10 գովազդային հոլովակ, որոնք կարող են փոխարինել սիրային ֆիլմի

Ի՞նչ անել, եթե ցանկանում ենք էկրանին նայելով արտասվել, ծիծաղել և երազել, սակայն 2 ժամ ազատ ժամանակ չունենք: Պարզվում է՝ այս 10 գովազդային հոլովակները դիտելով՝ մենք կարող ենք ստանալ այդ բոլոր զգացմունքները՝ առավելագույնը 4 րոպեում:

Past.am-ը ներկայացնում է 10 գովազդային հոլովակ, որոնք կարող են փոխարինել սիրային ֆիլմի:

1. Սառայի և Խուանի պատմությունը

   Extra Gum

   Ո՞վ կմտածեր, որ սովորական մաստակի գովազդի ժամանակ կարելի է այսքան հուզվել: Գովազդը մի զույգի առաջին հանդիպման, առաջին համբույրի, կռվի, բաժանման և, իհարկե, երջանիկ ավարտի մասին է:

2. Գիշերային գնացք

         Chanel N˚ 5

Ցանկանու՞մ եք տեսնել «Ամելի» ֆիլմի շարունակությունը: Գովազդի ռեժիսորը Ժան Պիեր Ժենեն է, իսկ գլխավոր դերում Օդրի Տոտուն է: Կա նաև մի խորհրդավոր անծանոթ:

3. Միշտ քեզ հետ

   Leibniz

   
   Սա փոքրիկ ֆիլմ է այն մասին, որ սիրո համար մենք ստիպված ենք պայքարել, և ի վերջո սերը հաղթում է:

4. Գորտ

   Twistos

   Այս մեկ րոպե տևող գովազդի մեջ տեղավորվել է մի ողջ ռոմանտիկ կատակերգություն: Իսկ եթե լուրջ՝ շատ աղջիկներ կերազեին համբուրել նման գորտի:

5. Ռոբերտ Փաթինսոն և Dior Homme
   Christian Dior

   Այս սև և սպիտակ գովազդային հոլովակն այնքան գեղեցիկ է նկարահանված, որ այն կարելի է բաժանել մասերի և գեղեցիկ ֆոտոշարք ստանալ:

6. Ֆիլմ
   Chanel N˚ 5

   
   Chanel N˚ 5-ի «Le Film» կոչվող այս գովազդը ոչ միայն ամենաթանկարժեք գովազդներից մեկն է (44 միլիոն դոլար), այլ նաև պատմում է հիասքանչ սիրո պատմություն: Գլխավոր դերում Նիկոլ Քիդմանն է:

7. Համբույր
   Vodafone

   
   Այս տեսահոլովակի հեղինակները կարողացել են մի քանի համբույրների միջոցով մի ողջ կյանք պատմել:

8. Հարազատ հոգիներ
   Lynx

   
   Այս տեսահոլովակը նրանց համար է, ովքեր հավատում են, որ աշխարհի ինչ-որ մի անկյունում ապրում է նրանց երկրորդ կեսը, և վաղ թե ուշ նրանք կհանդիպեն:

9. Դու
   Schwarzkopf

   
   Այս գովազդը երևի թե ստեղծվել է բոլոր աղջիկների երազանքի հիման վրա: Իսկ ամենակարևորը տեսահոլովակի վերջին գրվածքն է:

10. Հիշել ամեն ինչ
    Stimorol

Անհավատալի է, որ այս հանրահայտ գովազդային հոլովակն արդեն 25 տարեկան է: Հիշու՞մ եք: