, որ փոքր և միջին ջերմոցները բիզնես տեսանկյունից շահավետ չեն, բայց կարող են դառնալ շահավետ, եթե բիզնես ռազմավարություն մշակվի՝ հստակեցնելով ինքնարժեքը, աշխատանքի ոճը՝ մատակարարների և գնորդների հետ:

Ըստծաղկիմշակությամբզբաղվողների՝եթետնտեսությաներկարաժամկետզարգացմանվրաշեշտդրվի՝հիմնվելովտեխնոլոգիական, ոչթքանակականզարգացմանվրա, ապադաշտըկառողջանա:

Մանյա Պողոսյան