Շիրակում ցորենի բերքը պակաս է

Past.am- ի հավաստի աղբյուրների պնդմամբ, Շիրակի մարզում այս տարի հացահատիկի բերքի ծավալի զգալի անկում է արձանագրվել: Եթե նախորդ տարի միջին հաշվով մեկ հեկտարից ստանում էին 25 ցենտներ հացահատիկ, ապա այս տարի այդ ցուցանիշը կազմել է մոտ 15 ցենտներ: Գյուղացիները փաստեցին, որ ցորենի բերքը նվազել է 40%–ով:

Մարզում գյուղատնտեսական տարին բավական անբարենպաստ էր: Գարնանն արդեն պարզ էր, որ խստաշունչ ձմեռն աշնանացան ցորենի ցանքսերին զգալի վնաս է հասցրել: Խիստ ձմռանն էլ հաջորդեց երաշտը, որի հետևանքով բերքը կրկնակի, որոշ դեպքերում անգամ եռակի պակասեց:

«Քանի որ նախորդ տարի մենք աշնանը բավական լուրջ ցրտահարություններ ունեցանք, մեր ակնկալիքը, ցավոք սրտի, չեղավ: Գարնանացանի վրա էլ ավելի շատ երաշտն ազդեց»,– ասացին Շիրակի մարզի բնակիչները: Երաշտը հատկապես զգացվել է անջրդի ցանքատարածություններում:

ՄարզիԱզատանհամայնքումցորենիբերքըպակասէեղել: Ազատանցիներըդժգոհեցին, որ «անգամցանածիչափովդուրսչիգալիս»: Ավելին՝երաշտըոչմիայնանջրդի, այլևջրովիցանքատարածություններիբերքատվությանվրաէազդել:

«Գյուղացիները հողերի միայն 10%–ն են կարողացել մշակել, մնացածը ո՛չ սերմացու ուներ, ո՛չ էլ գումար ուներ, որ գնա, սերմ առնի, ցորեն ցանի»,– նշեց Ազատան գյուղի բնակիչը:

Մարզից սպասվող հացահատիկի բերքի ցուցանիշի վրա չէր կարող չազդել նաև այն, որ այս տարի հացահատիկի ցանքատարածությունները շուրջ 6 հազար հեկտարով կրճատվել են:

Հացահատիկային կուլտուրանները` մասնավորապես Ազատանում աճեցրած ցորենն ու գարին գյուղացիները ցածր գներով են վաճառել` կիլոգրամը 80–90 դրամով: Ցածր ինքնարժեքի պատճառով գյուղացին չի ուզում կրկին առանց շահույթ հողում վարուցանք կատարել: «Հացահատիկը փչացող բերք չի, ես կարծում եմ, որ միջին գինը կարելի է պահպանել: Մի քանի տարի առաջ 120 դրամից պակաս գին չկար, հիմա 90 դրամ է, դա մեծ հարված է գյուղացիական տնտեսություններին»,– նշեց Ազատանի գյուղապետ Վարդան Իկլիկյանը:

Գյուղատնտեսական մշակաբույսերի ցանքատարածությունները մարզում 2016 թ. համեմատ պակասել են 10139 հա–ով: Մարզպետարանից տեղեկացրեցին, որ աշնանացան ցորենի ցանքատարածությունների նվազման պատճառ է հանդիսացել 2016 թ. սերմնաբուծության և սերմարտադրության զարգացման ծրագրի դադարեցումը:

Մանյա Պողոսյան