7 գործողություն, որոնք աշունը կդարձնեն առավել հետաքրքիր

Life.tert.am-ը գրում է.

Քայլել բնության գրկում:

Իհարկե հեշտ չէ ջերմ բնակարանից դուրս գալ և քայլել կիսախոնավ բնության մեջ, սակայն փորձել պետք է: Հաշվի առնելով, այն փաստը, որ փոխարենը կարող եք անվճար ստանալ օզոնաթերապիա և բարձրացել կյանքի տոնուսը, չէ որ առջևում ձմեռային երկար ամիսներ են:

Աշնանային նկար հիշեցնող այգու տեսարանները բացառապես դրականորեն կազդեն ցանկացած մարդու հոգեվիճակի վրա:

Կարդալ հին գրքույկներ:

Աշնանային թավշյա եղանակը թելադրում է նաև հին գրքույկների վերընթերցում: Շատ հաճախ փայլուն գաղափարները ծնվում են մեկ գավաթ թեյի, որևէ ստեղծագործության ու  գրավիչ տեսարանի համադրումից: Ստեղծագործող մարդիկ այս համադրությունը միանշանակ բաց չեն թողնի:

Թխել համեղ կարկանդակներ:

Աշնանը տաք թեյը սկսում է աստիճանաբար օրվա անբաժանելի բաղադրիչ դանալ, իսկ թեյի հետ շատ համեղ լրացում է դառնում տանը թխված կարկանդակը: Տնային պայմաններում պատրաստված քաղցրավենիքի բույրը հիասքանչ հակադեպրեսանտ է ցանկացած մարդու համար:

Դիտել հին կինոնկարներ:

Հին կինոնկարների դիտումը հիասքանչ բաղադրատոմս է «ալարկոտ» աշնան համար: Վերցնում ենք խոտաբույսերից պատրաստված մեկ գավաթ թեյ, թխվածքաբլիթ և ծածկոց ու միացնում ենք որևէ հայկական ֆիլմ:

Ստուգել առողջությունը:

Այդքան էլ ոգեշնչող չի հնչում, սակայն անհրաժեշտ է պարբերաբար ժամանակ տրամադրել առողջությանը: Հատկապես հաշվի  առնելով, այն փաստը, որ հոկտեմբեր ամսին նշվում են առողջությանը վերաբերող մի քանի միջազգային տոներ:

Կազմակերպել խնջույքներ ընկերների հետ:

Պատուհանից այն կողմ եղանակը այնքան էլ  բացօթյա խնջույքներ կազմակերպելուն չի տրամադրում, սակայն դա Ձեզ չի խանգարի, որ դուք մի քանի համեղ ուտեստներ պատրաստեք և հյուրերի հրավիրեք:

Հիշել  տատիկի դասերը

Ցուրտ եղանակը տրամադրում է, որ վերցնենք թելերն ու սկսենք գործել: Հատկապես այն դեպքում, երբ հիմա առավել նորաձև է ձեռքի աշխատանքը: