7 խորհուրդ՝ կատարյալ սելֆի անելու համար

PHOTO 29 March, 2017 11:50

Մենք ապրում ենք այնպիսի աշխարհում, որտեղ սելֆի անելն ամենապարզ գործողությունն է։ Դրանք կարելի է անել օրվա մեջ հարյուրավոր անգամներ, սակայն ոչ բոլորն են կարողանում իրոք լավ սելֆի անել։

Tochka-ն գրում է, որ կա մի քանի խորամանկություն, որոնց շնորհիվ կարող եք բազմաթիվ կատարյալ սելֆիներ անել։

1. Համոզվեք, որ լավ տեսախցիկ ունեք։ Իհարկե, հեռախոսով սելֆիներ անելը շատ հեշտ է, սակայն միշտ հիշեք, որ լավ տեսախցիկով արված սելֆիներն ավելի որակով ու լավ են ստացվում։

2. Գտեք ձեր լավ կողմը։ Սա հորինվածք չէ, ամեն մարդ ունի իր շահեկան կողմը։ Փորձեք, շատ լուսանկարվել ու գտեք այն կողմը, որով հնարավորինս գեղեցիկ եք ստացվում։

3. Նկարեք ճիշտ դիտանկյունից։ Եթե արդեն ընտրել եք ճիշտ կողմը, ապա սկսեք մտածել դիտանկյունի մասին։ Այն պետք է աչքերից մի փոքր ավելի բարձր լինի։ Ավելի լավ է տեսախցիկին չնայել։

4. Լուսավորություն։ Բազմաթիվ հայտնի լուսանկարիչներ կարծում են, որ ճիշտ է լույսին դեմքով կամ մեջքով կանգնել, սակայն ամեն բան կախված է նրանից, թե ինչպիսի լուսանկար եք ցանկանում ստանալ։ Ցանկալի է, որպեսզի լուսանկարվեք ցերեկվա լույսի ներքո։

5. Ուշադրություն դարձրեք դիմահարդարմանը։ Եթե ձեզ լավ ու թարմ եք զգում, ապա լուսանկարվեք։ Պետք չէ ծայրահեղությունների գիրկն ընկել, սակայն փորձեք ավելի թարմ վիճակում լուսանկարվել։

6. Լուսանկարվեք նոր գնած իրերի հետ։ Իհարկե, որ բոլորը կարող են լուսանկարվել Gucci-ի կամ մեկ այլ նմանատիպ բրենդի գնումների հետ, սակայն կարող եք լուսանկարում օգտագործել մյուս բոլոր գնումները, օրինակ՝ նոր գնած ծիծաղելի գուլպաները։

7. Սովորեք մշակել։ Սկզբում հազարավոր լուսանկար եք անում, հետո ընտրում եք այն լուսանկարները, որոնք համեմատաբար լավ են ստացվել ու գալիս է մշակման ժամանակը։ Համացանցում շատ ծրագրեր կան, որոնք կօգնեն ճիշտ մշակել լուսանկարը, օրինակ՝ Facetune կամ Քիմ Քարդաշյանի սիրելի Perfect365 ծրագիրը։