Էկոնոմիկայի նախարարը չի բացառում ՓՄՁ-ներին տրամադրվող ֆինանսավորման ավելացումը

ՀՀ էկոնոմիկայի նախարարությունում նախարար Կարեն Ճշմարիտյանի գլխավորությամբ տեղի է ունեցել Հայաստանի ՓՄՁ զարգացման ազգային կենտրոնի (Հայաստանի ՓՄՁ ԶԱԿ) հոգաբարձուների խորհրդի հերթական նիստը։ Նիստի ընթացքում խորհրդի նախագահ, ՀՀ էկոնոմիկայի նախարար Կարեն Ճշմարիտյանն առաջարկել է քննարկել և վերլուծել ՓՄՁ-ներին տրամադրվող վարկային երաշխավորությունների ծավալը 5 մլն դրամից մինչև 7 կամ 8 մլն դրամ բարձրացնելու հարցը։ Ըստ նախարարի՝ անցած 3 տարիների ընթացքում երկրի տնտեսությունում տեղի ունեցած փոփոխությունները, ինֆլյացիան և այլ տնտեսական գործոններ ապացուցում են, որ այդ գումարը վերանայման կարիք ունի։ Նախարարն առաջարկել է դիտարկել հարցը, ներկայացնել հիմնավորումներ, որպեսզի առաջիկայում հարցը քննարկվի հոգաբարձուների խորհրդի տարեվերջյան նիստի ընթացքում։

Ինչպես  տեղեկացրին «Հայաստանի փոքր և միջին ձեռնարկատիրության զարգացման ազգային կենտրոն» (ՓՄՁ ԶԱԿ) հիմնադրամից, հոգաբարձուների խորհրդի նիստի ընթացքում ՓՄՁ  ԶԱԿ-ի գործադիր տնօրեն Գեղամ Պետրոսյանը ներկայացրել է կենտրոնի՝ 2015թ. 9 ամիսների գործունեության արդյունքը։ Հայաստանի ՓՄՁ ԶԱԿ-ը 2015 թվականի հոկտեմբերի 1-ի դրությամբ մոտ 5300 սկսնակ և գործող ՓՄՁ սուբյեկտների տրամադրել է 10,824 աջակցություն:  Սկսնակ գործարարների ձեռներեցությանն աջակցություն ծրագրին մասնակցել է 331 ձեռնարկատեր։ Ուսուցողական աջակցություն է ստացել 266 գործարար։ 626.3 մլն դրամի վարկային երաշխավորություն է տրամադրվել 130 գործող և սկսնակ բիզնեսի։ Ձեռնարկությունների եվրոպական ցանցի միջոցով աջակցություն է ստացել 180 ձեռնարկություն։  494 տնտեսվարող ստացել է նոր սերնդի ՀԴՄ-ների արժեքի ամբողջական փոխհատուցում։ 67գործարարի տրամադրվել է հյուրատնային բիզնեսի, ջերմոցային և սառնարանային տնտեսության, չրագործության, պանրագործության տեխնոլոգիական խորհրդատվություն։ 25 բիզնեսի տրամադրվել է դրամաշնորհ՝ Ոլորտային աջակցության ծրագրի շրջանակում։  26 համայնքումկատարվել է տեղական տնտեսության վերլուծություն։

Աջակցություն ստացած ՓՄՁ-ների 4.4%-ը գործում են Երևան քաղաքում, իսկ 95.6%-ը ՀՀ մարզերում` առավելապես հեռավոր և սահմանամերձ գյուղական և քաղաքային համայնքներում:

PUM հոլանդական ավագ փորձագետների հիմնադրամի, «Հայաստանի զարգացման նախաձեռնություններ» և «WWF-Հայաստան» հիմնադրամի հետ կնքվել են փոխըմբռնման հուշագրեր՝ ՓՄՁ-ների կարողությունների զարգացման, Սյունիքի և Լոռու մարզերում հյուրատնային բիզնեսի զարգացման հարցում փոխգործակցելու վերաբերյալ։ Շարունակվել է արդյունավետ գործակցությունը միջազգային կազմակերպությունների՝ UNHCR-ի, UNIDO-ի, Ճապոնիայի միջազգային համագործակցության գործակալության (JICA), ԱՄՆ ՄԶԳ, Ասիական զարգացման բանկի և մյուս գործընկեր կառույցների հետ։

ԱՄՆ ՄԶԳ ֆինանսավորմամբ իրականացվող «Գործընկերություն՝ հանուն գյուղական համայնքների բարգավաճման» (USAID/PRP) ծրագրի շրջանակում իրականացվել են Տավուշի մարզի Դեբեդավան համայնքի ոռոգման համակարգի հորատանցքի շահագործման համար անհրաժեշտ պոմպի ձեռքբերումն ու տեղադրումը, մարզի Բերդավան համայնքի ոռոգման համակարգի մասնակի վերակառուցումը, նաև Արմավիրի մարզի Լենուղի համայնքի ոռոգման համակարգի մասնակի վերակառուցումը: Կատարվել է նաև Տավուշի մարզի Կողբ համայնքի ջրընդունիչի և ոռոգման համակարգի մասնակի, Տավուշի մարզի Բերքաբեր համայնքի ոռ ոգման ներքին ցանցի, Տավուշի մարզի Դիտավան համայնքի ոռոգման համակարգի մասնակի վերակառուցումը: Արագածոտնի մարզի Արտենի համայնքի ոռոգման համակարգի մասնակի վերակառուցումը, Գեղարքունիքի մարզի Վահան համայնքի հեռավոր արոտավայրում 24 կովի միաժամանակյա մեխանիզացված կթման փակ շինության կառուցումը, Արագածոտնի մարզի Նիգավան համայնքի արոտավայրի ջրարբիացումը, Արագածոտնի մարզի Սարալանջ համայնքի ոռոգման խողովակաշարի մասնակի վերանորոգումը և Արարատի մարզի Վեդի քաղաքում չորացված մրգերի և բանջարեղենների ուսումնաարտադրական կենտրոնի համար սառնÕ �րանային խցիկի կառուցումը և ջերմամեկուսացումը, սառնարանային սարքավորումների և արտադրական գույքի ձեռքբերումը ևս կատարվել են այդ ծրագրի շրջանակում:

ԵՄ «Ձեռնարկությունների և փոքր և միջին ձեռնարկութունների մրցունակություն» (Competitiveness of Enterprises and Small and Medium-sized Enterprises (COSME, 2014-2020)) ծրագրի շրջանակում Եվրոպական Հանձնաժողովի հայտարարած՝ Ձեռնարկությունների եվրոպական ցանցի (ՁԵՑ) 2015-2020թթ. համակարգում ընդգրկվելու մրցույթին Հայաստանի ՓՄՁ ԶԱԿ-ը ներկայացրել է ծրագրային առաջարկ: Այն գնահատվել է դրական և ուժի մեջ կմտնի COSME-ի համաձայնագրի ստորագրման պահից։ ՀՀ կառավարությունը լիազորել է ՀՀ էկոնոմիկայի նախարարին Հայաստանի Հանրապետության անունից կնքել համապատասխան հÕ �մաձայնագիրը 2016թ. անդամակցելու համար։ Հայաստանի ՓՄՁ ԶԱԿ-ը վճարելու է անհրաժեշտ տարեկան անդամավճարը և իրականացնելու է ՓՄՁ աջակցության ծրագրեր, որոնք COSME-ին անդամության արդյունքում հասանելի կդառնան հայաստանյան ՓՄՁ-ների համար: