Հայ նյարդավիրաբույժներն արժանապատվորեն են ներկայացնում հայաստանյան բժշկությունը միջազգային հարթակներում

 Աշխարհի տարբեր երկրների անվանի նյարդավիրաբույժներ են ժամանել Երևան` մասնակցելու Սևծովյան երկրների 9-րդ միջազգային նյարդավիրաբուժական համագումարին: Համագումարի նպատակն է քննարկել վերջին տասնամյակներին ձեռք բերված փորձը, գիտելիքները, ծանոթանալ նյարդավիրաբուժության ոլորտում ախտորոշման և բուժման նորագույն ձեռքբերումներին, կլինիկական պրակտիկայում դրանց կիրառմանը, նպաստել ոլորտի մասնագÕ �տների մակարդակի բարձրացմանն ուղղված կրթական ծրագրերի ստեղծմանը և հիվանդների բուժման արդյունքների բարելավմանը:  

Հայաստանում առաջին նյարդավիրաբուժական բաժանմունքի հիմնադիր,պրոֆեսոր Սուրեն Զոհրաբյանը նշեց, որ համագումարն ուղղված է լինելու նյարդավիրաբուժության ոլորտում առաջնային կարևորության խնդիրներին, որոնց լուծումը կնպաստի հետագայում ոլորտի զարգացմանը: Նա հույս հայտնեց, որ քննարկումները կանցնեն ստեղծագործական բարձր մակարդակով` դրական քննադատության առկայությամբ: Վրաստանից ժամանած բժշկականգիտությունների դոկտոր Շալվա Էլիավան, ով մանագիտացած է անոթային նյարդավիրաբուժության և գլխուղեղի ուռուցքի բուժման ոլորտում, «Արմենպրես»-ի հետ զրույցում հայտնեց, որ առաջին անգամ չէ Հայաստանում և հայ գործընկերներն արժանապատվորեն են ներկայացնում ոլորտը միջազգային հարթակներում:

ՀՀ առողջապահության նախարարության համաձայն` նյարդավիրաբուժական գիտությունն ու ծառայությունը զարգացում են ապրում Հայաստանում: Երկրում գործում է 8 նեյրովիրաբուժական կլինիկա, և տարեկան իրականացվում է 2500 վիրաբուժություն: Սփյուռքի ջանքերի շնորհիվ նաև հայաստանյան նյարդավիրաբուժությունը ներկայացված է միջազգային մակարդակով:

Ուկրաինայի առողջապահության նախարարության գլխավոր նյարդավիրաբույժ, ակադեմիկոս Եվգենի Պեդաչենկոն իր հերթին նշեց, որ այս խրթին ժամանակներում հաճելի է հանդիպել և բարեկամական կապեր հաստատել այլ երկրների գործընկերների հետ: «Նման հավաքների ժամանակ մենք մի քանի նպատակ ենք հետապնդում, որոնցից հիմնականը ժամանակակից նյարդավիրաբուժության ոլորտում տեղի ունեցող գործընթացների վերաբերայլ գաղափարների փոխանակումն է: Ինձ մասնավորապես հետաքրքրում են ողնաշարի,  նվազագույն ինվազիվ վիրաբուժությանը վերաբերող հարցերը: Նմ ան համագումարները ավանդական են, որոնց ժամանակ կլինիկաները ցույց են տալիս այն լավագույնը, որոնց հասել են ներկա պահին»,-ասաց նա:

Համագումարի շրջանակում կկազմակերպվեն ախտորոշման և բուժման նորագույն մեթոդների ուսուցման վերաբերյալ դասընթացներ, կկազմակերպվի նոր տեխնոլոգիաների, դեղամիջոցների, բժշկական տեխնիկայի և սարքավորումների ցուցահանդես:

Սևծովյան երկրների առաջին միջազգային նյարդավիրաբուժական համագումարը տեղի է ունեցել 1999 թվականին ռումինական Կոնստանցա նավահանգստային քաղաքում: Հայաստանում համագումարն անցկացնելու որոշումը կայացվել է այն բանից հետո, երբ Ադրբեջանը հրաժարվել է այն կազմակերպել: