Իրենց իրական ազգային պատկանելությունը բացահայտած մարդկանց մասին տեսանյութը պայթեցրել է համացանցը

Blognews.am-ը գրում է․

Աշխարհում օր-օրի աճում են այլատյացության ու անհանդուրժողականության ցուցանիշները: Մարդիկ ատում ու սպանում են միմյանց միայն նրա համար, որ նույն կրոնը չեն դավանում, ունեն մաշկի տարբեր գույն կամ էլ քաղաքական տարբեր հայացքներ: Աշխարհում լայն թափով վերելք է ապրում ռասիզմը՝ երևույթ, որը,  թվում է, 21-րդ դար ընդհանրապես ոտք չպիտի դներ առհասարակ: Ու երբեմն մենք մեզ բռնացնում ենք այն մտքի վրա, որ ինքներս մեզ գերադասում ենք ուրիշներից ու հայրենասիրությունը ազգայնամոլության վերածած՝ ամբողջ աշխարհի մարդկությանը ստոտադաս ենք համարում մեր սեփական ազգությունից: Իսկ իրականում ոչ ոք մեզանից չգիտի, թե իր գեներում որ ազգության կոդն է գերակշռողը:

Այս տեսանյութն այն մարդկանց մասին է, ովքեր վստահ գիտեն,  թե կոնկրետ ինչ ազգության են իրենք պատկանում: Սակայն հետազոտության արդյունքում  նրանք իմանում են, որ իրենց ԴՆԹ-ն այլ  ինֆորմացիա է կրում: Պարզվում է՝ գիտափորձի մասնակիցներից շատերի երակներում հոսում է իրենց ԹՇՆԱՄՈՒ  արյունը:

Տուրիստական գործակալություններից մեկի պատրաստած այս տեսանյութը համացանցում 25 մլն-ից ավելի դիտում է հավաքել: Գիտափորձին մասնակցել են 67 հոգի, որոնց մեջ եղել են բրիտանացի, ֆրանսուհի, ռուս, իռլանդացի, քրդուհի, կուբացի, բանգլադեշցի: Փորձարկման սկզբում նրանց հարցրել են, թե ո՞վ են նրանք ազգությամբ,  ո՞ր ազգի հանդեպ են հակակրանք զգում և ինչո՞ւ: Այն, ինչ տեղի է ունենում հետո, հուզում է ու ստիպում ևս մեկ անգամ մտածել՝ իսկ միթե՞ չի կարելի այս երկրագնդի վրա ապրել հաշտ ու առանց պատերազմների և ատելության:

Նյութը՝ Արմինե Հայրապետյանի