Խորենը Լևոնյանը, Սիմա Բաղդասարյանը և Ստեփան Փարթամյանն այսօր նշում են իրենց տարեդարձը

Tert.am Life-ը շարունակում է անդրադառնալ հայտնի մարդկանց ծննդյան տարեդարձերին և ներկայացնել նրանցից անձնական և գործնական մի քանի մանրամասներ: Այսօր իրենց տարեդարձն են նշում Ստեփան Փարթամյանը, Սիմա Բաղդասարյանը և Ստեփան Փարթամյանը:

Ստեփան Փարթամյանն այսօր դառնում է 54 տարեկան: Հաղորդավարը ծնունդով Լիբանանի մայրաքաղաք Բեյրութից է: Ավարտել է ԱՄՆ-ի Քալիֆորնիա նահանգի «Նորթրիջ» համալսարանի ռադիո-հեռուստատեսության բաժինը: Հիմնադրել է «Գառնի» երաժշտական ստուդիան, որտեղ ձայնագրել է ավելի քան 50 ձայնասկավառակ` Ռուբեն Հախվերդյան, Արմեն Մովսիսյան, Արթուր Մեսչյան, Լիլիթ Պիպոյան, Բելլա Դարբինյան: Լոս Անջելեսի հայկական հեռուստատեսությամբ վարել է «Ձեր կարծիքը» հաղորդաշարը, հետագայում` «Բարի լույս» հաղորդումը, որը մինչ այսօր էլ վարում է: Հիմնադրել և ղեկավարում է «Հայկական արվեստներ» ընկերությունը, որը կազմակերպել է բազմաթիվ միջոցառումներ և հայ մշակույթին նվիրված երեկոներ:

Այսօր իր 34 ամյակն էլ նշում է հաղորդավարուհի Սիմա Բաղդասարյանը:  Հաղորդավարուհին ավարտել է Երևանի Մխիթար Հերացու անվան պետական բժշկական համալսարանի ստոմատոլոգիական ֆակուլտետը: Աշխատել է տարբեր բժշկական կլինիկաներում` որպես ատամնաբույժ: 2011թ-ից վարել է «Առողջության օրագիր» հաղորդաշարը: Նկարահանվել է «Խաղից դուրս» հեռուստասերիալում: Աշխատում է «Արմենիա» հեռուստաընկերությունում` որպես հաղորդավար: Վարել է «Բժշկական», «Դիզայն» հաղորդումները: Այժմ  վարում է «Բարի լույս» հաղորդումը:

 

Դերասան-հաղորդավար Խորեն Լևոնյանն այսօր դարձավ 33 տարեկան: Դերասան Խորեն Աբրահամյանի և դերասանուհի Լուսյա Հովհաննիսյանի թոռն է, դերասան Արսեն Լևոնյանի եղբայրը: Եղել է բալետի արտիստ Մերի Հովհաննիսյանի ամուսինը: Ավարտել է Երևանի թատրոնի և կինոյի պետական ինստիտուտի դերասանական ֆակուլտետում: Աշխատում է Հայաստանի հանրային հեռուստաընկերությունում` որպես կրկնօրինակող, ապա նաև երաժշտական նախագծերի և համերգների վարող: Վարում է «Երգ երգոց» երաժշտական հաղորդաշարը: Խաղացել է ավելի քան 20 ներկայացումներում: Նկարահանվել է նաև ֆիլմերում` «Մեծ պատմություն փոքր քաղաքում», «Մի վախեցիր», «Ոչինչ չի մնա» , «Սպանված աղավնի» , «Տաքսի, էլի լավ ա», «Խաչագողի հիշատակարան» և այլն: 2013թ. արժանացել է հայկական «Հայակ» ազգային կինոյի մրցանակաբաշխության «Երկրորդական դերի լավագույն դերասան» մրցանակին` «Գարեգին Նժդեհ» ֆիլմի համար և ՀՀ «Մովսես Խորենացի» շքանշանի: