Ճապոնական մշակույթում 5 ամենազավեշտալի երևույթները

PHOTO 4 April, 2017 23:05

Ճիշտ է, Ճապոնիայում ապշեցուցիչ արագությամբ զարգանում են տեխնոլոգիաները, սակայն, միևնույն է, նրանց մշակույթը փակ է և երբեմն անհասկանալի օտարերկրացիների համար:

Ձեզ ենք ներկայացնում ծագող արևի երկրի մշակույթի 5 ամենազավեշտալի երևույթները:

Հիկիկոմորի

Յուրաքանչյուր հասարակության մեջ գոյություն ունեն այնպիսի մարդիկ, ովքեր դժվարությամբ են շփվում շրջապատի մարդկանց հետ, քանի որ տառապում են դեպրեսիայով կամ հոգեկան այլ շեղումներ ունեն: Սակայն Ճապոնիայում ապրում են այնպիսի երիտասարդներ, ովքեր առանց որևէ պատճառի դադարում են շփվել այլ մարդկանց հետ:

Այս մարդկանց յուրահատկությունն այն է, որ նրանք հիմնականում կա՛մ դեռահասներ են լինում, կա՛մ էլ 30 ամյակը չբոլորած երիտասարդներ: Մարդիկ հիկիկոմորիներ են համարվում մի քանի պատճառներով: Դրանցից առաջինը համացանցային կախվածությունն է, երկրորդը՝ ուսումնական հաստատություններում ֆիզիկական և մտավոր ծանրաբեռնվածությունը, իսկ երրոդը հենց նրանց ծնողները, քանի որ վերջիններս ամեն գնով պատրաստ են իրենց կողքին պահել երեխաներին, որպեսզի վերջիններս երբեք չլքեն հարազատ տունը:

Հիկիկոմորիներն այն երիտասարդներն են, ովքեր կես տարուց ավելի նստած են մնում իրենց սենյակում և չեն շփվում ոչ մեկի հետ:

Հանցագործությունները

Ճապոնիայում հանցագործությունների մակարդակը չափազանց ցածր է, քանի որ յուրաքանչյուր զենք՝ սկսած ատրճանակից, վերջացրած արարողակարգային դաշույնով, գրանցվում է ոստիկանությունում:

Սակայն այլ բան է, եթե Դուք արդեն հայտնվել եք դատարանում: Դատական ակտերի 90%-ն ավարտվում է մեղադրական դատավճիռներով: Ճապոնիայում դեռևս գործում է մահապատժի մեթոդը, որը հիմնականում կատարվում է կախաղան հանելու միջոցով: Սարսափելին այն է, որ մահապատժի ենթարկվողի տան անդամներին դրա մասին տեղեկացնում են միայն մահապատիժն իրականացնելուց հետո:

Աշխատանք

Աշխարհին հայտնի է, որ ճապոնացիներն իսկապես աշխատասեր և կարգապահ ազգ են, սակայն սրա հետ մեկտեղ կան խոշոր բիզնեսմեններ, ովքեր նաև հարբեցողներ են: Այս ազգի անդամները չափազանց շատ են խմում: Յուրաքանչյուր կորպորատիվ երեկույթի ժամանակ նրանց ազգային խմիչք սակեն գետի նման հոսում է:

Սակայն զարմանալին այն է, որ գիշերը ինչքան էլ որ հարբեցողությամբ զբաղվեն, միևնույն է, առավոտյան աշխատանքի են գնում սթափ և ամբողջապես կենտրոնացած վիճակում: Ավելին՝ ճապոնական մշակույթն ընդունում է աշխատանքի ընթացքում մի փոքր ննջելը, քանի որ, ըստ նրանց, ովքեր որ քնում են այդ ժամերին, աշխատասեր են և քրտնաջան:

Կոկոդուշի

Այս բառը, որը թարգմանաբար նշանակում է միայնակ մահ, վերագրվում է մարդկանց դիակներին, որոնք այդպես էլ չեն հայտնաբերվել:

Ճապոնիայում մի ժամանակ սովորություն կար, ըստ որի՝ մեկ հարկի տակ ապրում էին ընտանիքի մի քանի սերունդներ: Սակայն ժամանակի ընթացքում դա սկսել է չգործել, և այսօր տարեցները հիմնականում միայնակ են ապրում:

Կահույքի տեղափոխմամբ զբաղվող մարդիկ փաստում են, որ հաճախ են հանդիպում կոկոդուշիների: Ընկերություններից մեկը տեղեկացրել է, որ 1500-ից մոտ 350 դեպքերում նրանք այսպիսի դաժան դեպքերի են հանդիպում:

Այսպես է պատահում նաև յուրաքանչյուր մարդու հետ, ով կյանքի ընթացքում չի ամուսնանում և մահանում է լիակատար միայնության մեջ:

Յաեբա

Մեր հասարակությունում յուրաքանչյուրը ձգտում է ամեն հնարավոր եղանակով ուղղել ատամները և կատարյալ ժպիտ ուննենալ: Իսկ ահա ճապոնացի երիտասարդները տարված են «երկրորդ ատամ»-ներով՝ յաեբաներով: Արհեստական ատամները հագցվում են իրական ատամներից մեկի վրա՝ այդպիսով դուրս ցցված ատամի տպավորություն ստեղծելով: Յաեբան Ճապոնիայում տարածված, սակայն, միևնույն ժամանակ, թանկ հաճույք է: